Switiviso
◼ Minkandziyiso leyi nga ta fambisiwa hi December: Fambisani buku leyi nge Nghwazi Leyi Tshameke Yi Hanya. January: Fambisani buku yin’wana ni yin’wana ya khale leyi nga kona evandlheni ku katsa ni leyi nge Vutivi. Loko mi nga ri na tona evandlheni, hi kombela mi kamba emavandlheni ya le kusuhi lama nga ni minkandziyiso leyi ya khale leyi mi nga yi fambisaka. Mavandlha lama nga riki na tibuku leti ta khale, ma nga fambisa broxara leyi nge Tshamani Mi Rindzile! February: Fambisani buku leyi nge Tshinela Eka Yehovha. March: Fambisani buku leyi nge Xana Bibele Yi Dyondzisa Yini Hakunene?
◼ Hi kombela mi xiya leswaku Xitsundzuxo xa lembe ra 2008 xi ta va hi Mugqivela, March 22, endzhaku ka ku pela ka dyambu. Hi mi tivisa ka ha ri ni nkarhi leswaku mi ta kota ku hirha tindhawu kumbe tiholo loko ku ri ni mavandlha yo hlayanyana lama tirhisaka Holo ya Mfumo kutani swi boha leswaku ma lava ndhawu yin’wana. Loko ku laveka sweswo, vakulu va fanele va endla ntwanano ni valanguteri va ndhawu ya kona leswaku hi nkarhi wa Xitsundzuxo mi nga kavanyetiwi hi vanhu van’wana, xisweswo Xitsundzuxo xi ta famba hi ku rhula ni hi ku hleleka. Hikwalaho ka leswi Xitsundzuxo xi nga xa nkoka, loko huvo ya vakulu yi hlawula xivulavuri, yi fanele yi hlawula nkulu la fanelekaka swinene ematshan’weni yo cincisana lembe ni lembe kumbe yi tirhisa makwerhu un’we ntsena lembe rin’wana ni rin’wana. Loko ku ri ni nkulu la nga mutotiwa naswona a ta swi kota ku nyikela nkulumo leyi, yi fanele yi averiwa yena.
◼ Xihondzo xo Rindza xa October 15, 2006, xi ni xihloko lexi nge, “Micato Leyi Xiximekaka eMahlweni Ka Xikwembu Ni Vanhu.” Ndzimana 14 yi hlamusela hi vukati bya xintu ni bya xilungu, lebyi havumbirhi byi amukelekaka laha tikweni ni le matikweni lama hi akelaneke na wona. Hi kombela u engetela swivulwa leswi landzelaka emakumu ka ndzimana 14 ya magazini wa wena:
“Loko mpatswa lowu nga Vakreste wu tekane hi xintu ivi hi ku famba ka nkarhi wu lava ku tsarisa vukati bya wona hi xilungu eka majistarata (ku nga ri eHolweni ya Mfumo), sweswo ku ta va ku ri mhaka ya munhu hi yexe. Ku tsarisa koloko a ku endli leswaku vukati lebyi bya xilungu byi xiximeka ku tlula lebyiya bya xintu. Kutani a xi kona xivangelo xa leswaku ku tlhela ku va ni nkulumo ya vukati kumbe nkhuvo wun’wana wa vukati.”
◼ Hi kombela leswaku mapapila hinkwawo lawa mi ma rhumelaka erhavini mi tsala vito ra vandlha, nomboro ya rona ni nomboro ya laha mi landzaka kona tibuku kumbe adirese ya poso. Leswi swi ta pfuna leswaku mapapila ma hatla ma yisiwa eka ndzawulo leyi faneleke. Munhu un’wana ni un’wana la tsalaka papila u fanele a tsala vito rakwe swin’we ni adirese yakwe swi vonaka kahle emahlweni ka mvhilopho ehenhla hi le ximatsini.
◼ Eka Valanguteri Va Tibuku: Hi lava ku mi hlamusela leswi rito “Pending” ri vulaka swona eka nxaxamelo wa leswi mi rhumeriwaka swona. Loko nkandziyiso wo karhi wu nga ri kona exitokweni swa xinkarhana ku ta tsariwa leswaku “Pending.” Ku hava xivangelo xo tlhela mi kombela nkandziyiso wolowo. Loko se wu ri kona exitokweni, hi ta mi rhumela wona. Xiyani leswaku swi nga ha teka nkarhi wo leha ku rhumela swilo leswi mi swi kombeleke swi huma emarhavini ya le ntsungeni, swo fana ni ti-CD-ROM, ti-DVD ni minkandziyiso yin’wana ya ririmi rimbe.
Vamakwerhu van’wana lava langutelaka tibuku va vutise leswaku va fanele va yi rhumela rini fomo ya Literature Request Form (S-14) leswaku va pfuniwa hi ku hatlisa hilaha swi nga kotekaka hakona. Hi kombela mi kambela xiyimiso xa ku tisiwa ka tibuku hi lori leyi humaka erhavini. Kutani S-14 yi fanele yi siyiwa laha lori yi siyaka kona tibuku ka ha sele siku rin’we lori yi nga si tisa tibuku. Lava langutelaka laha ku siyiwaka kona tibuku va fanele va tiyiseka leswaku ku ni ndhawu leyi lunghiseleriweke ku veka ti-S-14. Muchayeri wa lori u ta teka S-14 kutani loko minkandziyiso leyi mi yi lavaka yi ri kona exitokweni yi ta rhumeriwa loko lori yi tlhela yi vuya. Yi ta teka mavhiki ya mune ku ya ka ntlhanu yi nga si vuya. I swa nkoka leswaku nkarhi na nkarhi mi rhumela fomo ya Literature Request Form (S-14) hambiloko mi lava swilo swi nga ri swingani ntsena.
◼ Xitiviso xa nkoka: Loko mi rhumela mali erhavini, hi kombela mi tiyiseka leswaku mi yi hoxa eka akhawunti leyintshwa ya banki ya ABSA kumbe ya le Posweni, hilaha swi boxiweke hakona eka papila ra September 1, 2006, leri yaka Eka Tihuvo Hinkwato Ta Vakulu Ni Lava Tamelaka Timali eMavandlheni Ya La Afrika Dzonga. Vahuweleri lava rhumelaka mali ya vona hi ku kongoma eka akhawunti ya rhavi, va fanele va tiyiseka leswaku va yi hoxa eka akhawunti leyi faneleke. Nomboro leyintshwa ya akhawunti va nga yi kuma eka vakulu. Loko ku ri ni leswi mi lavaka ku swi vutisa, mi nga bela riqingho eka Accounting Office eka nomboro leyi, (011) 761-1323. Mulanguteri la ungamelaka u fanele a tiyiseka leswaku nkongomiso lowu vuriweke eka papila leri boxiweke laha henhla wa landzeriwa nileswaku kopi ya rona yi nyikiwa la tamelaka timali. Nakambe, mulanguteri la ungamelaka u fanele a tiyiseka leswaku mapapila lama vulavulaka hi ku antswisiwa ka tiakhawunti (“Simplified Accounting Instructions”) ma nyikiwa ni ku hlamuseriwa makwerhu la tamelaka timali.
◼ Minkandziyiso Leyintshwa Leyi Kumekaka:
Watch Tower Publications Index 2001-2005—Xinghezi