Xiyimiso Xa Nhlangano Wa Ntirho

Vhiki Leri Sungulaka Hi June 12

Risimu 218

10 min: Switiviso swa vandlha. Tirhisa swiringanyeto leswi nga eka tluka 4 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa June 15 ni Xalamuka! ya June. Eka nkombiso wun’wana, muhuweleri a a fambise timagazini hi xitshuketa.

20 min: “Ntirho Wa Hina Wo Chumayela—Wu Lava Hi Va Ni Ntwela-vusiwana.”a Loko nkarhi wu pfumela, kombela vayingiseri leswaku va hlamusela matsalwa lama kombisiweke.

15 min: Ku Tshemba “Hlonga Ro Tshembeka Ni Ro Tlhariha.” Nkulumo leyi katsaka ku bula ni vayingiseri leyi sekeriweke eka ndzima 3 ya buku leyi nge Ku Hleleriwa Ku Endla Ku Rhandza Ka Yehovha.

Risimu 47 ni xikhongelo xo pfala.

Vhiki Leri Sungulaka Hi June 19

Risimu 21

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

20 min: Rito Leri Fikeke Hi Nkarhi Wa Kona I Rinene Ngopfu! Nkulumo leyi katsaka ku bula ni vayingiseri leyi sekeriweke eka Xihondzo xo Rindza xa January 1, 2006, matluka 16-19. Eka xingheniso xa nkulumo ya wena, kandziyisa tinhla ta mune leti vuyerisaka loko hi bumabumela van’wana leti hlamuseriweke ehansi ka xihlokwana lexi nge “Vuyelo Lebyinene.” Kombela vayingiseri va hlamula swivutiso leswi landzelaka: Xana i mani la faneriwaka hi ku bumabumeriwa ngopfu? Ha yini vagandzeri-kulorhi va fanele va bumabumeriwa loko swi fanerile? Xana lava hi nga na vona evandlheni hi nga va bumabumela loko swi te yini? Ha yini swi vuyerisa ku bumabumela swirho swa ndyangu naswona hi nga swi endla njhani sweswo? Xana u khutaziwe njhani kumbe u tiyisiwe njhani hi xibumabumelo lexi u xi kumeke?

15 min: “Khathalela Van’wana—Hi Ku Va Bumabumela.”b Katsa ni nkombiso wo koma lowu eka wona muhuweleri a rhiyaka ndleve loko n’wini wa muti a vulavula, kutani a n’wi bumabumela swi huma embilwini ivi a engetela eka leswi vuriweke hi n’wini wa muti hi ku hlaya tsalwa leri faneleke.

Risimu 96 ni xikhongelo xo pfala.

Vhiki Leri Sungulaka Hi June 26

Risimu 63

15 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 4 kumbe xingheniso xin’wana lexi fanelaka nsimu ya n’wina, u kombisa ndlela yo fambisa Xihondzo xo Rindza xa July 1 kumbe Xalamuka! ya July. Loko ku gimetiwa nkombiso wun’wana ni wun’wana, muhuweleri u fanele a vutisa xivutiso lexi pfuxaka ku tsakela, lexi nga ta hlamuriwa eka riendzo leri landzelaka hi ku tirhisa buku leyi nge Leswi Bibele Yi Swi Dyondzisaka.

15 min: Ku Hlanganyela eVandlheni Leri Tirhisaka Ririmi Rimbe. Nkulumo leyi sekeriweke eka Xihondzo xo Rindza xa March 15, 2006, matluka 17-20. Katsa ni tinhlamuselo leti kumekaka ebukwini leyi nge Ku Hleleriwa, tluka 112, ndzimana 2. Endla leswaku rungula leri ri tirha endhawini ya ka n’wina. Vulavurisana ni muhuweleri un’we kumbe vambirhi lava lavaka ku dyondza ririmi rimbe leswaku va ta ndlandlamuxa ntirho wa vona wo chumayela. (Loko nkulumo leyi yi nga tirhi evandlheni ra ka n’wina u nga ha yi siva hi xihloko lexi nge “Yehovha A Nga Ka A Nga Ku Tshiki” lexi nga eka Xihondzo xo Rindza xa October 15, 2005, matluka 8-11. Yi fanele ku nyikeriwa tanihi nkulumo.)

15 min: Ku Chumayela Mahungu Lamanene Hi July. Hi tihi timhaka leti tsakeriwaka ngopfu hi vanhu va le nsin’wini ya ka n’wina? Hi ku komisa vulavurisana ni muhuweleri un’we kumbe vambirhi lava yi tirhiseke kahle buku leyi nge Leswi Bibele Yi Swi Dyondzisaka naswona va koteke ku sungula dyondzo ya Bibele ha yona. Kutani endla nkombiso wa ndlela leyi va wu fambiseke ha yona nkandziyiso wolowo loko va ri karhi va tirha hi yindlu ni yindlu, va tirhisa xiringanyeto lexi tirhaka kahle ensin’wini ya vandlha ra ka n’wina.—Vona Vutirheli Bya Hina Bya Mfumo bya January 2005, tl. 8, ndz. 5.

Risimu 208 ni xikhongelo xo pfala.

Vhiki Leri Sungulaka Hi July 3

Risimu 111

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa June loko va nga si swi tisa.

15 min: Swilaveko swa vandlha.

20 min: “Ndlela Yo Fikelela Tipakani Ta Wena Ta Moya.”c Kombela vantshwa evandlheni leswaku va hlamusela tipakani ta vona ta moya ni leswi va swi endlaka leswaku va ti fikelela. Hlela ka ha ri emahlweni leswaku ku va ni muntshwa un’we kumbe vambirhi lava nga ta hlamusela.

Risimu 30 ni xikhongelo xo pfala.

[Tinhlamuselo ta le hansi]