Xiyimiso Xa Nhlangano Wa Ntirho

Vhiki Leri Sungulaka Hi February 12

Risimu 52

10 min: Switiviso swa vandlha. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa February 15 ni Xalamuka! ya February. Eka wun’wana wa minkombiso, kombisa ndlela yo hlamula lava sivaka bulo va ku, “Vukhongeri a ndzi byi tsakeli.”—Vona buku leyi nge Ku Hlamulana, matl. 16-17.

35 min: “Byi Twariseni Hinkwako-nkwako Vunene Bya Yehovha.”a Nkulumo leyi nga ta nyikeriwa hi mulanguteri wa ntirho. Loko u fika eka tinhla leti vulavulaka hi nkarhi ni ndhawu ya Xitsundzuxo loko mi ri karhi mi bula, tivisa nkarhi ni ndhawu leyi Xitsundzuxo xi nga ta khomeriwa eka yona, malunghiselelo ya minhlangano leyi engetelekeke ya ntirho wa nsimu ni tipakani leti vandlha ri ti vekeleke tona ta maphayona ya nkarhinyana hi April.

Risimu 147 ni xikhongelo xo pfala.

Vhiki Leri Sungulaka Hi February 19

Risimu 198

5 min: Switiviso swa vandlha.

20 min: “Tekelela Mudyondzisi Lonkulu Loko U Tirhisa Buku Leyi Nge Leswi Bibele Yi Swi Dyondzisaka.”b Loko mi bula hi ndzimana 6, vana ni nkombiso wo koma lowu kombisaka muhuweleri la tirhisaka bokisi leri nga emakumu ka ndzima 6 ebukwini leyi nge Leswi Bibele Yi Swi Dyondzisaka leswaku a pfuxeta leswi xichudeni xi swi dyondzeke eka ndzima yoleyo.

20 min: Xana U Nga Sungula Dyondzo Ya Bibele Hi March? Bulo ni vayingiseri. Eka mavhiki mambirhi yo sungula ya March hi ta va hi fambisa buku leyi nge Leswi Bibele Yi Swi Dyondzisaka hi xikongomelo xo sungula tidyondzo ta Bibele. Pfuxeta swiringanyeto leswi nga eka Vutirheli Bya Hina Bya Mfumo bya March 2006, matluka 3-5. Tirhisa xin’wana xa swiringanyeto leswi nga eka tluka 5 kumbe xingheniso xin’wana lexi fanelaka nsimu ya n’wina, u kombisa ndlela yo sungula dyondzo ya Bibele eka riendzo ro sungula. Kombela vayingiseri va hlamusela mintokoto yo tsakisa leyi va veke na yona loko va ri karhi va tirhisa buku leyi, ngopfu-ngopfu loko va sungula tidyondzo ta Bibele.

Risimu 220 ni xikhongelo xo pfala.

Vhiki Leri Sungulaka Hi February 26

Risimu 29

10 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa March 1 ni Xalamuka! ya March. Eka xin’wana xa swingheniso sweswo, a ku ve ni muhuweleri la chumayelaka endhawini ya mabindzu. Tsundzuxa hinkwavo leswaku va tisa swiviko swa vona swa n’hweti ya February.

15 min: “Mi Nga Va Rivali Lava Holeke eMoyeni.”c Katsa ni tinhlamuselo leti nga eka Xihondzo xo Rindza xa May 1, 2004, matluka 21-2, tindzimana 13-16.

20 min: “Tekelela Kreste eNtirhweni Wa Wena Wo Chumayela.”d Loko nkarhi wu pfumela, kombela vayingiseri leswaku va hlaya ni ku hlamusela matsalwa lama kombisiweke.

Risimu 18 ni xikhongelo xo pfala.

Vhiki Leri Sungulaka Hi March 5

Risimu 32

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Nyika muyingiseri un’wana ni un’wana xirhambo xo hlawuleka xa Xitsundzuxo kutani u hlamusela malunghiselelo yo xi fambisa ensin’wini. Kombela hinkwavo leswaku va hlanganyela hi xitalo. Katsa ni nkombiso wa ndlela leyi xirhambo xi nga fambisiwaka ha yona.

15 min: Ku Chumayela Mahungu Lamanene Hi Ndlela Leyi Faneleke. Nkulumo leyi katsaka ku bula ni vayingiseri leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, ku sukela eka xihlokwana lexi nga eka tluka 102 ku ya fika emakumu ka ndzima.

15 min: “Mi Tamerisiwe Xuma.”e Loko nkarhi wu pfumela, kombela vayingiseri leswaku va hlamusela matsalwa lama kombisiweke.

Risimu 104 ni xikhongelo xo pfala.

[Tinhlamuselo ta le hansi]