Dyondza Broxara Leyi Nge Tshamani Mi Rindzile!

Emisaveni hinkwayo mavandlha ma ta dyondza broxara leyi nge Tshamani Mi Rindzile! eka Dyondzo ya Buku ya Vandlha, ku sukela hi vhiki ra May 23 ku ya ka June 20, 2005. Hi kombela mi tirhisa swivutiso leswi landzelaka loko mi lunghiselela ni loko mi fambisa dyondzo leyi. Hi nkarhi wa dyondzo, hlayani tindzimana ni matsalwa lama kombisiweke loko nkarhi wu pfumela.

Vhiki Ra May 23

◼ Matluka 3-4: Hi swihi swilo leswi longoloxiweke laha leswi ku khumbeke ngopfu evuton’wini? I yini leswi kombisaka leswaku swiyimo leswi a swi humeleli endhawini yo karhi ntsena?

◼ Tluka 5: I yini leswi ku khorwisaka leswaku Xikwembu xa khathala hakunene? I yini leswi nga ha kombisaka leswaku ha khathala hi Xikwembu ni hi leswi xi swi endlaka?

◼ Matluka 6-8: Xana Matewu 24:1-8, 14 yi ri yini mayelana ni leswi swiyimo leswi nga kona swi vulaka swona? Hilaha swi kombisiweke hakona eka 2 Timotiya 3:1-5, xana sweswi hi hanya enkarhini wihi? Xana lawa i masiku ya ku hela ka yini? I yini leswi ku khorwisaka leswaku Bibele i Rito ra Xikwembu hakunene? Mfumo lowu hi chumayelaka ha wona i yini?

◼ Matluka 9-10: Ha yini hi fanele hi xiyisisa swiboho leswi hi swi endlaka siku ni siku ni swilo leswi hi swi rhangisaka evuton’wini? (Rhom. 2:6; Gal. 6:7) Loko u ri karhi u anakanyisisa hi swivutiso leswi nga eka tluka 10, hi wahi matsalwa lama taka emianakanyweni ya wena lama faneleke ma ku khutaza eka leswi u swi endlaka?

Vhiki Ra May 30

◼ Tluka 11: Ha yini un’wana ni un’wana wa hina a fanele a anakanyisisa hi swivutiso leswi nga eka tluka leri? (1 Kor. 10:12; Efe. 6:10-18) Xana tinhlamulo ta hina eka swivutiso leswi ti paluxa leswaku hi yi teka yi ri ya nkoka kumbe yi nga ri ya nkoka ndzayo ya Yesu leyi nga eka Matewu 24:44?

◼ Matluka 12-14: Xana “nkarhi wa ku avanyisiwa” lowu ku vulavuriwaka ha wona eka Nhlavutelo 14:6, 7, i yini? Xana swi vula yini ku ‘chava Xikwembu ni ku xi vangamisa’? Xana Babilona Lonkulu i yini, naswona ku ta endleka yini hi yena? Hi rihi goza leri hi faneleke hi ri teka sweswi malunghana na Babilona Lonkulu? I yini swin’wana leswi profetiweke mayelana ni nkarhi wa ku avanyisa? Xana leswi hi nga ri tiviki hi ku kongoma “siku hambi ku ri nkarhi” wa ku avanyisa ka Xikwembu loku profetiweke, swi fanele swi hi khumba njhani? (Mat. 25:13)

◼ Tluka 15: Hi yihi mphikamakaneta ya vuhosi leyi nga kona, naswona yi hi khumba njhani ha un’we?

◼ Matluka 16-19: Xana “matilo lamantshwa ni misava leyintshwa” i yini? (2 Pet. 3:13) I mani la tshembisaka ku endla sweswo? I yini leswi nga ta va swi herisiwile eka matilo lamantshwa ni misava leyintshwa? Xana na hina hi ta vuyeriwa?

Vhiki Ra June 6

◼ Matluka 20-1: Hi xihi xitsundzuxo lexi Yesu a xi nyikeke valandzeri va yena va lembe-xidzana ro sungula malunghana ni ku baleka? (Luka 21:20, 21) Xana a va fanele va baleka rini? Ha yini a va fanele va baleka handle ko yima-yima? (Mat. 24:16-18, 21) Ha yini vanhu vo tala va honisa switsundzuxo? Xana ku yingisa switsundzuxo ku va pfune njhani vanhu va ntsandza vahlayi va le China ni va le Swihlaleni swa Philippine? Ha yini swi ri swa xihatla ku yingisa xitsundzuxo xa Bibele mayelana ni ku hela ka mafambiselo lawa ya swilo? Leswi nkarhi se wu nga wutsongo, hi byihi vutihlamuleri lebyi hi nga na byona? (Swiv. 24:11, 12)

◼ Matluka 22-3: Ha yini vunyingi bya vanhu byi swi be hi makatla switsundzuxo swa mhangu leyi a yi ta humelela eAustralia hi 1974 ni le Colombia hi 1985, naswona vuyelo bya kona byi ve byihi? U ehleketa leswaku wena a wu ta va u angule njhani eka switsundzuxo sweswo, naswona ha yini? I yini lexi nga ha kombisaka leswaku a hi ta va hi xi yingisile kumbe hi nga xi yingisanga xitsundzuxo enkarhini wa Nowa? Ha yini vanhu a va tsakela ku tshama emutini wa Sodoma ni le kusuhi na wona? Xana hi nga vuyeriwa njhani loko hi anakanyisisa hi leswi humeleleke eSodoma?

Vhiki Ra June 13

◼ Matluka 24-7: Tirhisani “Swivutiso Swa Dyondzo” leswi nga eka tluka 27.

Vhiki Ra June 20

◼ Matluka 28-31: Tirhisani “Swivutiso Swa Dyondzo” leswi nga eka tluka 31.

Loko hi dyondza broxara leyi, swi ta hi pfuna ku ‘tshama hi rindzile’ ni ku tshama hi lunghekile. Onge ku chumayela ka hina erivaleni minkarhi hinkwayo ku nga kombisa nkoka wa marito ya ntsumi lama nge: “Chavani Xikwembu mi xi vangamisa, hikuva nkarhi wa ku avanyisiwa hi xona wu fikile.”—Mat. 24:42, 44; Nhlav. 14:7.