Xiyimiso Xa Nhlangano Wa Ntirho

Vhiki Leri Sungulaka Hi June 13

Risimu 198

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 8 (loko swi fanela nsimu ya n’wina) u kombisa ndlela yo fambisa Xihondzo xo Rindza xa June 15 ni Xalamuka! ya July 8. Ku nga ha tirhisiwa ni swingheniso swin’wana leswi tirhaka. Eka nkombiso wun’wana, muhuweleri a a fambise timagazini hi xitshuketa.

15 min: Ku Pfuna Van’wana Leswaku Va Va Vahuweleri Lava Nga Khuvuriwangiki. Nkulumo leyi katsaka ku vulavurisana ni vayingiseri leyi nga ta nyikeriwa hi nkulu leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, matluka 79-81. Hlamusela leswi faneleke swi endliwa ku vona loko xichudeni xa Bibele xi endla leswi Matsalwa ma lavaka swona leswaku xi fanelekela ku huma nsimu swin’we ni vandlha. Vhiki leri taka hi ta kambisisa leswaku hi nga swi letela njhani swichudeni swa Bibele leswi fanelekaka ku va vahuweleri lava nga khuvuriwangiki, leswaku swi ta sungula ku famba swi chumayela hi yindlu ni yindlu.

20 min: “Ku Chumayela Ku Hi Pfuna Leswaku Hi Tiyisela.”a Loko nkarhi wu pfumela, kombela vayingiseri leswaku va hlamusela matsalwa lama kombisiweke.

Risimu 149 ni xikhongelo xo pfala.

Vhiki Leri Sungulaka Hi June 20

Risimu 206

10 min: Switiviso swa vandlha. Pfuxeta tinhla-nkulu leti kumekaka eka Vutirheli Bya Hina Bya Mfumo bya July 2003, tluka 4. Hlamusela ndlela leyi vahuweleri va nga yi kumaka ha yona minkandziyiso ya ririmi rimbe. Hlamusela ndlela leyi rungula leri ri tirhaka ha yona endhawini ya ka n’wina. Xikombelo xihi ni xihi xa minkandziyiso ya ririmi rimbe xi fanele xi endliwa eka mukhomi wa tibuku, hambiloko ku ri xa nkandziyiso wun’we, ku endlela leswaku mi ta kuma minkandziyiso ya n’wina hi ku hatlisa.

15 min: Rito Ra Xikwembu Ri Ni Matimba. (Hev. 4:12) Nkulumo leyi sekeriweke eka Xihondzo xo Rindza xa November 15, 2003, tluka 11, tindzimana 13-17. Rungula mintokoto leyi kombisaka ndlela leyi ndzetelo wa Bibele wu nga susumetaka vanhu ku cinca mahanyelo ya vona ha yona. (w00-TS 1/1 matl. 3-5) Khutaza hinkwavo leswaku va yi tirhisa swinene Bibele loko va ri karhi va chumayela.

20 min: “Ku Fambisa Tidyondzo Ta Bibele Leti Endlaka Nhluvuko—Xiyenge 10.”b Katsa ni nkombiso wa xichudeni lexi titolovetaka leswi xi nga ta chumayerisa xiswona. Loko xichudeni xi ri karhi xi titoloveta rungula ra kona, mufambisi wa dyondzo loyi a nga ta va n’wini wa muti, u xi hlamula hi ndlela leyi vanhu va le nsin’wini ya n’wina va hlamurisaka xiswona, loko xichudeni xi nga tiyiseki leswaku xi ta hlamula njhani, kutani yena a xi hlamusela ndlela leyi xi nga hlamulaka ha yona. Ku engetela kwalaho, hlela ka ha ri emahlweni leswaku muhuweleri un’we kumbe vambirhi va hlamusela ndzetelo lowu va wu kumeke loko va sungula ku chumayela hi yindlu ni yindlu.

Risimu 208 ni xikhongelo xo pfala.

Vhiki Leri Sungulaka Hi June 27

Risimu 113

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa June. Hlaya xiviko xa timali ni papila ro nkhensa minyikelo, leri humaka erhavini. Tirhisa swiringanyeto leswi nga eka tluka 8 (loko swi fanela nsimu ya n’wina) u kombisa ndlela yo fambisa Xihondzo xo Rindza xa July 1 ni Xalamuka! ya July 8. Ku nga ha tirhisiwa ni swingheniso swin’wana leswi tirhaka. Endzhaku ka nkombiso, phindha leswi vuriweke eku sunguleni leswi ku nga swona swi pfuxeke ku tsakela ka n’wini wa muti.

15 min: Swilaveko swa vandlha.

20 min: Ku Fambisa Tibroxara Hi July Na Hi August. Nkulumo leyi katsaka ku vulavurisana ni vayingiseri leyi sekeriweke eka xiengetelo. Hi ku komisa, hlamusela ndlela leyi xiengetelo xi nga tirhisiwaka ha yona, u kandziyisa bokisi leri nga eka tluka 3, swin’we ni tinhla-nkulu leti nga eka Vutirheli Bya Hina Bya Mfumo bya January 2005, tluka 8. Hlamusela swiringanyeto leswi fanelaka nsimu ya n’wina swo fambisa tibroxara eka riendzo ro sungula. Vana ni minkombiso mimbirhi kumbe minharhu hi swingheniso leswi ringanyetiweke. Nkombiso wun’wana a wu endliwe hi muhuweleri la nga muntshwa.

Risimu 196 ni xikhongelo xo pfala.

Vhiki Leri Sungulaka Hi July 4

Risimu 70

10 min: Switiviso swa vandlha.

15 min: Xana Xiyimiso Xa Ndyangu Xa Ku Pfuna? Pfuxeta swiringanyeto leswi nga eka xiengetelo xa Vutirheli Bya Hina Bya Mfumo bya May 2005, kutani u kombela vayingiseri va hlamusela matshalatshala lawa va ma endleke leswaku va tirhisa swiringanyeto sweswo ni leswaku hi byihi vuyelo lebyi va veke na byona hikwalaho ko endla tano.

20 min: “Ku Chumayela Hi Ndlela Leyi Vekaka Mihandzu eTindhawini Ta Mani Na Mani.”c Endla leswaku nkulumo yi fanela ndhawu ya ka n’wina. Tsundzuxa vahuweleri leswaku va tirhisa fomo leyi nge Please Follow Up (S-43) laha swi faneleke.—Vona Vutirheli Bya Hina Bya Mfumo bya April 2005, tl. 5.

Risimu 120 ni xikhongelo xo pfala.

[Timhlamuselo ta le hansi]