Switiviso

◼ Minkandziyiso leyi nga ta fambisiwa hi April na May: Xihondzo xo Rindza na Xalamuka! June: Xana Bibele Yi Dyondzisa Yini Hakunene? Ringetani hi matimba ku sungula tidyondzo ta le kaya ta Bibele. July na August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Hulumendhe Leyi Nga Ta Tisa Paradeyisi, Loko U Feriwa Hi Loyi U N’wi Rhandzaka, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Tsakela Vutomi eMisaveni Hi Masiku!, Tshamani Mi Rindzile!, Vito Ra Xikwembu Leri Nga Ta Tshama Hi Masiku, Xana U Fanele Ku Pfumela Eka Vunharhu-un’we? ni leyi nge Xana Xikwembu Xa Hi Khathalela Hakunene?

◼ Vamatsalana va vandlha va fanele ku tshama va ri ni tifomo leti eneleke ta Fomo Ya Xikombelo Xa Vuphayona Bya Nkarhi Hinkwawo (S-205) ni ta Application for Auxiliary Pioneer Service (S-205b). Ti nga odiwa hi ku tirhisa fomo leyi nge Literature Request Form (S-14). Tshamani mi ri ni tifomo leti mi nga ta ti tirhisa lembe hinkwaro. Kambisisani tifomo hinkwato ta lava endlaka xikombelo xa ku phayona, leswaku mi tiyiseka loko swivutiso hinkwaswo swi hlamuriwile ku katsa ni siku leri va khuvuriweke ha rona, mi nga si ti rhumela erhavini.

◼ Matsalana u fanele ku tiyiseka leswaku nkarhi na nkarhi Komiti yo Aka ya Xifundzha yi tivisiwa hi swiyimo swa vahuweleri hinkwavo lava khuvuriweke lava tateke tifomo ta Kingdom Hall Volunteer Worker Questionnaire (S-82). Loko swiyimo swa mutirhi wa ku tirhandzela swi cincile, swo tanihi ku rhurha kumbe ku hlawuriwa ku va nandza wa vutirheli kumbe nkulu, ku fanele ku tatiwa tifomo letintshwa hi ku hatlisa ti tlhela ti rhumeriwa. Loko adirese ya mutirhi wa ku tirhandzela kumbe tinomboro ta riqingho ra yena swi cincile kumbe a nga ha ri exiyin’weni lexinene evandlheni, vakulu va fanele va tsala papila hi xihatla va tivisa Komiti yo Aka ya Xifundzha. Tikopi ta tifomo ta S-82 leti tatiweke leti nga efayeleni ya vandlha ti fanele ti nyikiwa mulanguteri wa xifundzha leswaku a ti vona loko a endzele vandlha.

◼ Mi nga si sungula ntirho wo aka Holo ya Mfumo, vakulu va fanele va vulavurisana ni Komiti yo Aka ya Xifundzha ya ndhawu ya ka vona. Tikomiti ta swifundzha ti nyikiwe rungula leri ri nga pfunaka mavandlha ku endla swiboho leswinene malunghana ni ku xava ndhawu ni nhundzu ni swin’wana. I swa nkoka ku anakanyisisa hi swiringanyeto leswi nyikeriwaka hi tikomiti ta swifundzha mi nga si xava nhundzu ya holo hambi ku ri switulu, phepha ro lema khumbi, mete kumbe michini yo kufumeta ni yo berisa moya.

◼ I swa nkoka leswaku rhavi ri tshama ri ri ni tiadirese leti faneleke ni tinomboro ta riqingho ta valanguteri hinkwavo lava ungamelaka ni vamatsalana. Rini na rini loko ko tshuka ku va ni ku cinca ko karhi, Komiti ya Ntirho ya Vandlha, yi fanele yi tata fomo leyi nge Presiding Overseer/Secretary Change of Address (S-29) kutani yi yi sayina ivi yi yi rhumela erhavini hi ku hatlisa. Leswi swi katsa ni ku cinca loku nga vaka kona eka tikhodi ta tiqingho ta ndhawu ya ka n’wina.

◼ Mavandlha ma fanele ma sungula ku endla swikombelo swa tivholumo ta Xihondzo xo Rindza ni Xalamuka! ta 2005 loko ma endla xikombelo lexi landzelaka xa tibuku. Tivholumo leti ti ta kumeka hi Xinghezi, Xijarimani na Xiputukezi. Kukondza loko tivholumo ti va kona naswona ti sungula ku rhumeriwa, ku ta tsariwa leswaku “Pending” emaphepheni ya nxaxamelo wa leswi rhumeriweke evandlheni ra ka n’wina. Tivholumo leti ti wela eka swikombelo swo hlawuleka.

◼ Ku endla xikombelo xa Tibibele ta xifunengeto xo olova hi Xinghezi ni hi Xiputukezi ku sukela hi March ku ya emahlweni: Ku engetela eka nkandziyiso lowu tolovelekeke wa xifunengeto xo tsindziyela wa Bibele ya Vuhundzuluxeri Bya Misava Leyintshwa, sweswi ku ni nkandziyiso lowu tolovelekeke wa xifunengeto xo olova. Hambileswi Tibibele leti ta xifunengeto xo olova ti nga ta endleriwa ku fambisiwa ensin’wini, vahuweleri na vona va nga ha ti tirhisa. Loko vandlha ra ka n’wina se ri ri ni Tibibele ta xifunengeto xo olova, Tibibele ta xifunengeto xo tsindziyela ti nga ha fambisiwi ensin’wini. Hambiswiritano, Tibibele ta xifunengeto xo tsindziyela ti ta hambeta ti nyikiwa vahuweleri. Mavandlha ma fanele ma tshama ma ri ni tikopi titsongo ta Tibibele ta xifunengeto xo tsindziyela, tanihi leswi ti nga ta tirhisiwa ngopfu hi vahuweleri ni lava vaka kona eminhlanganweni nkarhi na nkarhi. Hi kombela mi xiya leswaku loko mi nga si sungula ku endla xikombelo xa Tibibele ta xifunengeto xo olova ta Xinghezi ni Xiputukezi, rhangani mi heta leta xifunengeto xo tsindziyela leti nga kona evandlheni. Endzhaku ka sweswo mi nga endla xikombelo xa leta xifunengeto xo olova. (Leswaku mi kuma rungula leri engetelekeke, hi kombela mi vona papila leri tsaleriweke mavandlha hinkwawo ra September 15, 2005.)

◼ Eka Vaungameri Va Tibuku: Loko mi endla xikombelo xa Bibele ya Vuhundzuluxeri Bya Misava Leyintshwa Bya Matsalwa Yo Kwetsima ya xifunengeto xo olova, tirhisani nomboro leyi nge 5116 ni mfungho lowu nge bi12. (Xiya leswaku Bibele ya ririmi ra ka n’wina yi kumeka ntsena hi xifunengeto xo olova.) Loko mi endla xikombelo xa Bibele ya xifunengeto xo tsindziyela hi Xinghezi ni hi Xiputukezi, tirhisani nomboro leyi nge 5112 ni mfungho lowu nge Hbi12.

◼ Rhavi a ri swi amukeli swikombelo swa tibuku leswi munhu a tikombelelaka swona hi yexe erhavini. Vahuweleri va fanele va endla swikombelo swa tibuku emavandlheni ya vona. Mulanguteri la ungamelaka u fanele ku endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti erhavini, leswaku hinkwavo lava lavaka tibuku va ta tivisa makwerhu la tamelaka tibuku. Tsundzukani leswaku hi tihi tibuku leti welaka eka swikombelo swo hlawuleka. Tibuku to tano ti fanele ti komberiwa ntsena loko ku ri ni vanhu lava endleke swikombelo swa tona hi ku kongoma. Fomo yo endla xikombelo xa tibuku ya Literature Request Form (S-14) yi fanele ku rhumeriwa hi xihatla n’hweti yin’wana ni yin’wana.

◼ Minkandziyiso Leyintshwa Ya Braille Leyi Kumekaka:

Ku Hleleriwa Ku Endla Ku Rhandza Ka Yehovha—Xinghezi xa Grade 2

◼ Ti-DVD Letintshwa Leti Kumekaka:

The Good News According to Matthew—Ririmi ra Mavoko ra le Amerika

Xana Bibele Yi Dyondzisa Yini Hakunene?—Ririmi ra Mavoko ra le Amerika

Loko U Feriwa Hi Loyi U N’wi Rhandzaka—Ririmi ra Mavoko ra le Amerika

Gandzela Xikwembu Xi Ri Xin’we Xa Ntiyiso—Ririmi ra Mavoko ra le Amerika

Albamu ya Vuhundzuluxeri Bya Misava Leyintshwa Bya Matsalwa Ya Xigriki hi Ririmi ra Mavoko ra le Amerika

◼ Tikhasete Letintshwa Ta Vhidiyo Leti Kumekaka:

Xana Bibele Yi Dyondzisa Yini Hakunene?—Ririmi ra Mavoko ra le Amerika