Xiyimiso Xa Nhlangano Wa Ntirho

Vhiki Leri Sungulaka Hi May 8

Risimu 2

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 4 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa May 15 ni Xalamuka! ya May. Eka nkombiso wun’wana, muhuweleri a a fambise minkandziyiso ya Xihondzo xo Rindza xa May 1 na May 15 ni Xalamuka! ya May eka munhu loyi a hambetaka a n’wi yisela timagazini, loyi a nga xi kumangiki Xihondzo xo Rindza xa May 1. Loko a n’wi fambisela timagazini letinharhu, a a vulavulele magazini wun’we ntsena. Vahuweleri va nga va endzela kan’we kumbe kambirhi hi n’hweti vanhu lava va hambetaka va va yisela timagazini.

20 min: “Ndzi Landzeleni Nkarhi Hinkwawo.”a Hi ku komisa vulavurisana ni muhuweleri la nga xikombiso lexinene loyi a tikarhatelaka ku hanya vutomi byo olova, leswaku a ta kota ku tirha hilaha ku engetelekeke entirhweni wa Mfumo ni ku pfuna van’wana. Kandziyisa mikateko leyi a yi kumeke hikwalaho ko endla tano.

15 min: Mintokoto ya le vandlheni. Kombela vayingiseri va hlamusela mikateko leyi va yi kumeke hikwalaho ka leswi va tikarhateke swinene ensin’wini hi March na hi April. Kandziyisa vuyelo lebyi veke kona loko ku sunguriwa tidyondzo ta Bibele ni ku pfuna vanhu volavo ka ha ku sunguriwa tidyondzo na vona leswaku va va kona eXitsundzuxweni. Ku nga ha endliwa nkombiso wun’we kumbe mimbirhi ya leswi endlekeke.

Risimu 91 ni xikhongelo xo pfala.

Vhiki Leri Sungulaka Hi May 15

Risimu 9

10 min: Switiviso swa vandlha. Khutaza hinkwavo leswaku va hlalela vhidiyo leyi nge Noah—He Walked With God leswaku va lunghekela Nhlangano wa Ntirho wa vhiki ra May 29.

10 min: Ku Tirha Swin’we Ehansi Ka Vulawuri Bya Kreste. Nkulumo leyi sekeriweke eka rungula leri nga ehansi ka xihlokwana lexi nge “Leswi Ku Amukela Xikhundlha Xa Yena Swi Vulaka Swona” eka matluka 13-15 ya buku leyi nge Ku Hleleriwa Ku Endla Ku Rhandza Ka Yehovha.

25 min: “Ku Akiwa Ka Tiholo Ta Mfumo—I Ntirho Wo Kwetsima Naswona I Wa Nkoka.”b Loko mi bula hi ndzimana 2, va kombe fomo leyi nge Kingdom Hall Volunteer Worker Questionnaire (S-82) ni ku tlhela u va hlamusela ndlela leyi va nga yi kumaka ha yona. Vulavurisana ni van’wana lava hlanganyeleke eku akiweni kumbe eku pfuxetiweni ka Tiholo ta Mfumo.

Risimu 133 ni xikhongelo xo pfala.

Vhiki Leri Sungulaka Hi May 22

Risimu 86

12 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 4 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa June 1 kumbe Xalamuka! ya June. Endla nkombiso wa ndyangu wu ri karhi wu titoloveta xingheniso xo karhi.

15 min: “Khathalela Van’wana—Hi Ku Va Ni Nsovo.”c Loko mi bula hi ndzimana 4, hi ku komisa pfuxeta bokisi leri nge “U Nga Ku Yini Eka Muchini Wa Ku Hlamula Riqingho?” leri nga eka tluka 7 ra Vutirheli Bya Hina Bya Mfumo bya December 2005.

18 min: Ku Languteka Lokunene. Bulo ni vayingiseri leri sekeriweke eka buku leyi nge Xikolo Xa Vutirheli matluka 131-3. Kambisisa misinya ya milawu ya ntlhanu leyi longoloxiweke, leyi kandziyisaka nkoka wo ambala ni ku tilunghisa hi ndlela leyinene. Boxa leswaku hi nga ri tirhisa hi vutlhari rungula leri leswaku hi pfuna swichudeni swa Bibele leswaku swi twisisa leswi swi vulaka swona ku ambala hi ndlela leyi faneleke loko swi ya eminhlanganweni ya vandlha.

Risimu 215 ni xikhongelo xo pfala.

Vhiki Leri Sungulaka Hi May 29

Risimu 42

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va tisa swiviko swa vona swa ntirho wa nsimu wa May.

10 min: Hi June ku ta fambisiwa buku leyi nge Leswi Bibele Yi Swi Dyondzisaka. Tirhisa swiringanyeto leswi nga eka tluka 4-5 eka Vutirheli Bya Hina Bya Mfumo bya March 2006 kumbe xingheniso xin’wana lexi fanelaka nsimu ya n’wina, u kombisa ndlela yo fambisa buku leyi nge Xana Bibele Yi Dyondzisa Yini Hakunene? Loko nkarhi wu pfumela, kombela vayingiseri va hlamusela vuyelo lebyinene lebyi va veke na byona loko va tirhisa broxara leyi ensin’wini.

25 min: “Xikombiso Lexinene Eka Lavakulu Ni Lavatsongo.” Endzhaku ka xingheniso lexi nga tluliki minete, sungula ku bula ni vayingiseri hi swivutiso swa rungula ra vhidiyo leyi nge Noah, u tirhisa swivutiso leswi xaxametiweke eka ndzimana ya vumbirhi. Kutani kombela mindyangu yi hlamusela ndlela leyi yi vuyeriweke ha yona loko yi tirhisa swiringanyeto leswi nga eka nhloko-mhaka leyi nge “Learning Activities” eka nkandziyiso wa DVD. Endzhaku ka sweswo, bula hi xivutiso ni matsalwa leswi nga eka ndzimana ya vunharhu.

Risimu 9 ni xikhongelo xo pfala.

Vhiki Leri Sungulaka Hi June 5

Risimu 176

10 min: Switiviso swa vandlha.

15 min: Swilaveko swa vandlha.

20 min: Ndlela Leyi Hi Nga Humelelaka Ha Yona Ku Endla Maendzo Yo Vuyela. Bulo ni vayingiseri leri sekeriweke eka bokisi leri nga eka tluka 16 ra Xihondzo xo Rindza xa November 15, 2003. Kambisisa xin’wana ni xin’wana xa swiringanyeto swa nkombo, kutani u kombela vayingiseri ku hlamusela ndlela leyi va nga swi tirhisaka ha yona endhawini ya ka vona. Khutaza vahuweleri ku endla maendzo yo vuyela hi xikongomelo xo sungula tidyondzo ta Bibele eka hinkwavo lava amukeleke nkandziyiso ni lava va tsakeleke rungula ra Bibele. Tirhisa xin’wana xa swiringanyeto leswi kumekaka eka tluka 3 eka Vutirheli Bya Hina Bya Mfumo bya March 2006, u kombisa ndlela yo sungula dyondzo ya Bibele eka riendzo ro vuyela.

Risimu 57 ni xikhongelo xo pfala.

[Tinhlamuselo ta le hansi]