Xiyimiso Xa Nhlangano Wa Ntirho

Vhiki Leri Sungulaka Hi July 9

Risimu 4

10 min: Switiviso swa vandlha. Tirhisa swiringanyeto leswi nga eka tluka 4 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa July 15 ni Xalamuka! ya July.

15 min: Hlamusela malunghiselelo ya nsimu leyi nga aviwangiki. Nkulumo leyi faneleke yi nyikeriwa hi mulanguteri wa ntirho. Hlamusela papila leri vulavulaka hi nsimu leyi nga aviwangiki, ra May 15, 2007, u vula minkandziyiso leyi nga ta fambisiwa, masiku lawa ku nga ta yiwa ha wona, ndhawu leyi nga ta tirhiwa ni malunghiselelo ya swo famba ha swona. Xana van’wana va nga va maphayona ya nkarhinyana? Mavandlha lama nga taka ma nga yi ensin’wini leyi nga aviwangiki ma fanele ma bula hi leswi ma swi kunguhateke leswaku ku tirhiwa masimu lama tirhiwaka hi xiwelo.

20 min: Bokisi Ra Swivutiso. Nkulumo leyi faneleke yi nyikeriwa hi nkulu. Hlaya u tlhela u bula hi ndzimana ha yin’we eka xihloko lexi. Katsa tinhlamuselo ta tinhla leti kumekaka eka Xalamuka! ya June 8, 2005, matluka 29-30, ehansi ka swihlokwana leswi nge “Makhombo Ya Vukanganyisi Ni Ku Va Ni Xihundla” ni lexi nge “Ku Hlawula Nchumu Wa Xiviri.”

Risimu 91 ni xikhongelo xo pfala.

Vhiki Leri Sungulaka Hi July 16

Risimu 16

10 min: Switiviso swa vandlha.

20 min: Ku Hlayisa Vandlha Ri Ri Ni Ku Rhula Naswona Ri Basile. Nkulumo leyi katsaka ku bula ni vayingiseri leyi sekeriweke ebukwini leyi nge Ku Hleleriwa Ku Endla Ku Rhandza Ka Yehovha, eka tluka 144 ku ya eka xihlokwana lexi nga eka tluka 150.

15 min: “Ku Cinca Loku Tsakisaka Eka Xihondzo xo Rindza!”a

Risimu 189 ni xikhongelo xo pfala.

Vhiki Leri Sungulaka Hi July 23

Risimu 133

10 min: Switiviso swa vandlha. Hlaya xiviko xa timali ni marito yo nkhensa minyikelo. Tirhisa swiringanyeto leswi nga eka tluka 4 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa August 1 ni Xalamuka! ya August.

20 min: Kombisanani Malwandla. Nkulumo leyi sekeriweke eka Xihondzo xo Rindza xa January 15, 2005, matluka 21-3. Vulavurisana ni muhuweleri un’we kumbe vambirhi lava va tiviwaka hi ku va ni malwandla. Va tikarhate hi ndlela yihi leswaku va va ni malwandla? Hi yihi mikateko leyi vona ni mindyangu ya vona va veke na yona hikwalaho ka sweswo?

15 min: Ku Lunghiselela Swingheniso Leswinene. Bula ni vayingiseri hi rungula leri sekeriweke ebukwini leyi nge Ku Hlamulana eka tluka 9, tindzimana 1-2. Katsa minkombiso yimbirhi yo fambisa tibroxara leti nga ta fambisiwa hi August.

Risimu 61 ni xikhongelo xo pfala.

Vhiki Leri Sungulaka Hi July 30

Risimu 200

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu swa July.

15 min: Ku Tinyiketela Ku Tisa Mikateko Ya Yehovha. Nkulumo leyi sekeriweke eka Xihondzo xo Rindza xa November 15, 2005, matluka 8-9.

20 min: “Wa Tsaka Munhu La Hambetaka A Tiyisela Ndzingo.”b Loko mi bula hi ndzimana 3, kombela vayingiseri va hlamusela ndlela leyi ku va ni ripfumelo leri tiyeke swi va pfuneke ha yona loko ndzingo wu va wela hi xitshuketa. Ku nga hleriwa ni makwerhu un’we kumbe vambirhi ka ha ri emahlweni leswaku va ta hlamusela.

Risimu 13 ni xikhongelo xo pfala.

Vhiki Leri Sungulaka Hi August 6

Risimu 106

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: I Yini Lexi Tisaka Ntsako Wa Xiviri? Nkulumo leyi katsaka ku bula ni vayingiseri leyi sekeriweke eka Xihondzo xo Rindza xa May 15, 2006, matluka 28-9, tindzimana 11-12. Hi ku komisa vulavurisana ni muhuweleri la hlawuleke ku rhangisa ntirho wo chumayela evuton’wini bya yena ematshan’weni yo hlongorisa mintsako kumbe ku tikumela ntirho wo tihanyisa. I yini lexi n’wi susumeteleke leswaku a tivekela tipakani ta swa moya? Xana leswi swi n’wi tisele ntsako hi ndlela yihi?

20 min: “Xivangelo Xa Ku Va Hi Tshamela Ku Tlhelela.”c Loko mi bula hi ndzimana 5, kombela vayingiseri leswaku va hlamusela leswi va endleke va lava ku dyondza swo tala hi ntiyiso kasi eku sunguleni a va kaneta naswona a va nga tsakeli.

Risimu 211 ni xikhongelo xa pfala.

[Tinhlamuselo ta le hansi]