Xiyimiso Xa Nhlangano Wa Ntirho

Vhiki Leri Sungulaka Hi February 14

Risimu 174

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa February 15 ni Xalamuka! ya March 8. Hi ku komisa pfuxeta ndlela leyi xikombiso xa swingheniso leswi xi nga tirhisiwaka ha yona eka swiyimo swa le nsin’wini ya ka n’wina.—Vona Vutirheli Bya Hina Bya Mfumo, bya January 2005 tl. 8.

35 min: “Nkarhi Wa Xitsundzuxo I Wo Endla Ntirho Lowu Engetelekeke.”a Nkulumo leyi nga ta nyikeriwa hi mulanguteri wa ntirho. Loko mi bula hi ndzimana 6, katsa ni tinhlamuselo leti nga eka Xalamuka! ya September 8, 2004, matluka 12-13. Tivisa lava tsariseke ku va maphayona ya nkarhinyana. Xaxameta minhlangano leyi engetelekeke leyi hleriweke ya ntirho wa nsimu. Khutaza hinkwavo leswaku va lunghekela ku tirha nkarhi wo lehanyana entirhweni wa nsimu hi nkarhi lowu wa Xitsundzuxo.

Risimu 14 ni xikhongelo xo pfala.

Vhiki Leri Sungulaka Hi February 21

Risimu 31

5 min: Switiviso swa vandlha.

40 min: “Ntsombano Wa Muganga Wu Hi Susumetela Ku Famba Ni Xikwembu.” Yi fanele yi nyikeriwa hi nkulu. Endzhaku ka xingheniso lexi nga tluliki minete, bula ni vayingiseri hi nongonoko wa ntsombano, u tirhisa swivutiso leswi kumekaka eka xihloko lexi. Tirhisa nkarhi hi vukheta leswaku u kota ku hlanganisa swivutiso hinkwaswo, kumbexana eka swivutiso swin’wana ku nga nyikeriwa nhlamulo yin’we ntsena. A swi bohi ku hlaya matsalwa hinkwawo lama kombisiweke; ma endleriwe ku pfuneta vayingiseri ku kuma tinhlamulo hi ku olova. Tinhlamulo ti fanele ti boxa vuyelo lebyi nga vaka kona loko ku tirhisiwa swilo leswi dyondziweke.

Risimu 21 ni xikhongelo xo pfala.

Vhiki Leri Sungulaka February 28

Risimu 42

10 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa ntirho wa nsimu swa February. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa March 1 kumbe Xalamuka! ya March 8. Ku nga ha tirhisiwa ni swingheniso swin’wana leswi tirhaka. Emakumu ka wun’wana wa minkombiso, muhuweleri a a rhambe n’wini wa muti eXitsundzuxweni hi ku tirhisa xirhambo lexi nga eka tluka ro hetelela ra Xalamuka! ya March 8.

20 min: “Nkhensa Musa Wa Yehovha Wa Rirhandzu.”b Tivisa nkarhi ni ndhawu ya Xitsundzuxo ni vito ra xivulavuri swin’we ni vuxokoxoko byin’wana lebyi faneleke. Loko mi bula hi ndzimana 4, katsa ni nkombiso wa muhuweleri la rhambaka munhu loyi a hambetaka a n’wi tisela timagazini leswaku a va kona eXitsundzuxweni. Swiphephana swa xirhambo xa Xitsundzuxo swi fanele swi phakeriwa endzhaku ka nhlangano lowu, loko swi nga si phakeriwa.

15 min: “Ku Fambisa Tidyondzo Ta Bibele Leti Endlaka Nhluvuko—Xiyenge 6.”c A ku ve ni nkombiso wa mune wa timinete laha xichudeni xa Bibele xi vutisaka leswaku ha yini va nga talanga lava dyaka xinkwa ni ku nwa vhinyo eXitsundzuxweni. Mufambisi wa dyondzo u bumabumela xichudeni hikwalaho ka xivutiso xa xona, kutani a xi tsala ehansi ivi a ringanyeta leswaku va ta bula ha xona endzhaku ka dyondzo ya vhiki rero. Loko va gimeta dyondzo, mufambisi wa dyondzo u komba xichudeni xivutiso lexi nge “I mani la faneleke ku dya xinkwa ni vhinyo?” eka matluka 417-8 ebukwini leyi nge Ku Hlamulana. Va hlaya rungula rero swin’we, ivi xichudeni xi nkhensa nhlamulo leyi twalaka ya xivutiso xa xona.

Risimu 72 ni xikhongelo xo pfala.

Vhiki Leri Sungulaka Hi March 7

Risimu 12

10 min: Switiviso swa vandlha. Pfuxeta tinhla-nkulu ta bokisi leri nge “Leswi Faneleke Swi Tsundzukiwa Malunghana Ni Xitsundzuxo.”

15 min: Swilaveko swa vandlha.

20 min: Khathalela Lava Tsaneke. (Mint. 20:35) Endzhaku ka xingheniso lexi nga tluliki minete, fambisa bulo ra swivutiso ni tinhlamulo leri sekeriweke eka Xihondzo xo Rindza xa July 1, 2004, matluka 17-18, tindzimana 12-16, hi ndlela leyi swi endlisiwaka xiswona eka Dyondzo ya Xihondzo xo Rindza. Endla leswaku tindzimana ti hlayiwa hi makwerhu la kotaka ku hlaya kahle. Nkulumo leyi yi fanele yi dzika eka ndlela leyi rungula leri ri nga tirhisiwaka ha yona eXitsundzuxweni lexi nga ta va kona ni le ka nkulumo yo hlawuleka.

Risimu 192 ni xikhongelo xo pfala.

[Tinhlamuselo ta le hansi]