Xiyimiso Xa Nhlangano Wa Ntirho

Vhiki Leri Sungulaka Hi December 10

Risimu 46

10 min: Switiviso swa vandlha. Tirhisa swiringanyeto leswi nga eka tluka 8 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa December 15 ni Xalamuka! ya December.

20 min: Xikolo Xa Vutirheli Bya Le Tilweni Xa 2008. Nkulumo hi mulanguteri wa xikolo. Hlamusela tinhla leti lavaka ku kandziyisiwa leti kumekaka eka xiengetelo xa Vutirheli Bya Hina Bya Mfumo bya October 2007. Hlamusela ntirho wa mupfuni wa mulanguteri wa xikolo. Khutaza hinkwavo leswaku va endla matshalatshala ya ku lunghiselela tinkulumo ta vona ni leswi va swi dyondzeke eka tinhla-nkulu ta ku hlaya ka Bibele ni ku tirhisa swiringanyeto leswi nyikeriwaka vhiki na vhiki leswi humaka eka buku leyi nge Vuyeriwa Eka Vuleteri Bya Xikolo Xa Vutirheli Bya Le Tilweni.

15 min: “Chavelela Lava Nga Ni Gome.”a Rungula ntokoto wun’we kumbe yimbirhi yo koma ya le vandlheni.

Risimu 34

Vhiki Leri Sungulaka Hi December 17

Risimu 28

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo ku hlalela DVD leyi nge Jehovah’s Witnesses—Organized to Share the Good News leswaku va tilunghiselela nkulumo leyi nga ta nyikeriwa eka Nhlangano wa Ntirho wa vhiki leri sungulaka hi January 7.

15 min: “Hi Fanele Hi Tshama Hi Ri Karhi Hi Hisekela Ntirho Wo Chumayela.”b Vulavurisana ni muhuweleri loyi a tivekaka hi ku hisekela ntirho wa nsimu. N’wi vutise swivutiso leswi: Xana u swi kotisa ku yini ku tshama u hiseka entirhweni wa nsimu? I yini lexi ku pfunaka leswaku u tshama u hiseka?

20 min: “Fambisa Timagazini Leti Sekelaka Ntiyiso.”c Kombela vahuweleri va hlamusela rungula leri kumekaka eka xihloko lexi nga eka tluka 4 ra Vutirheli Bya Hina Bya Mfumo bya November 2006. Khutaza vahuweleri ku hlaya Xihondzo xo Rindza xa January 1, 2008 ni Xalamuka! ya January, 2008. Va kombele va ta ni timagazini leti loko va ta enhlanganweni vhiki leri taka.

Risimu 139

Vhiki Leri Sungulaka Hi December 24

Risimu 212

10 min: Switiviso swa vandlha. Hlaya xiviko xa timali ni marito yo nkhensa minyikelo. Boxa minkandziyiso leyi nga ta fambisiwa hi January, kutani u endla nkombiso wun’we hi xingheniso lexi tirhaka ensin’wini ya n’wina.

15 min: Tilunghiselele Ku Fambisa Timagazini Letintshwa. Bulo ni vayingiseri leri sekeriweke eka Xihondzo xo Rindza xa January 1, 2008 ni Xalamuka! ya January, 2008. Endzhaku ko hlamusela magazini ha wun’we hi ku komisa, vutisa vayingiseri leswaku hi swihi swihloko leswi va vonaka leswaku vanhu va ta swi tsakela ensin’wini naswona ha yini. Rhamba vayingiseri va boxa swingheniso leswi va vonaka leswaku va nga swi tirhisa, va tirhisa swihloko leswi swi va tsakisaka. Hi swihi swivutiso leswi va nga ta swi tirhisa ku sungula bulo? Hi rihi tsalwa leri nga exihlokweni leri va nga ta ri hlaya? Xana tsalwa rero va ta ri twananisa njhani ni xihloko xexo? Endla nkombiso wo fambisa magazini ha wun’we, u tirhisa swingheniso leswi kumekaka eka Vutirheli Bya Hina Bya Mfumo kumbe leswi ringanyetiweke hi vahuweleri.

20 min: “Tivekele Pakani Yo Fambisa Dyondzo Ya Bibele.d Bula ni muhuweleri un’we kumbe vambirhi lava ha ku sungulaka dyondzo ya Bibele. Xana dyondzo ya kona yi sungule njhani? Yi famba njhani?

Risimu 21

Vhiki Leri Sungulaka Hi December 31

Risimu 89

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va tisa swiviko swa vona swa ntirho wa nsimu swa December.

15 min: Ku Tirhela Xikwembu Swa Vuyerisa. Nkulumo leyi khutazaka leyi sekeriweke eka Xihondzo xo Rindza xa March 1, 1990, matluka 22-3.

20 min: Hambetani Mi Famba Tanihi Vana Va Ku Vonakala. Nkulumo ni mimbulavurisano. Hi hume emunyameni wa misava leyi kutani hi famba eku vonakaleni ka Yehovha. (Efe. 5:8, 9) Leswi swi antswise vutomi bya hina naswona byi ni xikongomelo. (1 Tim. 4:8) Ku vonakala ku hi endla leswaku hi va ni ntshembo. (Rhom. 15:4) Bula ni vahuweleri vambirhi kumbe vanharhu lava hluleke swihinga leswikulu kutani va tama va gandzela Yehovha. Hi swihi swihinga leswi va langutaneke na swona loko va sungula ku va Timbhoni? Xana va swi hlule njhani? Xana ku dyondza ntiyiso swi byi antswise njhani vutomi bya vona? I yini leswi va pfunaka ku tshama va tiyile eripfumelweni? Gimeta hi ku khutaza hinkwavo leswaku va hambeta va antswisa vuxaka bya vona na Yehovha ni ku wu tlangela hi mbilu hinkwayo ntiyiso lowu a va kombeke wona.—2 Pet. 1:5-8.

Risimu 202

Vhiki Leri Sungulaka Hi January 7

Risimu 159

5 min: Switiviso swa vandlha.

15 min: Swilaveko swa vandlha.

25 min: “Ntirho Lowukulu Swinene Wo Chumayela Lowu Nga Si Tshamaka Wu Endliwa eMisaveni!”e Rhamba vayingiseri va vula marito yo bumabumela lama vuriweke hi maxaka, vanghana, swichudeni swa Bibele ni lava va endleke maendzo yo vuyela eka vona loko va va komba DVD leyi nge Jehovah’s Witnesses—Organized to Share the Good News.

Risimu 99

[Tinhlamuselo ta le hansi]