Xiyimiso Xa Nhlangano Wa Ntirho
Vhiki Leri Sungulaka Hi December 8
10 min: Switiviso swa vandlha. Hlamusela swingheniso swo koma swo fambisa Xihondzo xo Rindza xa December 1 ni Xalamuka! ya December leswi kumekaka eka tluka 8. Kombela vayingiseri lava se va fambiseke minkandziyiso leyi leswaku va hlamusela ndlela leyi va yi fambiseke ha yona. Hi xihi xihloko, xivutiso ni tsalwa leri va ri tirhiseke?
15 min: Xikolo Xa Vutirheli Bya Le Tilweni Xa 2009. Nkulumo hi mulanguteri wa xikolo. Hlamusela tinhla leti lavaka ku kandziyisiwa leti kumekaka eka xiengetelo xa Vutirheli Bya Hina Bya Mfumo bya October 2008. Hlamusela ntirho wa mupfuni wa mulanguteri wa xikolo. Khutaza hinkwavo leswaku va endla matshalatshala ya ku lunghiselela tinkulumo ta vona, va hlamula eka tinhla-nkulu ta ku hlaya ka Bibele ni ku tirhisa swiringanyeto leswi nyikeriwaka vhiki ni vhiki leswi humaka ebukwini leyi nge Vuyeriwa Eka Vuleteri Bya Xikolo Xa Vutirheli Bya Le Tilweni.
20 min: “Xana Wa Yi Tirhisa Buku Leyi Nge Ku Hlamulana?”a Loko mi fika eka ndzimana 4, kombela phayona kumbe muhuweleri un’wana la fanelekaka a endla nkombiso wo koma wa ndlela leyi buku leyi nge Ku Hlamulana yi nga tirhisiwaka ha yona loko mi ri eku chumayeleni hi yindlu ni yindlu leswaku mi hlamula xivutiso lexi nge ‘Ha yini Timbhoni ta Yehovha ti nga yi tlangeli Khisimusi?’
Vhiki Leri Sungulaka Hi December 15
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.
10 min: Loko U Chumayela, Kandziyisa Mhaka Leyi U Vulavulaka Ha Yona. Nkulumo leyi katsaka ku bula ni vayingiseri leyi sekeriweke ebukwini leyi nge Xikolo Xa Vutirheli, tluka 207. Endla nkombiso wun’we kumbe yimbirhi yo koma leyi kombisaka ndlela leyi rungula rero ri nga tirhisiwaka ha yona.
25 min: “‘Chumayela Mahungu Lamanene Hi Rixaladza’ eTindlwini Leti Swi Nga Oloviki Ku Nghena Eka Tona.”b Yi fanele yi nyikeriwa hi mulanguteri wa ntirho kumbe hi nkulu un’wana. Endla leswaku rungula leri ri fambisana ni nsimu ya n’wina.
Vhiki Leri Sungulaka Hi December 22
10 min: Switiviso swa vandlha. Hlaya xiviko xa timali ni marito yo nkhensa minyikelo. Boxa nkandziyiso lowu nga ta fambisiwa hi January, kutani u kombela nkulu a endla nkombiso wa ndlela leyi wu nga fambisiwaka ha yona.
15 min: Tilunghiselele Ku Fambisa Xihondzo xo Rindza Xa January 1 Ni Xalamuka! Ya January. Bulo ni vayingiseri. Endzhaku ko hlamuselanyana leswi timagazini leti ti vulavulaka ha swona, vutisa vayingiseri leswaku hi swihi swihloko leswi nga ha khumbaka vanhu va le nsin’wini ya n’wina naswona hikwalaho ka yini. Hlawula swin’wana swa swihloko leswi nga eka timagazini leti, kutani u kombela vayingiseri va vula leswaku hi xihi xivutiso lexi va nga ta xi vutisa munhu loko va sungula bulo ni tsalwa leri nga exihlokweni leri va nga ta ri hlaya va nga si fambisa timagazini. Gimeta hi ku endla nkombiso wa ndlela leyi magazini ha wun’we wu nga fambisiwaka ha yona, u tirhisa swingheniso leswi nga eka tluka 8 kumbe swin’wana leswi nga ta khumba vanhu va le nsin’wini ya n’wina.
20 min: “Siku Ro Hlawuleka Ro Sungula Tidyondzo Ta Bibele.”c Tivisa leswaku hi wahi mahelo-vhiki lama nga ta vekeriwa ku ya sungula tidyondzo ta Bibele hi January. Pfuxeta swiringanyeto leswi hlamuseriwaka eka ndzimana 3, kutani u endla nkombiso wun’we kumbe yimbirhi yo sungula dyondzo ya Bibele.
Vhiki Leri Sungulaka Hi December 29
Dyondzo Ya Bibele Ya Vandlha:
jd-TS ndzima 12 ¶1-10
Xikolo Xa Vutirheli Bya Le Tilweni:
Ku hlaya ka Bibele: Nhlavutelo 15-22
Mpfuxeto Wa Xikolo Xa Vutirheli Bya Le Tilweni
Nhlangano Wa Ntirho:
5 min: Switiviso swa vandlha. Marungula Ya Swa Mfumo.
10 min: Tekelela Langutelo Ra Yesu eNtirhweni Wo Chumayela. Nkulumo leyi katsaka ku bula ni vayingiseri leyi sekeriweke ebukwini leyi nge ‘Tana U Va Mulandzeri Wa Mina’ eka matluka 84-86, tindzimana 16-21.
20 min: “Ntirho Wo Chumayela Wu Lava Leswaku Hi Tiyisela.”d Loko nkarhi wu pfumela, kombela vayingiseri leswaku va hlamusela matsalwa lama kombisiweke.
Vhiki Leri Sungulaka Hi January 5
Dyondzo Ya Bibele Ya Vandlha:
jd-TS ndzima 12 ¶11-22
Xikolo Xa Vutirheli Bya Le Tilweni:
Ku hlaya ka Bibele: Genesa 1-5
No. 1: Genesa 3:1-15
No. 2: Lexi Endlaka Yesu A Va Mudyondzisi Lonkulu (lr-TS ndzima 1)
No. 3: I Yini Lexi Nga Riki Vuhava? (1 Kor. 15:58)
Nhlangano Wa Ntirho:
5 min: Switiviso swa vandlha.
30 min: Swilaveko swa vandlha.
[Tinhlamuselo ta le hansi]
a Xingheniso xa wena a xi ve ehansi ka minete ivi ku landzela bulo ra swivutiso ni tinhlamulo.
b Xingheniso xa wena a xi ve ehansi ka minete ivi ku landzela bulo ra swivutiso ni tinhlamulo.
c Xingheniso xa wena a xi ve ehansi ka minete ivi ku landzela bulo ra swivutiso ni tinhlamulo.
d Xingheniso xa wena a xi ve ehansi ka minete ivi ku landzela bulo ra swivutiso ni tinhlamulo.