Xiyimiso Xa Nhlangano Wa Ntirho

XIYA: Endzhaku ka nh’weti yin’we kumbe timbirhi loko Ntsombano wa Muganga wa “Ku Yingisa Xikwembu” wu hundzile, hlelani leswaku ku va ni Nhlangano wa Ntirho lowu vekeriweke etlhelo, lowu mi nga ta tirhisa timinete ta 15 ku ya eka 20 (kumbexana mi tirhisa nkulumo ya swilaveko swa vandlha) leswaku mi pfuxeta tinhla-nkulu ta ntsombano leti vahuweleri va ti kumeke ti pfuna ensin’wini. Nkulumo leyi yo hlawuleka ya Nhlangano wa Ntirho, yi ta hi nyika nkarhi wo hlamusela ndlela leyi hi swi tirhisaka ha yona leswi hi swi dyondzeke entsombanweni ni ndlela leyi swi hi pfuneke ha yona leswaku swi hi fambela kahle ngopfu ensin’wini.—Vona Vutirheli Bya Hina Bya Mfumo bya October 2005, tl. 2.

Vhiki Leri Sungulaka Hi December 12

Risimu 32

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela bokisi leri nge “Yana Hi Ku Hatlisa.” Komba vahuweleri fomo ya S-43 loko yi ri kona. Tirhisa swiringanyeto leswi nga eka tluka 8 (loko swi fanela nsimu ya n’wina) u kombisa ndlela yo fambisa Xihondzo xo Rindza xa December 15 ni Xalamuka! ya January. Ku nga ha tirhisiwa ni swingheniso swin’wana leswi tirhaka. Endzhaku ka nkombiso ha wun’we hlamusela ndlela leyi tsalwa ri nga tirhisiwaka ha yona hi ku olova exinghenisweni.

15 min: “Xikolo Lexi Hi Pfunaka Leswaku Hi Tirhisa Leswi Hi Swi Dyondzeke.” Nkulumo hi mulanguteri wa xikolo. Katsa ni tinhlamuselo leti nga eka xiengetelo xa Vutirheli Bya Hina Bya Mfumo bya October 2005.

20 min: “Dyondzo Leyi Nyikaka Vutomi.”a Hlela ka ha ri emahlweni leswaku muhuweleri un’we kumbe vambirhi va hlamusela ndlela leyi dyondzo ya Yehovha yi va vuyeriseke ha yona.

Risimu 101 ni xikhongelo xo pfala.

Vhiki Leri Sungulaka Hi December 19

Risimu 160

10 min: Switiviso swa vandlha. Marungula Ya Swa Mfumo. Hlamusela malunghiselelo yo hlawuleka yo tirha nsimu hi December 25 na hi January 1. Tsundzuxa hinkwavo leswaku va ta ni Xalamuka! ya January 2006 vhiki leri taka loko va ta eka Nhlangano wa Ntirho.

15 min: “Khathalela Van’wana—Hi Ku Pfumelelana Ni Swiyimo.”b Katsa ni nkombiso wo koma lowu kombaka ndlela leyi muhuweleri a nga endlaka ha yona leswaku xingheniso xakwe xi fambelana ni leswi vuriwaka hi n’wini wa muti.

20 min: A Hi Kombiseni Leswaku Hi Xixima Milawu Ya Xikwembu Hi Maambalelo Ya Hina Ni Ndlela Leyi Hi Tilunghisaka Ha Yona. Nkulumo hi nkulu leyi katsaka ku bula ni vayingiseri, leyi sekeriweke eka Xihondzo xo Rindza xa August 1, 2002, matluka 17-19. Kombela vayingiseri va hlamusela ndlela leyi ku basa ni ku xiximeka ka hina ku hi pfulelaka ndlela yo chumayela ha yona.

Risimu 56 ni xikhongelo xo pfala.

Vhiki Leri Sungulaka Hi December 26

Risimu 85

10 min: Switiviso swa vandlha. Hlaya xiviko xa timali ni marito yo nkhensa minyikelo. Hlamusela xihloko lexi nge “U Nga Ku Yini Eka Muchini Wa Ku Hlamula Riqingho?” Tsundzuxa vahuweleri leswaku va tisa swiviko swa vona swa ntirho wa nsimu wa December. Loko vandlha ra ka n’wina ri ta cinca minkarhi ya minhlangano eka lembe lerintshwa, ri tivise minkarhi leyintshwa leyi vekiweke. Boxa minkandziyiso leyi nga ta fambisiwa hi January u tlhela u boxa laha swingheniso leswi ringanyetiweke swi kumekaka kona.

15 min: Swilaveko swa vandlha.

20 min: Swiringanyeto Leswintshwa Swo Fambisa Xalamuka! Nkulumo leyi katsaka ku bula ni vayingiseri. Boxa ku cinca loku endliweke eka Xalamuka! loku tivisiweke eka Vutirheli Bya Hina Bya Mfumo, bya March 2005 tluka 1, tindzimana 5-6. Katsa ni tinhlamuselo leti nga eka Xalamuka! ya January 2006, matluka 3-4, eka xihloko lexi nge “Eka Vahlayi Va Hina.” Boxa swikombiso swa ndlela leyi Xalamuka! yi va kongomisaka ha yona vahlayi leswaku va hlaya Bibele hi ku kongoma. Kombela vayingiseri va hlamusela swiringanyeto leswintshwa leswi nga eka tluka 31. Hi ta hambeta hi fambisa Xihondzo xo Rindza ni Xalamuka! hi nkarhi wun’we eka riendzo ro sungula. Leswi vulaka leswaku hi ta fambisa nkandziyiso wun’we wa Xalamuka! n’hweti ha yin’we, eka lava hi hambetaka hi va yisela timagazini ni le ka van’wana lava tshamelaka ku amukela timagazini ta hina. Tirhisa swiringanyeto leswi nga eka tluka 8 (loko swi fanela nsimu ya n’wina) u kombisa ndlela yo fambisa Xihondzo xo Rindza xa January 1 ni Xalamuka! ya January. Ku nga ha tirhisiwa ni swingheniso swin’wana leswi tirhaka. Vutirheli Bya Hina Bya Mfumo bya January byi ta va ni xingheniso xin’wana xo fambisa Xalamuka! ya January lexi vulavulaka hi xin’wana xa swihloko leswi tameriweke hi Xalamuka! Swingheniso haswimbirhi swi nga ha tirhisiwa n’hweti yoleyo hinkwayo.

Risimu 222 ni xikhongelo xo pfala.

Vhiki Leri Sungulaka Hi January 2

Risimu 5

5 min: Switiviso swa vandlha.

15 min: “Yi Tirhise Hi Vutlhari Minkandziyiso Ya Hina Leyi Sekeriweke eBibeleni.”c Katsa ni tinhlamuselo leti nga eka Vutirheli Bya Hina Bya Mfumo bya September 2002, tluka 1.

25 min: “Xana N’wana Wa Wena A Nga Swi Kota Ku Endla Xiboho Xa Nkoka?”d Nkulumo leyi nga ta nyikeriwa hi nkulu. Endla leswaku ndzimana yin’wana ni yin’wana yi hlayiwa hi makwerhu la kotaka ku hlaya kahle. Hlamusela matsalwa hinkwawo lama kombisiweke. Endzhaku ko bula hi ndzimana 2, kombisa ku hambana ka swiyimo swa vantshwa vambirhi lava boxiweke eka tindzimana 16-17 u tlhela u hlamusela bokisi leri nga eka tluka 17 ra Xihondzo xo Rindza xa June 15, 1991. Loko u gimeta, khutaza vatswari leswaku va pfuxeta xihloko hinkwaxo xa Xihondzo xo Rindza lexi ni leswaku va hatla va bula ha xona swin’we ni vana va vona, va tlhela va titoloveta ndlela leyi vana va vona va nga ri yimelaka ha yona ripfumelo ra vona ni leswi va dyondzisiweke swona hi ta nawu wa Bibele emhakeni ya ngati. Tinhloko ta mindyangu ti fanele ti tiyiseka leswaku n’wana un’wana ni un’wana la khuvuriweke u ni khadi ra DPA ni leswaku n’wana un’wana ni un’wana la nga khuvuriwangiki u ni Identity Card. Nkarhi wun’wana ni wun’wana loko ku ri ni loyi a nga exibedlhele naswona va lava ku n’wi pompela ngati, vakulu va fanele va kombela mpfuno eka Komiti yo Vulavurisana ni Swibedlhele. Xiya: Vandlha ha rin’we ri fanele ri hlela leswaku rungula leri ku buriwa ha rona loko vunyingi bya vatswari ni vana va ta va va ri kona eminhlanganweni, hambiloko swi ta lava leswaku ku buriwa ha rona hi vhiki rin’wana hi January 2006.

Risimu 48 ni xikhongelo xo pfala.

[Tinhlamuselo ta le hansi]