Xiyimiso Xa Nhlangano Wa Ntirho

Vhiki Leri Sungulaka Hi January 8

Risimu 12

10 min: Switiviso swa vandlha. Khutaza hinkwavo leswaku va hlalela vhidiyo leyi nge No Blood—Medicine Meets the Challenge leswaku va lunghekela bulo leri nga ta va kona eka Nhlangano wa Ntirho hi vhiki ra January 22. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa January 15 ni Xalamuka! ya January. Eka wun’wana wa minkombiso, kombisa ndlela yo hlamula lava sivaka bulo va ku, “Ndzi khomekile.”—Vona buku leyi nge Ku Hlamulana, matl. 19-20.

15 min: Vuyeriwa Eka Xibukwana Lexi Nge Ku Kambisisa Matsalwa Siku Ni Siku. Nkulumo leyi katsaka ku bula ni vayingiseri leyi sekeriweke eka marito yo rhanga ya xibukwana lexi nge Ku Kambisisa Matsalwa Siku Ni Siku—2007. Bula hi xilaveko xo va hinkwerhu hi tinyika timinete ti nga ri tingani siku rin’wana ni rin’wana, leswaku hi kambisisa Tsalwa ni tinhlamuselo ta siku rero. Hlela ka ha ri emahlweni leswaku ku va ni muhuweleri un’we kumbe vambirhi lava nga ta hlamusela ndlela leyi va tshamaka va ri karhi va kambisisa ndzimana ya siku ha yona swin’we ni ndlela leyi va vuyeriweke ha yona. Gimeta hi ku hlamusela ndzimana ya lembe ra 2007 hi ku komisa.

20 min: Fikelela Vanhu Hinkwavo Hi Mahungu Lamanene. Nkulumo leyi katsaka ku bula ni vayingiseri leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, tluka 92 ku ya eka xihlokwana lexi nga eka tluka 102.

Risimu 165 ni xikhongelo xo pfala.

Vhiki Leri Sungulaka Hi January 15

Risimu 93

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: Pfuxeta ni vayingiseri tinhla-nkulu ta papila ra February 16, 2005 ni ra February 1, 2006, lama vulavulaka hi tidyondzo ta le xikolweni. Khutaza vatswari lava nga ni vana lava nghenaka xikolo leswaku va bula ni vadyondzisi hi xiyimo xa vana va vona.

20 min: “A Ndzi Swi Tsakeli.”a Loko mi bula hi ndzimana 4, vutisa vayingiseri leswaku hi tihi timhaka leti tsakeriwaka hi vanhu va le nsin’wini ya ka n’wina. Endla minkombiso mimbirhi yo kombisa ndlela yo hlamula lava sivaka bulo va ku, “A ndzi swi tsakeli.”—Vona buku leyi nge Ku Hlamulana, tl. 16.

Risimu 135 ni xikhongelo xo pfala.

Vhiki Leri Sungulaka Hi January 22

Risimu 224

10 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa February 1 ni Xalamuka! ya February. Eka wun’wana wa minkombiso, a ku endliwe riendzo ro vuyela eka munhu loyi a tshamelaka ku yiseriwa timagazini.

10 min: Swilaveko swa vandlha.

25 min: “Hi Byihi Vutshunguri Lebyinene Ngopfu?” Nkulumo hi nkulu. Nghena emhakeni hi ku bula ni vayingiseri hi vhidiyo leyi nge No Blood, u tirhisa swivutiso leswi fambisanaka ni xihloko lexi. Gimeta hi ku hlaya ndzimana yo hetelela ni ku va khutaza hinkwavo leswaku va pfuxeta swihloko leswi kombisiweke swa Xihondzo xo Rindza.

Risimu 188 ni xikhongelo xo pfala.

Vhiki Leri Sungulaka Hi January 29

Risimu 55

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu swa January. Boxa minkandziyiso leyi nga ta fambisiwa hi February, kutani u endla nkombiso hi xin’wana xa swingheniso swoleswo.

15 min: “Xana U Swi Lunghekerile Ku Langutana Ni Mhangu Ya Ntumbuluko?”b Nkulumo hi nkulu. Katsa ni tinhlamuselo leti nga eka Vutirheli Bya Hina Bya Mfumo bya November 2005, tluka 3.

20 min: “Xana Ndzi Fanele Ndzi Tshunguriwa Hi Ngati Ya Mina Ni Hi Swiphemu Swa Yona Leswitsongo?”c Bulo ra swivutiso ni tinhlamulo swin’we ni nkombiso. Nkulu loyi a nyikelaka nkulumo leyi u fanele a ri landzelerisisa swinene phepha ra nkulumo leri rhumeriweke hi rhavi.

Risimu 137 ni xikhongelo xo pfala.

Vhiki Leri Sungulaka Hi February 5

Risimu 3

10 min: Switiviso swa vandlha.

15 min: Hileswi Ndzi Nga Xiswona! Nkulumo leyi katsaka ku bula ni vayingiseri. Vantshwa van’wana a va swi lavi ku byela van’wana leswaku i Timbhoni ta Yehovha hikuva va vona onge tintangha ta vona ti nga va hlekula. Kambe ku ni swivangelo leswinene swo byela van’wana leswi mi nga swona. Hakanyingi vadyondzisi lava tivaka leswi mi swi pfumelaka va swi xixima naswona a va nge mi sindzisi leswaku mi hlanganyela eka swilo leswi nga riki swinene. Vantshwa lava nga riki ni mahanyelo a va nge mi sindzisi leswaku mi hlanganyela na vona eka ku tikhoma ko biha. Van’wana va ta hatla va swi twisisa swiboho leswi mi swi endleke etimhakeni to fana ni ku gangisana ni ku hlanganyela eka mintlango ya le xikolweni kumbe eka mintirho leyi endliwaka loko xikolo xi humile. Nakambe a mi nge chavi ku chumayela exikolweni kumbe ku hlangana ni lava mi nghenaka na vona xikolo loko mi ri ensin’wini. (g02-TS 4/8 tl. 16) Kombela vahuweleri va hlamusela ndlela leyi va vuyeriweke ha yona hikwalaho ko byela vana-kulobye ni vadyondzisi exikolweni leswaku i Timbhoni ta Yehovha. Swi nga hleriwa ka ha ri emahlweni leswaku muhuweleri un’we kumbe vambirhi va hlamusela mhaka leyi.

20 min: “Rirhandzu I Xilotlelo Xo Va Ni Mihandzu eNsin’wini.”d Katsa ni tinhlamuselo leti nga eka Xihondzo xo Rindza xa February 1, 2003, tluka 23, tindzimana 16-17.

Risimu 83 ni xikhongelo xo pfala.

[Tinhlamuselo ta le hansi]