Xiyimiso Xa Nhlangano Wa Ntirho
Vhiki Leri Sungulaka Hi May 12
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swingheniso leswi nga eka tluka 4 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa May 1 ni Xalamuka! ya May.
15 min: Hi Nga Langutana Ni Ndzingo Wihi Ni Wihi! Nkulumo leyi sekeriweke eka Xihondzo xo Rindza xa June 15, 2005, matluka 30-1. Kombela vayingiseri lava hlawuriweke ka ha ri ni nkarhi leswaku va hlamusela ndlela leyi Yehovha a va pfuneke ha yona leswaku va tiyisela ndzingo wo karhi.
20 min: Xana U Nga Va Phayona Ra Nkarhinyana Eka Tin’hweti Leti Landzelaka? Bulo ni vayingiseri. Pfuxeta matluka 112-13 ya buku leyi nge Ku Hleleriwa, leyi hlamuselaka swilaveko swa ku va phayona ra nkarhinyana. Kombela lava nga tshama va tirhisa nkarhi wa vona wo wisa leswaku va va maphayona ya nkarhinyana, va hlamusela mikateko leyi va yi kumeke. Kombela lava veke maphayona ya nkarhinyana loko xikolo xi pfarile leswaku va hlamusela ndlela leyi vahuweleri van’wana va va khutazeke ni ku va pfuna ha yona. Xana vuphayona bya nkarhinyana byi va pfune njhani leswaku va endla nhluvuko hi tlhelo ra moya? Hi yihi mikateko leyi va yi kumeke? Khutaza hinkwavo lava fanelekaka leswaku va teka vuphayona eka tin’hweti leti landzelaka.
Vhiki Leri Sungulaka Hi May 19
10 min: Switiviso swa vandlha. Kambisisa Bokisi Ra Swivutiso.
15 min: Swilaveko swa vandlha.
20 min: “U Ta Kuma Mikateko!”a Katsa ni swilaveko swa ku va phayona ra nkarhi hinkwawo, leswi kumekaka ebukwini leyi nge Ku Hleleriwa, matluka 113-14. Lava lavaka ku sungula ku phayona hi Setember 1 va fanele va tisa tifomo ta vona hi ku hatlisa.
Vhiki Leri Sungulaka Hi May 26
10 min: Switiviso swa vandlha. Hlaya xiviko xa timali ni marito yo nkhensa minyikelo. Tsundzuxa vahuweleri leswaku va tisa swiviko swa vona swa ntirho wa nsimu swa May. Tirhisa swingheniso leswi nga eka tluka 4 kumbe swingheniso swin’wana leswi fanelaka nsimu ya n’wina, u kombisa ndlela yo fambisa Xihondzo xo Rindza xa June 1 ni Xalamuka! ya June.
15 min: “Tlhandlekani Joko Ra Mina.”b Loko nkarhi wu pfumela, kombela vayingiseri va hlamusela matsalwa lama kombisiweke.
20 min: Hi June fambisani buku leyi nge Leswi Bibele Yi Swi Dyondzisaka. Nkulumo ni minkombiso. Hlamusela swin’wana swa swingheniso leswi nga eka xiengetelo xa Vutirheli Bya Hina Bya Mfumo bya March 2006. Katsa ni minkombiso yimbirhi. Leyi nga ta kombisa ndlela leyi buku yi nga fambisiwaka ha yona ni ndlela yo endla riendzo ro vuyela hi xikongomelo xo sungula dyondzo Bibele.
Vhiki Leri Sungulaka Hi June 2
10 min: Switiviso swa vandlha.
20 min: Lava Tshembekaka Va Kuma Mikateko Yo Tala. (Swiv. 28:20) Nkulumo leyi katsaka ku bula ni vayingiseri leyi nga ta nyikeriwa hi matsalana wa vandlha. Hlamusela ndlela leyi Yehovha a ma katekiseke ha yona matshalatshala ya vandlha yo tirha tiawara leti engetelekeke ensin’wini hi March, April na May, kutani u ri bumabumela. Vula nhlayo ya lava veke maphayona ya nkarhinyana, nileswaku i tidyondzo tingani ta Bibele leti sunguriweke ni swin’wana swo tsakisa leswi endliweke evutirhelini. Kombela vayingiseri leswaku va hlamusela mintokoto leyi va veke na yona eka tsima ro fambisa swirhambo swa Xitsundzuxo. Ku nga ha endliwa minkombiso ya leswi humeleleke ensin’wini. Hi ku komisa vulavurisana ni vahuweleri vambirhi kumbe vanharhu malunghana ni mikateko leyi va yi kumeke loko va ri maphayona ya nkarhinyana.
15 min: “Lunghekela Ntirho Wun’wana Ni Wun’wana Lowunene.”c Kombela vayingiseri va hlamusela leswaku ntirho wa yindlu ni yindlu va wu lunghiselela rini naswona njhani.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.
c Xingheniso xa wena xi nga heti minete ivi ku landzela bulo ra swivutiso ni tinhlamulo.