Marungula Ya Swa mfumo

◼ Loko lembe ra ntirho ra 2006 ri hela, ku nyiketeriwe Tiholo ta Mfumo to hlayanyana letintshwa ensin’wini ya hina hinkwayo. Eka vhiki ro hetelela ra August ku nyiketeriwe Tiholo ta Mfumo ta nkombo, leswi endleke leswaku ku va ni tiholo ta 35 leti hetiweke eka lembe ra ntirho ra n’wexemu.

Mavandlha ya khume lama landzelaka ma tsakele ku va ni Tiholo letintshwa ta Mfumo: Dassenhoek, Kwa-Mashu North na Kwa-Mashu South na Volksrust eKwa-Zulu Natal; Kwangwanase eKosi Bay; Madadeni East eNewcastle; Diepsloot North, Kwa-Thema North eGauteng; Kgomotso ekusuhi ni le Warrenton na Mqhekezweni ekusuhi ni le Umtata. Hi tsaka na wona mavandlha lawa tanihi leswi ma gandzelaka Yehovha endhawini leyi fanelaka vito rakwe. Vo tala va tlhele va tlangela mpfuno wa Tikomiti to Aka ta Swifundzha ni mpfuno wa vatirhi va ku tirhandzela lava tirhaka ni tikomiti leti.

Un’wana ni un’wana la tsakelaka ku tirha ni Komiti yo Aka ya Xifundzha u fanele a tata fomo leyi nge Kingdom Hall Volunteer Worker Questionnaire (S-82). Tifomo leti ti kumeka eka matsalana wa vandlha, loko ti nga ri kona ti nga komberiwa loko ku endliwa swikombelo swa n’hweti ni n’hweti, hi ku tirhisa fomo leyi nge Literature Request Form (S-14).