Xiyimiso Xa Nhlangano Wa Ntirho

Vhiki Leri Sungulaka Hi April 10

Risimu 49

10 min: Switiviso swa vandlha. Tirhisa swiringanyeto leswi nga eka tluka 8 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa April 15 ni Xalamuka! ya April. Eka nkombiso wun’wana, muhuweleri a a fambise buku leyi nge Leswi Bibele Yi Swi Dyondzisaka eka n’wini wa muti loyi a lavaka ku tiva swo tala hi rungula ra Bibele.

15 min: “Buku-nkulu Leyi Hi Nga Ta Fambisa Tidyondzo Ta Bibele Ha Yona Hi Leyi Nge Leswi Bibele Yi Swi Dyondzisaka.”a Endla leswaku vahuweleri va hisekela ku sungula tidyondzo ta Bibele hi buku leyi leyintshwa. Kombela vayingiseri va hlamusela ndlela leyi va titwaka ha yona hi buku leyi leyintshwa va tlhela va hlamusela mintokoto yin’wana ni yin’wana yo tsakisa leyi va veke na yona loko va tirhisa buku leyi leyintshwa.

20 min: “Xana U Nga Ncinca Nkarhi Wa Wena Wa Nsimu Leswaku Wu Pfumelelana Ni Swiyimo?”b Endla leswaku rungula leri ri tirha endhawini ya ka n’wina. Boxa malunghiselelo lawa vandlha ri ma endleke yo chumayela nimadyambu.

Risimu 13 ni xikhongelo xo pfala.

Vhiki Leri Sungulaka Hi April 17

Risimu 104

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Kandziyisa malunghiselelo ya kwala vandlheni ra ka n’wina ya nkulumo yo hlawuleka. Khutaza hinkwavo leswaku va hambeta va tirhisa tluka ro hetelela ra nkandziyiso wa Xihondzo xo Rindza xa April 1 ku rhamba lava veke kona eXitsundzuxweni, swichudeni swa Bibele ni vanhu van’wana lava tsakelaka leswaku va va kona eka nkulumo ya le rivaleni. Hi ku komisa hlamusela mintokoto mimbirhi kumbe minharhu, leyi kumiweke loko ku tirhisiwa nkandziyiso lowu wa Xihondzo xo Rindza ku rhambela vanhu eka nkulumo yo hlawuleka.

30 min: “Fambisa Tidyondzo Ta Bibele Leti Endlaka Nhluvuko, U Lo Yima Kunene Ni Hi Riqingho.”c Katsa nkombiso wa ndlela leyi muhuweleri a nga n’wi kombelaka ha yona n’wini wa muti leswaku va sungula ku dyondza va tshame hansi ku ri ni ku dyondza va lo yima kunene.

Risimu 162 ni xikhongelo xo pfala.

Vhiki Leri Sungulaka Hi April 24

Risimu 66

15 min: Switiviso swa vandlha. Hlaya xiviko xa timali ni marito yo nkhensa minyikelo. Hi May hi ta hambeta hi fambisa Xihondzo xo Rindza ni Xalamuka! Tirhisa swiringanyeto leswi nga eka tluka 8 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa May 1 kumbe Xalamuka! ya May. Endzhaku ka nkombiso, tirhisa swihloko leswin’wana eka minkandziyiso yoleyo, leswi nga ha tsakeriwaka hi vanhu va le nsin’wini ya ka n’wina.

15 min: “Ndlela Yo Tshama Hi Ri Karhi Hi Hiseka.”d Katsa ni tinhlamuselo leti kumekaka eka Xihondzo xo Rindza xa June 15, 2002, tluka 14, ndzimana 13.

15 min: Swilaveko swa vandlha.

Risimu 191 ni xikhongelo xo pfala.

Vhiki Leri Sungulaka Hi May 1

Risimu 211

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa April. Bulani hi xihloko lexi nga eka tluka 7, lexi nge “Xana Wa Xi Vutisa Xichudeni Xa Wena Loko Xi Tiva Lava Nga Tsakelaka Ku Dyondza Bibele?”

15 min: “Khathalela Van’wana—Hi Ku Languta N’wini Wa Muti eXikandzeni.”e Katsa ni nkombiso wo koma laha muhuweleri a langutaka munhu exikandzeni endhawini ya mani na mani kutani a n’wi pfuxela ivi a n’wi chumayela.

20 min: Anakanyisisa Hi Mintirho Ya Yehovha. (Ps. 77:12) Nkulumo leyi katsaka ku bula ni vayingiseri hi Buku Ya Lembe Ya 2006. Kambisisa tinhla leti khutazaka leti nga eka papila leri humaka eka Huvo leyi Fumaka. (matl. 3-5) Bulani hi rungula leri nga ehansi ka xihlokwana lexi nge “Ku Hundzuluxeriwa Ka Bibele.” (matl. 10-11) Hlamusela tinhla-nkulu tin’wana ni mintokoto ya n’wexemu. (matl. 6-64) Kombela vayingiseri va hlamusela tinhla leti va ti tsakeleke loko va ri karhi va hlaya Buku Ya Lembe Ya 2006. Khutaza hinkwavo leswaku va tirhisa rungula leri ku tiyisa ripfumelo ra swichudeni swa Bibele leswaku swi rhandza nhlengeletano ya Yehovha.

Risimu 82 ni xikhongelo xo pfala.

[Tinhlamuselo ta le hansi]