Xiyimiso Xa Nhlangano Wa Ntirho

Vhiki Leri Sungulaka Hi September 11

Risimu 20

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlalela vhidiyo leyi nge Young People Ask—How Can I Make Real Friends? leswaku va lunghekela Nhlangano wa Ntirho wa vhiki ra September 25. U tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, endla nkombiso wo fambisa Xihondzo xo Rindza xa September 15 ni Xalamuka! ya September. Eka wun’wana wa minkombiso, kombisa ndlela yo hlamula lava sivaka bulo va ku, “Ndzi ni vukhongeri bya mina.”—Vona buku leyi nge Ku Hlamulana, matl. 18-19.

20 min: Vuyeriwa Eka Nhlangano Wa Ntirho Ni Le Ka Xikolo Xa Vutirheli Bya Le Tilweni. Nkulumo leyi katsaka ku bula ni vayingiseri leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, ku sukela eka xihlokwana lexi nga eka tluka 64 ku ya eka xihlokwana lexi nga eka tluka 69.

15 min: Papila Leri Humaka eRhavini. Nkulumo leyi katsaka ku bula ni vayingiseri leyi sekeriweke eka papila leri nga le ka tluka ro sungula ra nkandziyiso lowu wa Vutirheli Bya Hina Bya Mfumo.

Risimu 126 ni xikhongelo xo pfala.

Vhiki Leri Sungulaka Hi September 18

Risimu 213

5 min: Switiviso swa vandlha.

15 min: Xana Hi Tirhe Njhani N’wexemu? Mulanguteri wa ntirho u hlamusela leswi endliweke eka ntirho wa lembe leri nga hundza, a vulavula ngopfu hi swilo leswi khutazaka leswi endliweke entirhweni wo chumayela. Bumabumela vamakwerhu hi ndlela leyi faneleke. Boxa yinhla yin’we kumbe timbirhi leti ku faneleke ku antswisiwa eka tona eka lembe leri ra ntirho. Hlamusela ntirho lowu endliweke hi maphayona, u bumabumela ntirho wa wona lowunene. Hlamusela vuyelo lebyinene lebyi fikeleriweke hikwalaho ka matshalatshala lama endliweke yo pfuna vahuweleri lava a va horile.

25 min: “Tsima Ro Hlawuleka Ra October 16 Ku Ya Ka November 12!” Nkulu u nyikela nkulumo leyi hisaka. Endzhaku ko hlaya xitiviso lexi nga epapileni leri yaka eka vakulu ra June 6, 2006, nyika muyingiseri un’wana ni un’wana xiphephana xa Kingdom News No. 37. Kutani yana emahlweni ni xihloko hi bulo ra swivutiso ni tinhlamulo. Hlamusela malunghiselelo ya vandlha yo hlanganisa nsimu hinkwayo. Khutaza vahuweleri leswaku va hlanganyela hi xitalo eka tsima leri. Endla nkombiso wa xingheniso xo koma.

Risimu 50 ni xikhongelo xo pfala.

Vhiki Leri Sungulaka Hi September 25

Risimu 94

10 min: Switiviso swa vandlha. Swi fanele swi endliwa hi mulanguteri wa ntirho. Hlaya xiviko xa timali ni marito yo nkhensa minyikelo. Tsundzuxa vahuweleri leswaku va tisa swiviko swa vona swa ntirho wa nsimu wa September. Hlamusela malunghiselelo ya nsimu leyi nga aviwangiki hi October. Leyi i n’hweti yo hetelela ya tsima ra nsimu leyi nga aviwangiki. Khutaza hinkwavo leswaku va hlanganyela hi xitalo. Mavandlha ma khutaziwa ku heta tsima ra wona ra nsimu leyi nga aviwangiki hi October 15 hikwalaho ka leswi ku nga ta va ni tsima ro fambisa xiphephana xo hlawuleka. U tirhisa swingheniso leswi nga eka tluka 8 kumbe swingheniso swin’wana leswi fanelaka nsimu ya n’wina, endla nkombiso wo fambisa Xihondzo xo Rindza xa October 1 kumbe Xalamuka! ya October entirhweni wa le xitarateni.

25 min: “Vhidiyo Leyi Ku Faneleke Ku Anakanyisisiwa Ha Yona.”a Loko mi bula hi ndzimana 1, kombela vandlha leswaku ri hlamusela hi ku komisa ndlela leyi ri titwaka ha yona hi vhidiyo leyi nge Young People Ask—How Can I Make Real Friends? Kutani mi namba mi sungula ku bula hi xivutiso xin’wana ni xin’wana lexi nga eka tindzimana 2 ku ya ka 7. Loko u gimeta, khutaza mindyangu leswaku yi tlhela yi hlalela swin’we vhidiyo leyi nga eka DVD, leyi nge Young People Ask—What Will I Do With My Life?

10 min: Mintokoto ya vandlha. Kombela vayingiseri leswaku va rungula mintokoto leyi va veke na yona loko va fambisa minkandziyiso ya Xalamuka! ya sweswinyana kumbe loko va sungula tidyondzo ta Bibele eka riendzo ro sungula hi buku leyi nge Leswi Bibele Yi Swi Dyondzisaka. Loko ku ri ni mintokoto leyi tsakisaka swinene, ku nga ha endliwa nkombiso wun’we kumbe yimbirhi ya leswi humeleleke.

Risimu 183 ni xikhongelo xo pfala.

Vhiki Leri Sungulaka Hi October 2

Risimu 36

10 min: Switiviso swa vandlha. Hlamusela Bokisi Ra Swivutiso.

15 min: Swilaveko swa vandlha.

20 min: “Ku Chumayela Hi Yindlu Ni Yindlu.”b Loko nkarhi wu pfumela kombela vayingiseri va hlamusela matsalwa lama kombisiweke.

Risimu 127 ni xikhongelo xo pfala.

[Tinhlamuselo ta le hansi]