Tibroxara Leti Endleriweke Ku Pfuna Vanhu Va Vukhongeri Lebyi Nga Riki Bya Vukreste
Lasting Peace and Happiness—How to Find Them
Loko u chumayela xichudeni xa Muchayina u nga ha ku:
“Swichudeni swo tala leswi ndzi vulavuleke na swona swi vula leswaku swi lava ku hanya hi ku rhula ni ntsako. Xana u anakanya leswaku sweswo i swa nkoka? [Yimela nhlamulo.] Xana a wu nge tsaki ku vona marito lawa ya khale ka khaleni ma hetiseka?” Hlaya Pisalema 37:11, kutani u xi fambisela broxara.—km-TS 2/98 tl. 5.
Our Problems—Who Will Help Us Solve Them?
Loko u vulavula ni Muhindu la ha riki muntshwa, u nga ha ku:
“Ndza tshemba leswaku wa pfumela eka Xikwembu. U ehleketa leswaku hi xihi xikongomelo xa Xikwembu hi hina vanhu? [Yimela nhlamulo. Kutani u hlaya Genesa 1:28.] Etindhawini to tala, vanhu va tale ku tlurisa mpimo, naswona va ni swiphiqo swo tala ngopfu. Xana u ehleketa leswaku Muvumbi u tiyimiserile ku hi pfuna ku herisa swiphiqo swa hina?” Yimela nhlamulo. Kutani u n’wi fambisela broxara.—km-TS 9/99 tl. 8.
The Guidance of God—Our Way to Paradise
Loko u vulavula ni Mumoslem, u nga ha ku:
“Ndzi swi rhandza ngopfu ku bula ni Mamoslem. Ndza tshemba leswaku Mamoslem ma pfumela eka Xikwembu xin’we xa ntiyiso ni le ka vaprofeta hinkwavo. Xana a swi tano? [Yimela nhlamulo.] Ndzi tsakela ku vulavula na wena hi vuprofeta bya khale lebyi vuriweke ka ha ri emahlweni mayelana ni ku hundzuriwa ka misava yi va paradeyisi. Xana ndzi nga ku hlayela leswi muprofeta un’wana a swi tsaleke? [Yimela nhlamulo. Kutani u hlaya Esaya 11:6-9.] Vuprofeta lebyi byi ndzi tsundzuxa marito ya Koran lama kumekaka eka broxara leyi.” Pfula eka tluka 9, kutani u hlaya marito yo dzwihala lama tshahiweke. Loko munhu wa kona a kombisa ku tsakela yisa bulo emahlweni hi ku bula hi tindzimana 7-9 eka tluka leri landzelaka.—km-TS 11/99 tl. 8.
“Vonani, Ndzi Endla Swilo Hinkwaswo Swi Va Leswintshwa”!
U nga ha vula leswi eka Mubudha la dyuhaleke:
“Kumbexana na wena u karhateka hi ndlela leyi ndzi karhatekaka ha yona hi tidyondzo to tala swinene t masiku lawa leti thyakeke ni ndlela leyi ti onhaka vana va hina ha yona. Ha yini vantshwa vo tala va ya emahlweni va tikhoma hi ndlela yo biha swonghasi? [Yimela nhlamulo.] Xana a wu swi tiva leswaku leswi swi vuriwe khale ebukwini leyi tsariweke ku nga si simekiwa vukhongeri bya Mamoslem, bya Vakreste ni bya Mahindu? [Hlaya 2 Timotiya 3:1-3.] Xiya leswaku swiyimo leswi swi ya emahlweni hambileswi vanhu va dyondzekeke. [Hlaya 2Ti 3 ndzimana 7.] Broxara leyi yi ndzi pfune ku twisisa ntiyiso lowu vanhu vo tala va nga si tshamaka va wu dyondza. Xana u nga tsakela ku yi hlaya?”—km-TS 2/98 tl. 5 tindz. 17-20.
Why Should We Worship God in Love and Truth?
Xingheniso lexi xi nga ha tsakisa eka Muhindu la nga ni ndyangu:
“Ndzi endzela vanhu lava karhatekaka hi xiyimo xa vutomi bya ndyangu lexi nga kona ematikweni yo tala namuntlha. Xana u vona onge i yini lexi nga pfunaka mindyangu leswaku yi va ni vun’we? [Yimela nhlamulo.] Vanhu van’wana va tiva leswi matsalwa ya Xihindu ma swi vulaka mayelana ni ndyangu, kambe a va si tinyika nkarhi wo kambisisa leswi Bibele yi swi vulaka hi mhaka leyi. Ndzi tsakela ku bula na wena hi mhaka leyi. [Hlaya Vakolosa 3:12-14.] Broxara leyi yi hlamusela matsalwa yo kwetsima ya le Indiya ni ya le Bibeleni.” N’wi fambisele broxara, kutani u n’wi hlamuselanyana leswi nga eka matluka 8-9 na 20-1.—km-TS 9/99 tl. 8.
Will There Ever Be a World Without War?
Loko u chumayela Muyuda, u nga ha ku:
“Vo tala va hina hi tshame hi tshoveka timbilu hikwalaho ko feriwa hi varhandziwa va hina. Xana u ehleketa leswaku ku humelela yini hi hina loko hi fa?” Yimela nhlamulo. Kutani u n’wi komba bokisi leri nge “Rifu Ni Moya-xiviri—Xana I Yini?” eka tluka 22. Hlaya ndzimana 17 eka tluka 23 leyi vulavulaka hi ku pfuxiwa ka vafi. Kutani u hlamusela leswaku kokwana Yobo a a ri ni ntshembo wa ku pfuxiwa ka vafi. N’wi fambisele broxara, mi hlela leswaku u nga vuya rini mi ta bula hi matsalwa lama nga emakumu ka ndzimana 17.—km-TS 10/99 tl. 12.