Mpfuxeto Wa Xikolo Xa Vutirheli Bya Le Tilweni — Watchtower LAYIBURARI YA LE KA WEB SITE

Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swa mpfuxeto ku ta buriwa ha swona eXikolweni xa Vutirheli bya le Tilweni hi vhiki leri sungulaka hi February 26, 2007. Mulanguteri wa xikolo u ta fambisa mpfuxeto wa timinete ta 30 lowu sekeriweke eka rungula ra tinkulumo leti nyikeriweke ku sukela eka vhiki ra January 1 ku ya eka February 26, 2007. [Xiya: Laha ku nga riki na swikombo endzhaku ka xivutiso swi ta lava leswaku u tikumela tinhlamulo hi ku tiendlela ndzavisiso.—Vona buku leyi nge Xikolo Xa Vutirheli, matl. 36-7.]

TINHLA TO TIRHELA EKA TONA

1. Loko hi nyikela nkulumo, xana hi fanele hi swi kombisa rini leswi rungula ra hina ri pfunaka ha swona, naswona hi fanele hi swi endlisa ku yini sweswo? [be-TS tl. 158 tindz. 2-4]

2. Ha yini swi ri swa nkoka ku pfuna van’wana leswaku va vona ndlela leyi rungula ra hina ri pfunaka ha yona, naswona hi nga swi endla njhani sweswo? [be-TS tl. 159 tindz. 2-3]

3. Ha yini swi ri swa nkoka leswaku hi hlawula marito ya hina? [be-TS tl. 160]

4. I yini lexi nga ta hi pfuna ku tirhisa marito yo hambana-hambana hi ndlela leyi faneleke? [be-TS tl. 161 tindz. 5-6; tl. 162 tindz. 1, 4]

5. Hi swihi swilo swin’wana leswi hi nga vuyeriwaka ha swona hi ku vulavula hi tirhisa tinhla ta xisekelo leti nga emianakanyweni ya hina kumbe leti tsariweke hansi? [be-TS tl. 166 tindz. 1-3]

NKULUMO NO. 1

6. Ku katseka yini loko hi lunghiselela nkulumo ya ku hlaya? [be-TS tl. 43 tindz. 2, 4]

7. I yini lexi lavekaka leswaku hi hlakulela langutelo leri Yehovha a nga na rona hi swilo leswinene ni leswo biha? (Hev. 5:14) [w05-TS 1/1 tl. 9 ndz. 11]

8. Hi fanele hi tsundzuka yini loko hi hlaya hi mhaka yo karhi eBibeleni leyi endlaka leswaku hi tivutisa loko Xikwembu xi endle leswi lulameke kumbe leswi faneleke? [w05-TS 2/1 tl. 24 ndz. 7]

9. Hi fanele hi endla yini loko nawu wa Xikwembu wu lwisana ni leswi laviwaka hi vanhu? [w05-TS 4/15 tl. 12 ndz. 9]

10. Esaya u wu kandziyisa njhani Mfumo wa Mesiya ni le ka murhangeri wa yena, ku nga Yohane Mukhuvuri? [si-TS tl. 123 ndz. 35]

KU HLAYA KA BIBELE KA VHIKI NI VHIKI

11. I yini “xifunengeto” ni “muluko” leswi boxiweke eka Esaya 25:7?

12. Xana vanhu va ‘vona’ Yehovha ni ku n’wi “twa” hi ndlela yihi? (Esa. 30:20, 21)

13. I ntiyiso kumbe i Mavunwa: Xikhongelo xa Hezekiya lexi tsariweke eka Esaya 38:3 u xi endle hikwalaho ka leswi a a navela ku hanya nkarhi wo leha.

14. Xana Vaisrayele va ve timbhoni ta Yehovha hi ndlela yihi naswona hi nga va tekelela njhani? (Esa. 43:10)

15. Hi ku pfumelelana ni ntila wa vuprofeta lebyi nga eka Esaya 52:11, 12, i yini leswi lavekaka leswaku munhu a faneleka ku ‘rhwala swibya swa Yehovha’?