Switiviso
◼ Minkandziyiso leyi nga ta fambisiwa hi December: Fambisani buku leyi nge Tshinela Eka Yehovha. January: Fambisani broxara leyi nge Tshamani Mi Rindzile! Loko mi nga ri na yona broxara leyi evandlheni, fambisani leyi nge Leswi Xi Swi Languteleke. February: Fambisani buku leyi nge Xihundla Xa Ntsako eNdyangwini. March: Fambisani buku leyi nge Xana Bibele Yi Dyondzisa Yini Hakunene?
◼ Mulanguteri la ungamelaka u komberiwa ku rhumela swiviko swa tiakhawunti ta vandlha swa September, October na November erhavini hi December 1 kumbe hi ku hatlisa endzhaku ka siku leri. Ku nga tirhisiwi munhu un’we nkarhi hinkwawo loko ku kamberiwa swiviko swa tiakhawunti. Loko mi pfule akhawunti ya le tlhelo, yo lunghisa kumbe yo aka holo, ku fanele ku endliwa malunghiselelo ya leswaku ku kambisisiwa timali leti hoxiweke eka akhawunti leyi. Loko se ti kambisisiwile, tivisani vandlha eka xiviko xa timali lexi landzelaka. Hi kombela leswaku mavandlha lama tsarisiweke tanihi Public Benefit Organizations ([PBO] Tinhlengeletano leti Pfunaka Vaaki) ma hatla ma rhumela swiviko swa tiakhawunti ta wona loko ma heta ku swi kambisisa. Matsalana ni mulanguteri wa timali va fanele va tiyiseka leswaku hinkwaswo leswi lavekaka eka tiakhawunti swi kona naswona swi hlelekile nileswaku rungula leri landzelaka ri kona: Phepha Ra Tiakhawunti (S-26), Xiviko Xa Tiakhawunti Ta Vandlha Xa N’hweti Ni N’hweti (S-30), Tirhisiti (S-24), tirhisiti ta leswi xaviweke ni switatimendhe swa le banki swa n’hweti ha yin’we (loko ku ri leswaku vandlha ri pfule akhawunti ebanki). Ti rhumeleni erhavini mi tsala leswaku ti ya eka Accounting Office—PBO Registration.
◼ Hi kombela mi xiya leswaku Xitsundzuxo xa 2009 xi ta va hi Ravumune, April 9, endzhaku ka ku pela ka dyambu. Hi mi tivisa ka ha ri ni nkarhi leswaku mi ta kota ku hirha tindhawu kumbe tiholo loko ku ri ni mavandlha yo hlayanyana lama tirhisaka Holo ya Mfumo kutani swi boha leswaku mi lava ndhawu yin’wana. Loko swiyimo swi lava sweswo, vakulu va fanele va endla ntwanano ni valanguteri va ndhawu ya kona leswaku hi nkarhi wa Xitsundzuxo mi nga kavanyetiwi hi vanhu van’wana, leswaku Xitsundzuxo xi ta famba hi ku rhula ni hi ku hleleka.
◼ Ku ta va ni ntsombano wa muganga wa masiku mambirhi hi Xivhenda eHolweni ya Tinhlengeletano ya le Eikenhof hi December 22-23, 2007. Vahuweleri hinkwavo lava vulavulaka Xivhenda lava tshamaka eGauteng ni le tindhawini ta le kusuhi, va rhambiwa entsombanweni lowu.
◼ Minkarhi yin’wana rhavi ri amukela swikombelo swa xihatla. Hi kombela mi papalata ku endla swikombelo swa xihatla handle ka loko ku endliwe xihoxo eka swilo leswi mi swi kombeleke. Switiviso swa minkandziyiso leyi nga ta fambisiwa, minkandziyiso ya matsima yo hlawuleka ni leyi nga ta dyondziwa eminhlanganweni swin’we ni tifomo swi tivisiwa ka ha ri ni nkarhi. Loko mo hlela swilo swa n’wina kahle, mi nga papalata ku endla swikombelo swa xihatla. Swikombelo leswi tolovelekeke swa minkandziyiso swi fanele swi komberiwa hi ku hatlisa n’hweti yin’wana ni yin’wana hambiloko swi nga talanga leswi lavekaka.
◼ Ku hava lunghiselelo ra leswaku mi tilandzela mphakelo wa minkandziyiso ya vandlha ra n’wina eBethele. Vandlha rin’wana ni rin’wana ri wela eka muganga wo karhi lowu kumaka mphakelo wa wona hi siku ro karhi ntsena naswona minkandziyiso yi rhumeriwa hi ku landza xiyimiso xa kona. Ntirho wu tele ngopfu erhavini lerova vamakwerhu a va swi koti ku wu tshika leswaku va ta mi nyiketa mphakelo wa vandlha ra n’wina. Hambiswiritano, mi pfumeleriwile ku siya fomo ya n’wina leyi nge Literature Request Form (S-14) loko mi endzela eBethele.
◼ Mavandlha ma nga sungula ku endla swikombelo swa Watchtower Library—2007 (cdly07). Yi wela eka swikombelo swo hlawuleka naswona yi kumiwa hi swirho swa vandlha leswi khuvuriweke ntsena nakambe u fanele u endla xikombelo xa yona evandlheni. A yi fanelanga yi nyikiwa mani na mani kumbe yi nyikiwa munhu la tsakelaka Timbhoni ta Yehovha. Watchtower Library—2007 yi ta kumeka hi Xichayina, Xichayina (lexi Olovisiweke), Xifurwa, Xinghezi ni Xiputukezi. Xiyani leswaku cdly07-CH yi ta va yi tamele Xichayina ni Xichayina (lexi Olovisiweke).
◼ Hi kombela mi xiya leswaku xibukwana lexi nge Ku Kambisisa Matsalwa Siku Ni Siku 2008—Maletere Lamakulu (eslp08) xi wela eka swikombelo swo hlawuleka hikwalaho a xi nge rhumeriwi ku fana ni xibukwana lexin’wana lexi tolovelekeke. Mavandlha ma fanele ma endla xikombelo loko ku ri ni lava lavaka xibukwana xa maletere lamakulu.
◼ Hi rhandza ku tsundzuxa matsalana leswaku a hlamula papila ra October 1, 2007, leri vulavulaka hi ku endla swikombelo swo hlawuleka swa timagazini leti engetelekeke ta tsima ro hlawuleka ra March, April na May 2008.
◼ Minyikelo leyi hoxiwaka ebokisini leri nge Kingdom Hall Fund (KHF) evandlheni yi pfuna ku akela mavandlha man’wana Tiholo ta Mfumo. Minyikelo leyi yi fanele yi rhumeriwa erhavini n’hweti yin’wana ni yin’wana. Loko vandlha ra n’wina ri hakela mali leyi mi yi lombeke ku aka Holo ya Mfumo, kumbe mi ri ni bokisi ra le tlhelo ra mali ya Holo ya Mfumo evandlheni ra n’wina, minyikelo ya n’wina yi fanele yi hoxiwa ebokisini leri nge “Contributions for Local Congregation.”
◼ Minkandziyiso Leyintshwa Leyi Kumekaka:
Xihundla Xa Ntsako eNdyangwini (fy) —Xikwangali
◼ Ti-DVD Letintshwa Leti Kumekaka:
Pursue Goals That Honor God (dvpsg) —Xinghezi
Respect Jehovah’s Authority (dvru) —Ririmi Ra Mavoko Ra Le Amerika
Warning Examples for Our Day (dvwx) —Ririmi Ra Mavoko Ra Le Amerika