Xiyimiso Xa Nhlangano Wa Ntirho

Vhiki Leri Sungulaka Hi May 9

Risimu 217

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa May 15 ni Xalamuka! ya June 8. Ku nga ha tirhisiwa ni swingheniso swin’wana leswi tirhaka. Eka nkombiso wun’wana, kombisa muhuweleri a ri karhi a fambisa timagazini hi xitshuketa loko a khandziye xo famba xa mani na mani.

15 min: Tirhisa Rito Ra Xikwembu Leswaku U Humesa Leswi Nga eMbilwini. Nkulumo leyi sekeriweke eka Xihondzo xo Rindza xa February 1, 2005, matluka 28-31. Hlamusela ndlela leyi Yesu a ma tirhiseke ha yona Matsalwa loko a pfuna Petro. Hlamusela ndlela leyi hi nga xi landzelaka ha yona xikombiso xa Yesu loko ku ri ni xilaveko xo lulamisa mianakanyo ni ndlela leyi vana va hina va titwaka ha yona, ku katsa ni swichudeni swa hina swa Bibele na hina vini.

20 min: “Endla Xiyimiso Xa Ndyangu Lexi Nga Ta Tirha Kahle.” Eka xingheniso lexi nga hetiki timinete timbirhi, kandziyisa nkoka wa xiyimiso lexi tsariweke u tlhela u hlamusela ndlela leyi xi nga tatiwaka ha yona xiyimiso lexi nga tsariwangiki nchumu lexi nga eka tluka 6. Ku ta landzela bulo ra swivutiso ni tinhlamulo leri nga eka xihloko lexi nge “Xiyimiso Xa Ndyangu Xa Ku Ya eMinhlanganweni Ya Vandlha.” Kombela vayingiseri va hlamusela ndlela leyi va endlaka ha yona leswaku mintirho ya vona yin’wana yi nga va kavanyeti ku ya eminhlanganweni ya vandlha. Tinhla tin’wana ta xiyimiso xa ndyangu ku ta buriwa ha tona eka mavhiki lama landzelaka.

Risimu 176 ni xikhongelo xo pfala.

Vhiki Leri Sungulaka Hi May 16

Risimu 201

10 min: Switiviso swa vandlha.

15 min: “Xiyimiso Xa Ndyangu, Xa Ku Huma Nsimu Tanihi Ndyangu.”a Kombela vayingiseri va hlamusela vuyelo lebyi va veke na byona hikwalaho ko tirha swin’we ensin’wini nkarhi na nkarhi tanihi ndyangu.

20 min: “Ku Fambisa Tidyondzo Ta Bibele Leti Endlaka Nhluvuko—Xiyenge 9.”b Loko mi bula hi ndzimana 2, kandziyisa yinhla yin’we kumbe timbirhi leti kumekaka eka Vutirheli Bya Hina Bya Mfumo bya December 2004, tluka 8. Katsa ni nkombiso wo koma wa dyondzo ya Bibele. Endzhaku ka loko mufambisi wa dyondzo a hete dyondzo 2 eka broxara leyi nge Leswi Xi Swi Languteleke, u vutisa xichudeni a ku: “Xana u nga n’wi hlamusela njhani munghana wa wena leswaku vito ra Xikwembu i mani?” Xichudeni xi hlamusela ndlela leyi xi nga yi tirhisaka ha yona Pisalema 83:18, ivi mufambisi wa dyondzo a xi bumabumela.

Risimu 134 ni xikhongelo xo pfala.

Vhiki Leri Sungulaka Hi May 23

Risimu 194

12 min: Switiviso swa vandlha. Hlaya xiviko xa timali ni papila ro nkhensa minyikelo, leri humaka erhavini. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa June 1 ni Xalamuka! ya June 8. Ku nga ha tirhisiwa ni swingheniso swin’wana leswi tirhaka.

18 min: “Siku Ra Yehovha Ri Le Kusuhi.”c Loko u lunghiselela nkulumo leyi, hlaya buku leyi nge Vuprofeta Bya Daniyele, eka tluka 59, ndzimana 28.

15 min: “Xiyimiso Xa Ndyangu, Xa Dyondzo Ya Ndyangu.”d Hlela ka ha ri emahlweni leswaku muhuweleri un’we kumbe vambirhi va hlamusela ndlela leyi va xi endlaka ha yona xiyimiso xa dyondzo ya ndyangu wa vona ni leswaku hi wahi matshalatshala lama lavekaka leswaku va xi namarhela.

Risimu 152 ni xikhongelo xo pfala.

Vhiki Leri Sungulaka Hi May 30

Risimu 190

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa May. Boxa minkandziyiso leyi nga ta fambisiwa hi June. Kombisa ndlela leyi xingheniso xin’we kumbe swimbirhi leswi ringanyetiweke eka xiengetelo xa Vutirheli Bya Hina Bya Mfumo bya January 2005 swi nga tirhisiwaka ha yona (loko swi fanela nsimu ya ka n’wina). Ku nga ha tirhisiwa ni swingheniso swin’wana leswi tirhaka.

20 min: “Xiyimiso Xa Ndyangu Xa Ndzimana Ya Siku.”e Kombela vayingiseri va hlamusela ndlela leyi mindyangu ya vona yi vuyeriweke ha yona hikwalaho ko kambisisa ndzimana ya siku swin’we, ni leswaku hi xihi xiyimiso lexi va xi kumeke xi tirha eka vona.

15 min: Hlamusela kumbe u endla nkombiso wa mintokoto leyi mi yi tsakeleke ensin’wini hi March, April na hi May. Hlela ka ha ri emahlweni leswaku muhuweleri un’we kumbe vambirhi va hlamusela matshalatshala lawa va ma endleke leswaku va hlanganyela hi xitalo ensin’wini hi nkarhi wa Xitsundzuxo ni mikateko leyi va yi kumeke.

Risimu 115 ni xikhongelo xo pfala.

Vhiki Leri Sungulaka Hi June 6

Risimu 155

10 min: Switiviso swa vandlha.

15 min: Swilaveko swa vandlha.

20 min: “Hlakulela Ku Tsakela Hi Ku Hambeta U Yisela Munhu Timagazini.”f Loko mi bula hi ndzimana 3, boxa tinhla leti nga ebukwini leyi nge Ku Hlamulana eka matluka 139-43. Rungula leri ri nga tirhisiwa loko u lunghiselela matsalwa lawa u nga ta ma tirhisa eka riendzo ha rin’we ku hlamusela leswi Mfumo wa Xikwembu wu nga ta swi endla. Katsa ni nkombiso wa ndlela leyi muhuweleri a nga ri nghenisaka ha yona tsalwa eka munhu loyi a hambetaka a n’wi yisela timagazini. Muhuweleri u fanele a hlamusela a tlhela a kombisa hi ku komisa ndlela leyi tsalwa rero ri tirhaka ha yona, leswaku a pfuna n’wini wa muti ku ri twisisa kahle ni ku vona leswaku ri n’wi pfuna ha yini evuton’wini bya yena.

Risimu 107 ni xikhongelo xo pfala.

[Tinhlamuselo ta le hansi]