Mpfuxeto Wa Xikolo Xa Vutirheli Bya Le Tilweni

Swivutiso leswi landzelaka swa mpfuxeto ku ta buriwa ha swona eXikolweni xa Vutirheli bya le Tilweni hi vhiki leri sungulaka hi December 31, 2007. Mulanguteri wa xikolo u ta fambisa mpfuxeto wa timinete ta 30 lowu sekeriweke eka rungula ra tinkulumo leti nyikeriweke ku sukela eka vhiki ra November 5 ku ya eka December 31, 2007.

TINHLA TO TIRHELA EKA TONA

1. Hi tihi tinhla leti hi faneleke hi ti tsundzuka leswaku hi tiyiseka leswaku mahetelelo ya nkulumo ya hina ma va lamanene? [be-TS tl. 220 ndz. 4–tl. 221 ndz. 3]

2. Hi nga tiyiseka njhani leswaku leswi hi swi vulaka ensin’wini i ntiyiso? [be-TS tl. 223 tindz. 2-4]

3. Hi nga swi kombisa njhani leswaku ha xi xixima swinene xiyimo xa vandlha tanihi “phuphu tlhelo xiseketelo xa ntiyiso” loko hi nyikela tinkulumo eminhlanganweni ya vandlha? (1 Tim. 3:15) [be-TS tl. 224 tindz. 1-4]

4. Ha yini swi ri swa nkoka ku kambisisa loko rungula ra hina ri ri ntiyiso naswona hi nga swi endla njhani sweswo? [be-TS tl. 225 tindz. 1-2]

5. Loko hi ri karhi hi dyondzisa hi nga endla njhani leswaku rungula ra hina ri twisiseka hi ku olova? [be-TS tl. 226 ndz. 3–tl. 227 ndz. 1]

NKULUMO NO. 1

6. I yini lexi kombisaka leswaku mhaka ya Yonasi i ntiyiso? [si-TS tl. 153 ndz. 3]

7. Hi byihi vuprofeta bya Mikiya lebyi kombisaka leswaku Kreste Yesu i hosi ya Mfumo wa Xikwembu? [si-TS tl. 158 ndz. 18]

8. I yini lexi kombisaka leswaku buku ya Habakuku yi huhuteriwe hi Xikwembu? [si-TS tl. 161 ndz. 4]

9. Ha yini ku nga vuriwaka leswaku hi 520 B.C.E. Vayuda a va nga si xi hetisisa xikongomelo xa ku vuya ka vona evuhlongeni? (Hag. 1:4) [si-TS tl. 166 ndz. 3]

10. Hi rihi siku leri vangamaka leri Zakariya a vulavuleke ha rona hi ku phindha-phindha? [si-TS tl. 172 ndz. 26]

KU HLAYA KA BIBELE KA VHIKI NI VHIKI

11. Xana vuprofeta bya Yuwele lebyi vulavulaka hi nhlaselo wa switsotswana byi hetiseke hi ndlela yihi hi lembe-xidzana ro sungula naswona byi hetiseka njhani namuntlha? (Yuwele 2:1-10, 28) [w07-TS 10/1 “Rito Ra Yehovha Ra Hanya—Tinhla-nkulu Ta Buku Ya Yuwele Ni Ya Amosi”]

12. Xana “xirhundzu xa mihandzu ya ximumu” a xi fanekisela yini? (Amosi 8:1, 2) [w07-TS 10/1 “Rito Ra Yehovha Ra Hanya—Tinhla-nkulu Ta Buku Ya Yuwele Ni Ya Amosi”]

13. Xana Yehovha u ‘tisole njhani hikwalaho ka khombo leri a vuleke leswaku a a ta va tisela rona Vaninivha,’ naswona mhaka leyi yi fanele yi hi khumba njhani? (Yonasi 3:10) [w03-TS 7/15 matl. 17-18]

14. Xana swi vula yini ku famba hi vito ra Yehovha? (Mik. 4:5) [w03-TS 8/15 tl. 17 ndz. 19]

15. Xana manguva lawa Yehovha u te rini “etempeleni” ya yena naswona u te hi ndlela yihi leswaku a ta avanyisa? (Mal. 3:1-3) [re-TS tl. 32 bokisi; jd-TS tl. 179 ndz. 3–tl. 181 ndz. 6]