Switiviso

◼ Minkandziyiso leyi nga ta fambisiwa hi February: Fambisani buku leyi nge Tshinela Eka Yehovha. March: Fambisani buku leyi nge Xana Bibele Yi Dyondzisa Yini Hakunene? April na May: Fambisani Xihondzo xo Rindza ni Xalamuka!

◼ Matsalana ni mulanguteri wa nsimu va fanele va kambisisa ntirho wa maphayona hinkwawo ya nkarhi hinkwawo. Loko ku ri ni phayona leri tsandzekaka ku fikelela tiawara leti lavekaka, vakulu va fanele va endla malunghiselelo yo ri pfuna. Leswaku mi kuma swiringanyeto swa kona, pfuxetani mapapila ya lembe ni lembe ya S-201.

◼ Nkulumo yo hlawuleka ya le rivaleni leyi fambisanaka ni nkarhi wa Xitsundzuxo xa 2007 leyi nga ta va hi April 15 yi ta ni nhloko-mhaka leyi nge “U Nga Wu Kuma Nsirhelelo eMisaveni Leyi Yi Nga Ni Maxangu!” Vona xitiviso lexi yelanaka ni lexi eka Vutirheli Bya Hina Bya Mfumo bya October 2006.

◼ Ku rhumeriwe swirhambo swo hlawuleka swa Xitsundzuxo emavandlheni hinkwawo naswona muhuweleri ha un’we u ta kuma 30 wa swona hi ku ya hi tindzimi ta Vutirheli Bya Hina Bya Mfumo lebyi rhumeriwaka evandlheni. Loko mavandlha ma kuma mphakelo wun’we wa tibuku, ma ta kuma mimphakelo ya wona ya swirhambo leswi eka makwerhu la ungamelaka mphakelo wa tibuku. U fanele a tiyiseka leswaku vandlha rin’wana ni rin’wana ri kuma mphakelo wa rona hi ku hatlisa hilaha swi kombisiweke hakona eka phepha ra nxaxamelo wa leswi rhumeriweke. Ku hava mphakelo lowu engetelekeke lowu nga ta rhumeriwa emavandlheni.

◼ Tikhasete ta Xihondzo xo Rindza ni Xalamuka! ta Xinghezi ni Xiputukezi a ti nge he endliwi ku sukela hi July 2007. Swikombelo leswi endliweke sweswinyana swi ta suriwa hi n’hweti yoleyo. Languta eka tluka 2 ra Xihondzo xo Rindza ni le ka tluka 5 ra Xalamuka! leswaku u kuma tindzimi leti u nga endlaka swikombelo swa tona. Hi ku famba ka nkarhi tikhasete hinkwato ni tivhidiyo a ti nge he endliwi kutani ti ta siviwa hi ti-CD ni ti-DVD.

◼ Mavandlha ma nga sungula ku endla swikombelo swa Watchtower Library—2006. Yi wela eka swikombelo swo hlawuleka naswona yi fanele yi tirhisiwa hi Timbhoni ta Yehovha ntsena. Lava va endleke swikombelo swa yona hi 2005 kambe va nga yi kumi va ta rhumeriwa leyintshwa ya 2006. Ku ni progreme leyintshwa leyi vitaniwaka Watchtower Reader leyi nga ta katsiwa ni Watchtower Library—2006. Progreme leyi swa olova ku yi dyondza ni ku yi tirhisa tanihi leswi yi nga ni bokisi rin’we ra rungula ni rin’we ro endla ndzavisiso wa marito. Progreme ya Watchtower Reader yi nga ha kumeka hi tindzimi to tala naswona enkarhini lowu taka hi yona yi nga ta va Watchtower Library. Lava nga ni tikhomphyuta va khutaziwa ku tolovelana ni Watchtower Reader leswaku va ta kota ku yi tirhisa loko yi humesiwa enkarhini lowu taka. Tiprogreme letimbirhi ti lava khompyuta leyi tirhisaka Windows 98, Millennium, NT, 2000, XP, kumbe tin’wana ta xiyimo xa le henhla.

◼ Eka vaungameri va tibuku ni vamatsalana emavandlheni: Loko mi bela riqingho erhavini mi vutisa hi ta tibuku leti mi nga rhumeriwa tona hi xihoxo kumbe leti nga fikangiki, hi kombela leswaku loko swi koteka mi va mi tamele maphepha ya nxaxamelo wa leswi rhumeriweke. Mi endla tano niloko mi tsalela rhavi mi vutisa hi ta minkandziyiso yoleyo.

◼ DVD Leyintshwa Leyi Nga Ni Tindzimi To Tala Leyi Kumekaka:

Young People Ask—What Will I Do With My Life?—Xifurwa, Xijapani, Xijarimani, Xinghezi, Xintariyana, Xipaniya, Xiputukezi ni Xirhaxiya (Eka DVD yin’we)