Xiyimiso Xa Nhlangano Wa Ntirho

Vhiki Leri Sungulaka Hi October 9

Risimu 25

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa October 15 ni Xalamuka! ya October swin’we ni xiphephana xa Kingdom News No. 37.

15 min: “Pfuna Van’wana Leswaku Va Va Vanghana Va Xikwembu.”a Kombela vayingiseri va hlamusela ndlela leyi xikombiso xa van’wana swin’we ni xikhongelo lexi humaka embilwini swi va pfuneke ha yona ku endla nhluvuko va kala va khuvuriwa.

20 min: Lunghekela Ku Fambisa Xiphephana Xa Kingdom News No. 37. Nkulumo leyi katsaka ku bula ni vayingiseri. Pfuxeta malunghiselelo ya tsima leri nga ta va kona hilaha ma hlamuseriweke hakona eka Vutirheli Bya Hina Bya Mfumo bya September. Khutaza hinkwavo leswaku va hlanganyela hi xitalo. Khutaza lava nga ni swichudeni swa Bibele leswi endlaka nhluvuko leswaku va kambisisa loko swichudeni swa vona swi faneleka ku va vahuweleri lava nga khuvuriwangiki, leswaku swi ta hlanganyela eka tsima leri. Vatswari na vona va nga ha kambisisa loko vana va vona va faneleka. Hi ku komisa xaxameta leswi lavekaka leswaku munhu a faneleka ku va muhuweleri, leswi nga eka matluka 79-81 ya buku leyi nge Ku Hleleriwa Ku Endla Ku Rhandza Ka Yehovha.

Risimu 221 ni xikhongelo xo pfala.

Vhiki Leri Sungulaka Hi October 16

Risimu 84

10 min: Switiviso swa vandlha. Marungula Ya Swa Mfumo.

20 min: Vuyeriwa Eka Dyondzo Ya Buku Ya Vandlha. Nkulumo leyi katsaka ku bula ni vayingiseri leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, ku sukela eka xihlokwana lexi nga eka tluka 69 ku ya eka xihlokwana xo sungula lexi nga eka tluka 72.

15 min: “I Yini Lexi U Xi Rhangisaka?”b Kombela vayingiseri lava u va hlawuleke ka ha ri emahlweni leswaku va hlamusela ndlela leyi va xi antswiseke ha yona xiyimiso xa vona leswaku va rhangisa timhaka ta Mfumo ni ku hlamusela mikateko leyi va veke na yona hikwalaho ko endla tano.

Risimu 172 ni xikhongelo xo pfala.

Vhiki Leri Sungulaka Hi October 23

Risimu 58

10 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa November 1 ni Xalamuka! ya November. Eka wun’wana wa minkombiso, kombisa ndlela yo hlamula lava sivaka bulo va ku, “Ha yini mi ta nkarhi na nkarhi?”—Vona buku leyi nge Ku Hlamulana, tl. 20.

15 min: Swilaveko swa vandlha.

20 min: “Vuyeriwa Swinene Eka Minhlangano Ya Ntirho Wa Nsimu.”c Loko mi bula hi ndzimana 3, katsa ni tinhlamuselo leti nga eka Bokisi Ra Swivutiso ra Vutirheli Bya Hina Bya Mfumo bya September 2001, ndzimana 4, leti vulaka leswi faneleke swi endliwa loko ku ri hava vamakwerhu va xinuna lava nga fambisaka minhlangano.

Risimu 143 ni xikhongelo xo pfala.

Vhiki Leri Sungulaka Hi October 30

Risimu 207

10 min: Switiviso swa vandlha. Tsundzuxa vahuweleri hinkwavo leswaku va tisa swiviko swa vona swa ntirho wa nsimu ni ku tsala nhlayo ya swiphephana leswi va swi fambiseke swa Kingdom News No. 37 endzhaku ka swiviko swa vona swa ntirho wa nsimu.

20 min: “Ntsombano Wa Muganga Wa Timbhoni Ta Yehovha Wa 2006 Lowu Nge ‘Nkutsulo Wu Tshinele!’” nhloko-mhaka leyi yi kumeka eka xiengetelo xa Vutirheli Bya Hina Bya Mfumo bya September 2006.d Yi fanele yi nyikeriwa hi matsalana wa vandlha. Endzhaku ko bula hi ndzimana 1, hlaya papila leri vulavulaka hi ntsombano ra July 15, 2006. Khutaza hinkwavo leswaku va hatla va endla malunghiselelo yo ya entsombanweni.

15 min: Mintokoto Ya Ku Fambisiwa Ka Xiphephana Xa Kingdom News No. 37. Kombela vayingiseri va hlamusela vuyelo lebyi khutazaka lebyi va veke na byona loko va ri karhi va fambisa xiphephana xa Kingdom News No. 37. Vika leswaku se ku hlanganisiwe nsimu yo tanihi kwihi ku ta fikela sweswi ni leswi nga ta endliwa leswaku yi va yi hlanganisiwile hi November 12. Endla nkombiso wo endla riendzo ro vuyela ku tirhisiwa buku leyi nge Leswi Bibele Yi Swi Dyondzisaka. Kombela vahuweleri leswaku va vuyisa swiphephana hinkwaswo swa Kingdom News leswi va nga ta ka va nga swi koti ku swi fambisa ku nga si hela tsima leri, ku endlela leswaku van’wana va swi fambisa.

Risimu 136 ni xikhongelo xo pfala.

Vhiki Leri Sungulaka Hi November 6

Risimu 146

10 min: Switiviso swa vandlha. Tirhisa swiringanyeto leswi nga eka matluka 3-4 ya Vutirheli Bya Hina Bya Mfumo bya January 2005 kumbe swingheniso swin’wana leswi fanelaka nsimu ya n’wina, u kombisa ndlela yo fambisa buku leyi nge Dyondza Eka Mudyondzisi Lonkulu eka mavhiki mambirhi lama seleke ya November. Loko nkarhi wu pfumela, kombela vayingiseri va hlamusela vuyelo lebyinene lebyi va veke na byona loko va ri karhi va fambisa buku leyi ensin’wini kumbe eka swirho swa vona swa ndyangu.

15 min: Endla Leswaku Siku Ra Wena Ra Mucato Ri Va Leri Tsakisaka Ni Leri Xiximekaka. Nkulumo hi nkulu leyi sekeriweke eka Xihondzo xo Rindza xa October 15, 2006, matluka 28-31.

20 min: “Tshama U Langutele Yehovha.” Nhloko-mhaka leyi yi kumeka eka xiengetelo xa Vutirheli Bya Hina Bya Mfumo bya September 2006.e Byela vandlha ntsombano lowu ri averiweke eka wona. Kombela vayingiseri va hlamusela ndlela leyi ha yona ku tshama hi vehele tibeji minkarhi hinkwayo loko hi ri endhawini leyi ntsombano wu khomeriweke eka yona, swi nga hi pfulelaka ha yona ndlela yo chumayela. Khutaza vayingiseri leswaku va tirhisa minkarhi leyi va pfulekelaka leswaku va chumayela hi xitshuketa nileswaku va tirhisa fomo leyi nge Please Follow Up (S-43), ku tsala munhu un’wana ni un’wana loyi a tsakeleke.

Risimu 8 ni xikhongelo xo pfala.

[Tinhlamuselo ta le hansi]