Xiyimiso Xa Nhlangano Wa Ntirho
Vhiki Leri Sungulaka Hi July 14
10 min: Switiviso swa vandlha. Tirhisa swingheniso leswi nga eka tluka 4 kumbe swingheniso swin’wana leswi fanelaka nsimu ya n’wina, u endla nkombiso wo fambisa Xihondzo xo Rindza xa July 1 ni Xalamuka! ya July.
15 min: Hlamusela malunghiselelo ya nsimu leyi nga aviwangiki. Nkulumo leyi faneleke yi nyikeriwa hi mulanguteri wa ntirho. Hlamusela papila leri vulavulaka hi nsimu leyi nga aviwangiki ra May 31, 2008, leri rhumeriweke emavandlheni lawa ya tirhaka nsimu leyi nga aviwangiki, u vula minkandziyiso leyi nga ta fambisiwa, masiku lawa ku nga ta yiwa ha wona, nsimu leyi nga ta tirhiwa, malunghiselelo ya byetlelo ni ya swo famba. Xana van’wana va nga va maphayona ya nkarhinyana? Mavandlha lama nga taka ma nga yi ensin’wini leyi nga aviwangiki ma fanele ma bula hi ndlela leyi ma nga ta yi tirha ha yona nsimu leyi tirhiwaka hi xiwelo.
20 min: “Tshama U Ri Karhi U Ehleketa Hi Siku Ra Yehovha.”a Veka tinhla ta nkoka erivaleni leti buku leyi yi vulavulaka ha tona. Pfuxeta xiyimiso xa dyondzo ya buku ni swiletelo leswi kumekaka eka tluka 3 ra nkandziyiso lowu wa Vutirheli Bya Hina Bya Mfumo. Khutaza hinkwavo leswaku va tivekela pakani ya ku va kona vhiki rin’wana ni rin’wana edyondzweni ya buku, naswona va hlamula. Hi ku komisa vulavurisana ni muhuweleri un’we kumbe vambirhi lava tiviwaka hi ku yi lunghiselela kahle minhlangano, kutani u va vutisa leswaku i yini lexi va susumetelaka ku endla tano.
Vhiki Leri Sungulaka Hi July 21
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa vahuweleri leswaku va ta ni Xihondzo xo Rindza xa August 1 ni Xalamuka! ya August eka Nhlangano wa Ntirho wa vhiki leri landzelaka naswona va ta va lunghekele ku bula hi swingheniso leswi fanelaka nsimu ya n’wina.
15 min: Xana U Na Wona “Ntshunxeko Wo Vulavula”? Nkulumo leyi sekeriweke eka Xihondzo xo Rindza xa May 15, 2006, matluka 13-16. Kandziyisa nkoka wa ku chumayela hi xivindzi.
20 min: “Ku Lunghiselela Swi Hi Pfuna Ku Endla Maendzo Yo Vuyela Lama Nga Ta Hetelela Ma Ri Tidyondzo Ta Bibele.”b Katsa ni nkombiso wa timinete ta mune wa muhuweleri la vulavulaka a ri yexe loko a ri karhi a lunghiselela ku ya endla maendzo yo vuyela. U kambisisa phepha leri a tsaleke vanhu lava a faneleke a tlhelela eka vona, kutani u xiya leswaku u fanele a endzela vanhu vambirhi vhiki leri. U tsundzuka leswi a buleke na vona ha swona enkarhini lowu hundzeke, kutani sweswi u ehleketa hi xikongomelo xa yena ni ndlela leyi a nga ta xi hetisisa ha yona. Eka loyi un’wana u lunghiselela ku ya n’wi fambisela dyondzo ya Bibele. Eka loyi un’wana u lunghiselela hi ku tirhisa leswi vuriwaka hi ndzimana 5 leswaku a ya hlakulela ku tsakela loku munhu yoloye a veke na kona eka riendzo ro sungula.
Vhiki Leri Sungulaka Hi July 28
10 min: Switiviso swa vandlha. Tsundzuxa vahuweleri hinkwavo leswaku va tisa swiviko swa ntirho wa vona wa July. Hlaya xiviko xa timali ni marito yo nkhensa minyikelo. Vula nkandziyiso lowu nga ta fambisiwa hi August kutani u endla nkombiso wo wu fambisa.
15 min: Ku Tshama Hi Hitekile. Nkulumo leyi khutazaka leyi sekeriweke eka Xihondzo xo Rindza xa December 15, 2006, matluka 18-19, tindzimana 17-21.
20 min: Tilunghiselele Ku Fambisa Timagazini Ta Sweswinyana. Nkulumo leyi katsaka ku bula ni vayingiseri. Endzhaku ko hlamuselanyana magazini ha wun’we wa Xalamuka! ya August ni Xihondzo xo Rindza xa August 1, vutisa vayingiseri leswaku hi swihi swihloko leswi nga khumbaka vanhu va le nsin’wini naswona ha yini. Kombela vayingiseri va hlamusela tinhla to karhi ta swihloko leswi va nga ta swi vulavulela. Hi xihi xivutiso lexi u nga xi vutisaka loko u sungula bulo? Hi rihi tsalwa leri nga exihlokweni leri u nga ta ri hlaya? Hi ku tirhisa swiringanyeto leswi nga eka Vutirheli Bya Hina Bya Mfumo kumbe leswi vuriweke hi vayingiseri, endla nkombiso wa ndlela leyi magazini ha wun’we wu nga fambisiwaka ha yona.
Vhiki Leri Sungulaka Hi August 4
10 min: Switiviso swa vandlha.
15 min: Xana Vana Va Wena Va Swi Lunghekerile Ku Hlula Swiphiqo Leswi Va Langutanaka Na Swona eXikolweni Tanihi Vakreste? Nkulumo leyi katsaka ku bula ni vayingiseri. Vula swin’wana swa swiphiqo leswi vana lava nga Vakreste va langutanaka na swona exikolweni. Hlamusela ndlela leyi vatswari ni vana va vona va nga yi tirhisaka ha yona Watch Tower Publications Index leswaku va kuma rungula leri nga va pfunaka. Nyikela swikombiso swin’wana. (Vona nhloko-mhaka leyi nge “Schools,” ehansi ka yona u languta xihlokwana lexi nge “experiences.”) Kombela vayingiseri lava kuleleke emindyangwini ya Vakreste leswaku va vula ndlela leyi vatswari va vona va va pfuneke ha yona leswaku va hlula swiphiqo swa le xikolweni hi ku tirhisa misinya ya milawu ya Bibele. Va nga ha vula ni switsalwana leswi va swi tsaleke exikolweni leswi va swi lunghiseleleke hi ku tirhisa Xalamuka! Va kombele va hlamusela ndlela leyi ku tirha nsimu yo hlawuleka ya le xikolweni swi va sirheleleke ha yona.
20 min: “Hi Wisetela Swilo Leswi Simekiweke Swi Tiya.”c Kombela vayingiseri va hlamusela leswaku ku lehisa mbilu ka loyi a a va dyondzisa Bibele ku va pfune njhani leswaku va fularhela tidyondzo ta mavunwa leti a va ti pfumela eku sunguleni.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.
c Xingheniso xa wena xi nga heti minete ivi ku landzela bulo ra swivutiso ni tinhlamulo.