Xiyimiso Xa Nhlangano Wa Ntirho

Vhiki Leri Sungulaka Hi January 9

Risimu 10

10 min: Switiviso swa vandlha. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina u kombisa ndlela yo fambisa Xihondzo xo Rindza xa January 15 ni Xalamuka! ya January. Eka nkombiso wun’wana kombisa muhuweleri a ri karhi a chumayela endhawini ya mabindzu.

15 min: “Ndzi Nga Ma Papalata Njhani Makhombo Eka Internet?” Nkulumo hi nkulu leyi sekeriweke eka Xalamuka! ya February 8, 2000, matluka 19-21.

20 min: “Khathalela Van’wana—Hi Ku Vutisa Swivutiso Ni Hi Ku Yingisela.”a Loko mi bula hi ndzimana 2 vutisa vayingiseri leswaku hi swihi swivutiso leswi va swi kumeke swi pfuna ku sungula mabulo ha swona. Endla nkombiso wa ndlela leyi hi nga tirhisaka swivutiso ni ku rhiya ndleve ha yona leswaku munhu a hi yingisa.

Risimu 125 ni xikhongelo xo pfala.

Vhiki Leri Sungulaka Hi January 16

Risimu 178

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlalela vhidiyo leyi nge Transfusion-Alternative Health Care—Meeting Patient Needs and Rights, leswaku va lunghekela bulo leri nga ta va kona eka Nhlangano Wa Ntirho endzhaku ka vhiki leri taka. Emavandlheni ya le makaya, vakulu va fanele va endla matshalatshala yo komba vhidiyo leyi eka mindyangu leyi nga riki na muchini wa tlangisa vhidiyo. Va nga ha hlela leswaku yi hlaleriwa eHolweni ya Mfumo hi siku leri nga riki ra minhlangano kumbe yi hlaleriwa endzhaku ka dyondzo ya buku ya vandlha.

15 min: Ku Hleleriwa Ku Endla Ku Rhandza Ka Yehovha. Nkulumo leyi katsaka ku bula ni vayingiseri leyi sekeriweke eka matluka 4-7 ya buku leyi nge Ku Hleleriwa Ku Endla Ku Rhandza Ka Yehovha. Endzhaku ka xingheniso lexi nga tluliki timinete tinharhu lexi sekeriweke eka tluka 4, bula ni vayingiseri hi tluka 5 ku ya eka xihlokwana lexi nga eka tluka 7. Swiyenge leswin’wana swa buku leyi nge Ku Hleleriwa swi ta kambisisiwa hi ku famba ka nkarhi eka Minhlangano Ya Ntirho.

20 min: “Yehovha U Rhandza La Nyikelaka A Tsakile.”b Bula hi tindzimana 1-7 u tirhisa swivutiso swa tindzimana teto. Hlaya matsalwa lama faneleke. Va kombele hinkwavo leswaku va xi lunghiselela kahle xiyenge lexi seleke xa xihloko lexi, lexi ku nga ta buriwa ha xona vhiki leri taka.

Risimu 107 ni xikhongelo xo pfala.

Vhiki Leri Sungulaka Hi January 23

Risimu 60

10 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina u kombisa ndlela yo fambisa Xihondzo xo Rindza xa February 1 ni Xalamuka! ya February. Nkombiso wun’wana a wu endliwe hi muntshwa.

15 min: Swilaveko swa vandlha.

20 min: “Yehovha U Rhandza La Nyikelaka A Tsakile.”c Bula hi tindzimana 8-14 u tirhisa swivutiso swa tindzimana teto. Endla leswaku rungula leri ri tirha evandlheni. Tivisa vandlha ndlela leyi ri nyikelaka ha yona eka minyikelo ya ntirho wa misava hinkwayo. Byela vamakwerhu swilo swin’wana leswi vandlha ri faneleke ri swi hakelela ni ndlela leyi ri koteke ku swi hakelela ha yona.

Risimu 205 ni xikhongelo xo pfala.

Vhiki Leri Sungulaka Hi January 30

Risimu 197

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa January. Boxa minkandziyiso leyi nga ta fambisiwa hi February, kutani u endla nkombiso hi xin’wana xa swingheniso swoleswo.

15 min: Malunghiselelo Lama Endliweke Leswaku Hi Vuyeriwa. Nkulumo hi nkulu. Hlaya u tlhela u hlamusela papila ra January 3, 2006, leri humaka erhavini, leri tsaleriweke mavandlha hinkwawo, ri hlamusela ndlela leyi hi vuyeriwaka ha yona hi ntirho lowu endliwaka hi Komiti yo Vulavurisana ni Swibedlhele (Hospital Liaison Committee [HLC]) ni Ntlawa wo Endzela Vavabyi (Patient Visitation Group [PVG]).

20 min: “Vhidiyo Leyi Kombisaka Laha Vutshunguri Se Byi Voyameleke Kona.” Yi fanele yi tameriwa hi nkulu la fanelekaka. Hlaya Mintirho 15:28, 29, kutani hi ku komisa u kandziyisa leswaku xivangelo-nkulu xa Vakreste xo ka va nga pfumeli ku pomperiwa ngati i ku xixima nawu wa Xikwembu lowu vulaka leswaku ngati ya kwetsima. Endzhaku ko vula leswi, sungula bulo leri sekeriweke eka vhidiyo leyi nge Patient Needs and Rights, u tirhisa swivutiso leswi fambisanaka ni xihloko lexi. Gimete hi ku hlaya ndzimana yo hetelela.

Risimu 45 ni xikhongelo xo pfala.

Vhiki Leri Sungulaka Hi February 6

Risimu 74

10 min: Switiviso swa vandlha.

20 min: “Vantshwa Lava Voningaka Kukota Mavoningo.”d Kombela vantshwa va hlamusela leswaku va swi kotisa ku yini ku chumayela exikolweni. Swi nga ha hleriwa ka ha ri emahlweni leswaku muntshwa un’we kumbe vambirhi va hlamusela.

15 min: Vuphayona Bya Nkarhinyana Byi Tisa Mikateko. (Swiv. 10:22) Kombela lava tekeke vuphayona bya nkarhinyana n’wexemu leswaku va hlamusela ndlela leyi va hleleke ha yona leswaku va phayona ni leswaku i yini leswi swi va tsakiseke naswona va kume mikateko yihi. Khutaza hinkwavo leswaku va anakanyisisa hi xikhongelo leswaku loko swi koteka va va maphayona ya nkarhinyana hi March, April na hi May.

Risimu 16 ni xikhongelo xo pfala.

[Tinhlamuselo ta le hansi]