Xiyimiso Xa Nhlangano Wa Ntirho
Vhiki Leri Sungulaka Hi September 8
10 min: Switiviso swa vandlha. Vutisa vayingiseri leswaku hi swihi swihloko leswi nga eka timagazini leta ha ku humaka leswi khumbeke vanhu va le nsin’wini ya n’wina. Va kombele va vula swivutiso ni matsalwa lawa va nga ma tirhisa loko va sungula bulo. Hlela leswaku ku va ni minkombiso leyi nga ta kombisa ndlela leyi timagazini teto ti nga fambisiwaka ha yona.
15 min: Pfuna Swichudeni Swa Bibele Leswaku Swi Va Vadyondzisi. Nkulumo leyi sekeriweke eka Xihondzo xo Rindza xa January 15, 2007, matluka 29-30, tindzimana 14-20. Katsa ni nkombiso wa muhuweleri loyi a hlamuselaka xichudeni xa Bibele lexintshwa ndlela leyi nkulumo ya le rivaleni ni Dyondzo ya Xihondzo xo Rindza swi fambisiwaka ha yona kutani a xi rhamba leswaku xi va kona.
20 min: Ku Tiyiselela Ku Vengiwa eNsin’wini Ya Hina. Nkulumo hi nkulu, leyi sekeriweke eka rungula leri nga kona eminkandziyisweni ya hina leri vulavulaka hi ndlela leyi moya wa rivengo wu nga yi khumbaka ha yona nsimu ya hina. Hlamusela ndlela leyi moya wolowo wu nga hluriwaka ha yona. Minkarhi yin’wana ndlela leyi hi tikhomaka ha yona loko hi ri ensin’wini ni le ka vutomi bya hina bya siku ni siku yi nga endla leswaku vanhu va tshika moya wolowo kutani va susumeteleka ku amukela ntiyiso. Kutani minkarhi hinkwayo i swa nkoka ku xiya leswi hi swi vulaka ni ndlela leyi hi hanyaka ha yona. (1 Pet. 2:12; 3:1, 2) Rungula mintokoto yi nga ri yingani ya kwala vandlheni kumbe leyi nga etibukwini ta hina leyi kombisaka ndlela leyi moya wa rivengo wu nga hluriwaka ha yona.
Vhiki Leri Sungulaka Hi September 15
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.
20 min: Hi Tirhe Njhani N’wexemu? Nkulumo leyi katsaka ku bula ni vayingiseri leyi nga ta nyikeriwa hi mulanguteri wa ntirho kumbe hi nkulu un’wana la fanelekaka. Hlamusela leswi vandlha ri swi endleke entirhweni wo chumayela eka lembe ra ntirho leri nga hundza, u vulavula ngopfu hi swilo leswi khutazaka leswi vandlha ri swi endleke. Ri bumabumele swinene hi ntirho lowu ri wu endleke. Hlela ka ha ri emahlweni leswaku muhuweleri un’we kumbe vambirhi va hlamusela mintokoto leyi khutazaka leyi va nga yi tsakela n’wexemu. Boxa yinhla yin’we kumbe timbirhi leti ku faneleke ku antswisiwa eka tona eka lembe lerintshwa ra ntirho, kutani u hlamusela leswi swi faneleke swi endliwa leswaku ku ta antswisiwa.
15 min: Ndzi Nga Yi Sekela Njhani Mhaka Ya Leswaku Hinkwaswo Leswi Hanyaka Swi Lo Tumbuluxiwa? Nkulumo leyi sekeriweke eminkandziyisweni ya hina. Kombela vayingiseri va hlamusela ndlela leyi va nga tshama va yi seketela ha yona mhaka ya leswaku swilo hinkwaswo leswi hanyaka swi lo tumbuluxiwa loko va ri exikolweni, entirhweni kumbe kun’wana. U nga hlela ni muhuweleri un’we kumbe vambirhi ka ha ri emahlweni.
Vhiki Leri Sungulaka Hi September 22
10 min: Switiviso swa vandlha. Hlaya xiviko xa timali ni marito yo nkhensa minyikelo. Hlamusela papila leri humaka erhavini leri nga eka tluka 1.
20 min: Hakelo Ya Ntirho Wa Wena. Nkulumo leyi sekeriweke eka Xihondzo xo Rindza xa April 15, 2005, ku sukela eka tluka 28, ndzimana 6, ku ya eku heteleleni ka tluka 29. Vulavurisana ni muhuweleri un’we kumbe vambirhi lava hisekaka malunghana ni ndlela leyi Yehovha a va pfuneke ha yona hi swilo leswi a va swi pfumala ni loko va ri ni swiphiqo.
15 min: Lunghiselela Ku Fambisa Xihondzo xo Rindza xa October 1 ni Xalamuka! ya October. Hlamusela leswi timagazini leti ti vulavulaka ha swona hi ku komisa, kutani u vutisa vayingiseri leswaku hi swihi swihloko leswi nga ta khumba vanhu va le nsin’wini ya n’wina. Hi swihi swivutiso ni matsalwa lawa va nga ta ma tirhisa leswaku va fambisa timagazini teto? Endla nkongomiso lowu nga ta kombisa ndlela leyi swiringanyeto leswi nga eka Vutirheli Bya Hina Bya Mfumo swi nga tirhisiwaka ha yona. Kombela nkulu leswaku a endla nkombiso hi xingheniso xo koma lexi a xi lunghiseleleke lexi sekeriweke eka xihloko lexi fanelaka nsimu ya n’wina.
Vhiki Leri Sungulaka Hi September 29
10 min: Switiviso swa vandlha. Hlamusela malunghiselelo ya nsimu leyi nga aviwangiki hi October. N’hweti ya October yi ta va yo hetelela ku ya ensin’wini leyi nga aviwangiki. Khutaza hinkwavo leswaku va hlanganyela hi xitalo. Tsundzuxa vahuweleri leswaku va tisa swiviko swa ntirho wa vona wa nsimu swa September. Hlela ka ha ri emahlweni leswaku muhuweleri un’we kumbe vambirhi va hlamusela mintokoto leyi khutazaka leyi va nga va na yona loko va ri karhi va chumayela hi xitshuketa loko va endzele endhawini yin’wana, loko va ri entirhweni kumbe va ri kun’wana.
15 min: Swilaveko swa vandlha.
20 min: “Tsima Ro Fambisa Xiphephana Xo Hlawuleka Hi October 20–November 16!”a Loko swiphephana leswi swi ri kona nyika vayingiseri. Loko mi fika eka ndzimana 2 hlamusela leswi xiphephana xi vulavulaka ha swona hi ku komisa. Loko mi fika eka ndzimana 4, endla nkombiso wa ndlela leyi xiphephana lexi xi nga fambisiwaka ha yona. Loko mi fika eka ndzimana 5, vana ni nkombiso lowu kombisaka muhuweleri loyi a tirhisaka xiphephana lexi leswaku a sungula dyondzo ya Bibele eka riendzo ro vuyela.
Vhiki Leri Sungulaka Hi October 6
10 min: Switiviso swa vandlha.
15 min: Bokisi Ra Swivutiso. Bulo ni vayingiseri. Katsa ni tinhla leti kumekaka eka Xihondzo xo Rindza xa June 15, 2005, tluka 20-22, tindzimana 10-16.
20 min: “Dyondzisa Van’wana Leswaku Va Rhandza Yehovha.”b Loko nkarhi wu pfumela, kombela vayingiseri va hlamusela matsalwa lama kombisiweke.
[Tinhlamuselo ta le hansi]
a Xingheniso xa wena xi nga heti minete ivi ku landzela bulo ra swivutiso ni tinhlamulo.
b Xingheniso xa wena xi nga heti minete ivi ku landzela bulo ra swivutiso ni tinhlamulo.