Xiyimiso Xa Nhlangano Wa Ntirho

Vhiki Leri Sungulaka Hi August 8

Risimu 125

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri hi masiku ya nhlengeletano ya xifundzha leyi landzelaka ni siku ra nhlengeletano yo hlawuleka ya lembe ra ntirho ra 2006, loko se ma tiveka. Tirhisa xingheniso xin’we kumbe swimbirhi leswi ringanyetiweke leswi nga eka xiengetelo xa Vutirheli Bya Hina Bya Mfumo bya June 2005 u endla nkombiso wo vuyela eka vanhu lava amukeleke tibroxara.

10 min: “Xana U Nga Pfuna Laha Ku Nga Ni Xilaveko Lexikulu?” Nkulumo leyi hisaka hi mulanguteri wa nsimu la rhandzaka nsimu, a khutaza vayingiseri leswaku un’wana ni un’wana a kambisisa swiyimo swakwe, a vona loko a nga ta swi kota ku amukela xirhambo lexi. U fanele ku pfuxeta ni tinhla leti kumekaka eka buku leyi nge Ku Hleleriwa, matluka 111-12.

25 min: “Lowu I Nkarhi Wo Chumayela!”a Hlela ka ha ri emahlweni leswaku phayona rin’we kumbe mambirhi ya nkarhi hinkwawo ma hlamusela swilo leswi ma swi vekeleke etlhelo leswaku ma kota ku phayona swin’we ni mikateko leyi ma tiphineke ha yona hikwalaho ko endla tano.

Risimu 197 ni xikhongelo xo pfala.

Vhiki Leri Sungulaka Hi August 15

Risimu 11

10 min: Switiviso swa vandlha. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa August 15 ni Xalamuka! ya September 8. A ku ve ni nkombiso wa nkulu ni muhuweleri la vabyaka, va chumayela hi riqingho.

15 min: Wa Tsundzuka Xana? Bulo leri sekeriweke eka Xihondzo xo Rindza xa April 15, 2005, tluka 30. Kombela vayingiseri va hlamula xivutiso ha xin’we. Kandziyisa ndlela leyi rungula leri ri pfunaka ha yona. Khutaza hinkwavo leswaku va wu hlaya hi vukheta nkandziyiso wun’wana ni wun’wana wa Xihondzo xo Rindza ni wa Xalamuka!

20 min: “Ku Sungula Tidyondzo Ta Bibele U Lo Yima Kunene Ni Hi Riqingho.”b Katsa ni nkombiso wo koma lowu kombisaka ndlela leyi dyondzo ya Bibele yi nga sunguriwaka ha yona eka riendzo ro sungula, hi ku tirhisa ndzimana yin’we kumbe timbirhi eka broxara leyi nge Leswi Xi Swi Languteleke. Rungula ntokoto wun’we kumbe yimbirhi yo koma leyi khutazaka ya ndlela leyi tidyondzo ta Bibele ti sunguriweke ha yona hi riqingho.

Risimu 30 ni xikhongelo xo pfala.

Vhiki Leri Sungulaka Hi August 22

Risimu 161

10 min: Switiviso swa vandlha. Hlaya xiviko xa timali ni papila ro nkhensa minyikelo, leri humaka erhavini. Nan’waka ku ni mavandlha yo tala lama hlanganyeleke ensin’wini leyi nga aviwangiki. Boxa ndlela leyi ntirho wa nsimu leyi nga aviwangiki wu fambaka ha yona. Tivisa vandlha hi malunghiselelo ya September. Vulavurisana ni un’we kumbe vambirhi lava swilo swi va fambeleke kahle ku ta fikela sweswi.

15 min: Swilaveko swa vandlha.

20 min: “Ku Chumayela Hi Mfumo I Lunghelo Ra Risima.”c Loko mi bula hi ndzimana 4, pfuxeta lunghiselelo ro hlawuleka ra leswaku vanhu lava dyuhaleke kumbe lava vabyaka va nga vika nkarhi wa ntirho wa vona wa le nsin’wini lowu sukelaka eka 15 wa timinete.—Vona Vutirheli Bya Hina Bya Mfumo bya October 2002, tl. 12, ndz. 6.

Risimu 204 ni xikhongelo xo pfala.

Vhiki Leri Sungulaka Hi August 29

Risimu 45

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa August hi ku hatlisa. Hi lava ku fikelela nhlohlorhi yin’wana leyintshwa ya vahuweleri hi August. Valanguteri hinkwavo va tidyondzo ta buku va fanele va tiyiseka leswaku vahuweleri hinkwavo lava nga emintlaweni ya vona va tise swiviko swa vona ku nga si hundza September 6. Va fanele va tiyiseka nakambe leswaku swiviko hinkwaswo leswi nga tisiwangiki swa lembe ra ntirho ra n’wexemu swi yisiwa eka matsalana. Swi nga va swinene loko matsalana a tsalela mulanguteri ha un’we wa dyondzo ya buku, nxaxamelo wa mavito ya vahuweleri hinkwavo lava nga tisangiki swiviko swa vona, ka ha ri ni nkarhi. Tirhisa swiringanyeto leswi nga eka tluka 8 (loko swi fanela nsimu ya ka n’wina) u kombisa ndlela yo fambisa Xihondzo xo Rindza xa September 1 ni Xalamuka! ya September 8. Eka nkombiso wun’wana, a ku endliwe riendzo ro vuyela eka munhu loyi a tshamelaka ku yiseriwa timagazini.

15 min: “Ku Chumayela Hi Swiendlo.”d Kombela vahuweleri lava u va hlawuleke leswaku va hlamusela ndlela leyi mahanyelo lamanene ya vanhu va Xikwembu ma va tsakiseke ha yona lerova va va malandza ya Yehovha.

20 min: Hlaya Bibele Eka Riendzo Ro Sungula. Nkulumo leyi katsaka ku bula ni vayingiseri. Pfuxeta swiringanyeto leswi nga eka Vutirheli Bya Hina Bya Mfumo bya September 2004, tluka 4, ndzimana 2, leswi kombisaka ndlela leyi ha yona hi nga yisaka mianakanyo ya muyingiseri xikan’we-kan’we eRitweni ra Xikwembu. Kombisa ndlela leyi xingheniso xin’we kumbe swimbirhi leswi ringanyetiweke swi nga tirhisiwaka ha yona eka minkandziyiso leyi nga ta fambisiwa hi September. Swiringanyeto leswi nga eka xiengetelo xa Vutirheli Bya Hina Bya Mfumo bya January 2005 swo fambisa minkandziyiso na swona ku nga buriwa ha swona ku tlhela ku endliwa minkombiso ha swona loko nkarhi wu pfumela.

Risimu 71 ni xikhongelo xo pfala.

Vhiki Leri Sungulaka Hi September 5

Risimu 98

10 min: Switiviso swa vandlha.

15 min: “Ku Fambisa Tidyondzo Ta Bibele Leti Endlaka Nhluvuko—Xiyenge 12.”e Hlela ka ha ri emahlweni leswaku muhuweleri un’we kumbe vambirhi va hlamusela leswi va pfuneke leswaku va endla nhluvuko loko va sungula tidyondzo ta Bibele ni loko se va ti fambisa.

20 min: Ku Hlela Ku Pfuna Vadyuhari. Nkulumo leyi nga ta nyikeriwa hi nkulu leyi sekeriweke eka Xihondzo xo Rindza xa August 15, 1993, matluka 28-9, ehansi ka xihlokwana lexi nge “Ku Hlela I Ka Nkoka.” Hlamusela malunghiselelo lama endliweke evandlheni yo pfuna lava vabyaka ni lava dyuhaleke.

Risimu 164 ni xikhongelo xo pfala.

[Tinhlamuselo ta le hansi]