Xana U Nga Pfuna Laha Ku Nga Ni Xilaveko Lexikulu?

Yehovha u tiyimisele leswaku mahungu lamanene ma chumayeriwa “emisaveni hinkwayo leyi akiweke” makumu ma nga si fika. (Mat. 24:14) Leswi u tivaka mhaka leyi, xana u nga rhandza ku rhurhela laha ku nga ni xilaveko lexikulu loko swiyimo swi ku pfumelela? Ku ni xilaveko xa vakulu, malandza ya vutirheli ni maphayona emavandlheni lama xaxametiweke eka tluka leri landzelaka. Loko u khongerile, ivi u vona leswaku u nga swi kota ku rhurhela laha ku nga ni xilaveko lexikulu, burisana ni ndyangu wa wena swin’we ni vakulu va vandlha ra ka n’wina hi mhaka leyi. Kutani u tsala papila leri u nga ta ri nyika vakulu u nga si ri rhumela erhavini leswaku na vona va tsala ra vona leri ku bumabumelaka.

Dzumeri: (en’walungu wa Tzaneen) Ku ni vandlha leritsongo ra vahuweleri va 12. Va ni nsimu leyikulu. Ku laveka nkulu kumbe nandza wa vutirheli la nga ni ndyangu lowu tiyeke emoyeni.

Folovhodwe: Vandlha leri ro va ni vahuweleri va 12 ntsena. Ku laveka maphayona leswaku ma ta pfuna vanhu vo tala lava tsakelaka.

Gogogo: (ekusuhi na Mutale, eVenda) Leri i vandlha leritsongo leri nga ni nsimu leyikulu ni vahuweleri va tsevu ntsena. Ku laveka mindyangu leyi tiyeke emoyeni kumbe vamakwerhu lava tiyeke emoyeni leswaku va ta rhangela ni ku pfuna vanhu lava tsakelaka ensin’wini leyi.

Mahlathi: (ekusuhi na Giyani) Leri i vandlha leri nga ni vahuweleri va nkombo naswona nsimu ya rona yi wupfile. Swi nga va swinene loko ko va ni maphayona kumbe vahuweleri lava tiyeke lava nga rhurhelaka endhawini leyi.

Gandlani: (ekusuhi na le Mashau, eLimpopo) Ku ni vahuweleri va mune ntsena, a ku na vakulu kumbe malandza ya vutirheli. Ku ni xilaveko lexikulu xa maphayona, vakulu ni malandza ya vutirheli leswaku va ta rhangela.

Dzimauli: (ekusuhi na Thohoyandou) Ndhawu leyi i yikulu kasi vahuweleri vo va vambirhi ntsena. Ku ni xilaveko lexikulu xa maphayona, vakulu ni malandza ya vutirheli leswaku va ta pfuna vanhu lava tsakelaka.