Switiviso

◼ Minkandziyiso leyi nga ta fambisiwa hi January: Buku yin’wana ni yin’wana leyi kandziyisiweke emahlweni ka 1990 leyi nga kona evandlheni. Loko mi nga ri na tona evandlheni, hi kombela mi kamba emavandlheni ya le kusuhi lama nga ni minkandziyiso leyi ya khale leyi mi nga yi fambisaka. February: Tshinela Eka Yehovha. March: Dyondza Eka Mudyondzisi Lonkulu. April: Timagazini ta Xihondzo xo Rindza ni Xalamuka!

◼ Ku sukela hi February naswona ku nga si hundza March 6, nkulumo leyintshwa ya mulanguteri wa xifundzha yi ta va ni xihloko lexi nge “Endla Swilo Hi Vutlhari eMisaveni Leyi Pfilunganeke.”

◼ Mavandlha ma fanele ma endla malunghiselelo lamanene yo tlangela Xitsundzuxo xa nan’waka hi Ravumune, March 24, endzhaku ka ku pela ka dyambu. Hambiloko nkulumo yo hatla yi sungula, swifanekiselo a swi fanelanga swi fambisiwa loko dyambu ri nga si pela. Kumisisani leswaku dyambu ri pela rini endhawini ya ka n’wina. Hambileswi swi nga swinene leswaku vandlha rin’wana ni rin’wana ri va ni Xitsundzuxo xa rona n’wini, minkarhi yin’wana a swi koteki. Loko Holo ya Mfumo yi tirhisiwa hi mavandlha yo hlayanyana, mavandlha man’wana ma nga ha hirha muako wun’wana leswaku ma ta wu tirhisa madyambu wolawo. Loko swi koteka, hi ringanyeta leswaku vandlha leri landzelaka rin’wana, ri nghena endzhaku ka 40 wa timinete leswaku un’wana ni un’wana a ta vuyeriwa hi xitalo eka siku leri. Nakambe ku fanele ku anakanyiwa hi ku tala ka mimovha emapatweni ni ndhawu yo paka swin’we ni ku tisiwa ni ku landziwa ka vanhu. Huvo ya vakulu yi fanele yi vona leswaku hi wahi malunghiselelo lama nga ta vuyerisa vandlha.

April 16, 2005 ku ta va Siku ra hina ro hlawuleka ra Timagazini. Ha mi khutaza hinkwenu leswaku mi sungula ku hlela ka ha ri sweswi leswaku mi ta hlanganyela hi xitalo nan’waka. Mavandlha ma fanele ma rhumela swikombelo swo hlawuleka swa timagazini hi ku hatlisa.