Marungula Ya Swa mfumo

◼ Ku nyiketeriwe Tiholo ta Mfumo to hlayanyana letintshwa, kutani hi tsaka swin’we ni mavandlha lama landzelaka: Riverview na Mpofana le Kwa-Zulu Natal, Boitekong ekusuhi ni le Rustenburg, Palm Springs na Comet eGauteng, Mgobodi eMpumalanga, Mankopane na Glen Cowie eXifundzheni xa Limpopo, Malmesbury le Western Cape na Kasane le Botswana. Mavandlha lawa hinkwawo ya khume ma wu tlangela swinene mpfuno wa Tikomiti to Aka ta Swifundzha swin’we ni vatirhi va tona va ku tirhandzela. Hi nkhensa lava titsoneke swo karhi leswaku va hoxa xandla entirhweni lowu wo aka.