Switiviso

◼ Minkandziyiso leyi nga ta fambisiwa hi June: Tshamani Mi Rindzile! July na August: Fambisa broxara yin’wana ni yin’wana leyi nga ni matluka ya 32 handle ka leyi nge Timbhoni Ta Yehovha Ni Dyondzo, Timbhoni Ta Yehovha—I Vamani Xana? Ti Pfumela Yini Ke?, “Vona Tiko Lerinene” ni leyi nge Xana Ngati Yi Nga Byi Ponisa Njhani Vutomi Bya Wena. September: Vutivi Lebyi Yisaka eVuton’wini Lebyi Nga Heriki.

◼ Kopi ya buku leyi nge Ku Hleleriwa Ku Endla Ku Rhandza Ka Yehovha yi fanele yi va kona elayiburari ya Holo ya Mfumo. Rungula leri engetelekeke ra tilayiburari ta Tiholo ta Mfumo ri kumeka eka Vutirheli Bya Hina Bya Mfumo bya April 2003, tluka 5, ni le ka Bokisi Ra Swivutiso eka Vutirheli Bya Hina Bya Mfumo bya April 1997.

◼ Hikwalaho ka ku andza loku nga kona endyangwini wa Bethele ya la Afrika Dzonga, ku ni xilaveko xa xihatla xa dokodela la swi thwaseleke. Hambileswi ku lavekaka vamakwerhu lava nga tekangiki lava nga le malembeni ya le xikarhi ka 19 na 35, loko makwerhu a tekile kumbe nsati wa yena a ri dokodela la swi thwaseleke naswona va nga ri na loyi va n’wi wundlaka, havumbirhi bya vona va nga endla xikombelo xo ta tirha eBethele. Nakambe ku ni xilaveko xa xihatla xa dokodela wa meno. Leswaku u faneleka ku tirha eBethele, u fanele ku va u ri na lembe u khuvuriwile. U fanele u ri munhu wa moya la tinyiketeleke, u tiyimiserile ku tirha hi matimba naswona u hanye kahle emirini ni le mianakanyweni ni le mintlhavekweni, nakambe u ri muaka-tiko wa la Afrika Dzonga. Loko se u ri ni malembe yo tlula 35 hi vukhale kambe u faneleka, tata xikombelo xo tirha eBethele kutani u xi nyika komiti ya ntirho ya vandlha ra ka n’wina. Kasi loko u swi lava u nga ha bela rhavi riqingho kumbe u ri tsalela papila leswaku u kuma rungula leri engetelekeke.

◼ Tikhasete Letintshwa Leti Kumekaka:

Tshinela Eka Yehovha!—Xinghezi

◼ Ti-DVD Letintshwa Leti Kumekaka:

Noah Walked With God—David Trusted in God—Xifurwa, Xijapani, Xijarimani, Xinghezi, Xintariyana, Xipaniya, Xiputukezi ni Xirhaxiya (Tindzimi leti hinkwato tikumeka eka DVD yin’we.)

Troublesome Times and Boldly Witnessing—Ririmi Ra Mavoko Ra Le Amerika