Xiyimiso Xa Nhlangano Wa Ntirho

Vhiki Leri Sungulaka Hi November 14

Risimu 220

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 4 (loko swi fanela nsimu ya n’wina) u kombisa ndlela yo fambisa Xihondzo xo Rindza xa November 15 ni Xalamuka! ya December 8. Ku nga ha tirhisiwa ni swingheniso swin’wana leswi tirhaka. Nkombiso ha wun’we a wu kombise ndlela leyi hambaneke yo hlamula lava sivaka bulo hi ku vula va ku, “Vukhongeri a ndzi byi tsakeli.”—Vona buku leyi nge Ku Hlamulana, matluka 16-17.

15 min: Minyikelo Leyi Tsakisaka Mbilu Ya Xikwembu. Nkulumo hi nkulu leyi sekeriweke eka Xihondzo xo Rindza xa November 1, 2005, matluka 26-30.

20 min: “Twarisa Ku Vangama Ka Yehovha.”a Loko mi fika eka ndzimana 4, kombela vayingiseri va hlamusela mintokoto yo koma leyi kombisaka ndlela leyi mahanyelo lamanene ma nga pfulaka ndlela yo chumayela ha yona.

Risimu 24 ni xikhongelo xo pfala.

Vhiki Leri Sungulaka Hi November 21

Risimu 40

10 min: Switiviso swa vandlha. Bumabumela hinkwavo lava hlanganyeleke etsimeni ra nsimu leyi nga aviwangiki. Vula leswaku ku tirhiwe ku fikela kwihi u tlhela u rungula mintokoto leyi khutazaka loko yi ri kona.

20 min: Ku Endla Yehovha A Va Xikwembu Xa Wena. Nkulumo hi nkulu leyi sekeriweke eka Xihondzo xo Rindza xa April 1, 2005, matluka 25-8. Endla leswaku rungula rolero ri hi pfuna hi tekelela xikombiso xa Abrahama, Davhida na Eliya.

15 min: “Khathalela Van’wana—Hi Ku Va La Xalamukeke.”b Katsa ni nkombiso wa muhuweleri loyi a xiyeke nchumu wo karhi lowu n’wini wa muti a wu tsakelaka kutani muhuweleri a aka bulo ra yena eka wona.

Risimu 67 ni xikhongelo xo pfala.

Vhiki Leri Sungulaka Hi November 28

Risimu 7

12 min: Switiviso swa vandlha. Hlaya xiviko xa timali ni marito yo nkhensa minyikelo. Tsundzuxa vahuweleri leswaku va tisa swiviko swa vona swa ntirho wa nsimu wa November. Tirhisa swiringanyeto leswi nga eka tluka 4 (loko swi fanela nsimu ya n’wina) u kombisa ndlela yo fambisa Xihondzo xo Rindza xa December 1 ni Xalamuka! ya December 8. Ku nga ha tirhisiwa ni swingheniso swin’wana leswi tirhaka. Katsa ni lunghiselelo ra munyikelo.

15 min: “Xana Hi Nga Pfuna Njhani?” Nkulumo. Vula swikombiso swi nga ri swingani swa tindlela to phalala leti malandza ya Yehovha ma pfuneke vapfumeri-kulobye lava pfumalaka ha tona. (Vona Xalamuka! ya August 8, 2003, matl. 10-15; December 8, 2002, matl. 13-18 [November 22, 2002, matl. 19-24]; na October 22, 2001, matl. 23-7. Ku nga ha tirhisiwa ni swikombo swin’wana.) Kutani hlamusela tinhla-nkulu leti nga eka xihloko lexi nga eka tluka 3 ra Vutirheli Bya Hina Bya Mfumo. Kandziyisa leswaku loko ku ri ni loyi a navelaka ku nyikela leswaku a pfuna eka mphalalo, swi ta va kahle loko munyikelo wa yena wu kongomisiwa eka ntirho wa misava hinkwayo.

18 min: Ku Chumayela Mahungu Lamanene Hi December. Nkulumo leyi katsaka ku bula ni vayingiseri. Eka ntlhanu wa timinete to sungula eka nkulumo ya wena, hi ku komisa pfuxeta tinhla leti landzelaka leti nga eka xihloko lexi nge “Ndlela Yo Tirhisa Xikombiso Xa Swingheniso,” lexi kumekaka eka tluka 8 ra Vutirheli Bya Hina Bya Mfumo, bya January 2005: (1) Hi ntolovelo swi ta hi fambela kahle loko hi vula xingheniso hi marito ya hina vini. (2) Hi fanele hi va ni langutelo lerinene naswona hi endla leswaku swingheniso swa hina swi pfumelelana ni swiyimo swa ndhawu yoleyo. (3) Hi fanele hi tsundzuka ndhavuko ni ndlela leyi vanhu va le nsin’wini ya hina va anakanyaka ha yona. (4) Hi fanele hi xi hlaya hi vukheta xihloko kumbe ndzima leyi hi kunguhateke ku yi tirhisa hi tlhela hi languta tinhla leti nga ta endla leswaku vanhu va tsakela. (5) A swi bohi leswaku hi tirhisa ntsena swingheniso leswi xaxametiweke eka xikombiso xa swingheniso. Kutani hlamusela ndlela leyi hi nga ti tirhisaka ha yona tinhla toleto loko hi fambisa minkandziyiso leyi fambisiwaka hi December. U nga ha tirhisa xikombiso xa swingheniso leswi nga eka xiengetelo xa Vutirheli Bya Hina Bya Mfumo bya January 2005 kumbe swingheniso swin’wana leswi tirhaka endhawini ya ka n’wina. Endla nkombiso hi xingheniso xin’we kumbe swimbirhi.

Risimu 123 ni xikhongelo xo pfala.

Vhiki Leri Sungulaka Hi December 5

Risimu 38

10 min: Switiviso swa vandlha. Marungula Ya Swa Mfumo.

15 min: Swilaveko swa vandlha.

20 min: “Leswi Ntirho Wa Hina Wo Chumayela Wu Swi Hetisisaka.”c Loko mi fika eka ndzimana 5, katsa ni tinhlamuselo leti nga eka Xihondzo xo Rindza xa February 15, 2004, tluka 32.

Risimu 26 ni xikhongelo xo pfala.

[Tinhlamuselo ta le hansi]