Mpfuxeto Wa Xikolo Xa Vutirheli Bya Le Tilweni
Swivutiso leswi landzelaka swa mpfuxeto swi ta katsakanyiwa eXikolweni xa Vutirheli bya le Tilweni hi vhiki leri sungulaka hi August 31, 2009. Mulanguteri wa xikolo u ta fambisa mpfuxeto wa timinete ta 20 lowu sekeriweke eka rungula ra tinkulumo leti nyikeriweke ku sukela eka vhiki ra July 6 ku ya eka August 31, 2009.
1. Ha yini munhu wihi na wihi loyi a a “rhukana” vatswari vakwe a a fanele a gweveriwa rifu? (Lev. 20:9) [w04-TS 5/15 tl. 24 ndz. 7]
2. Tanihi leswi Vaisrayele hinkwavo va xinuna a va fanele va va kona eNkhubyeni wa Swinkwa swo Kala Comela, i vamani lava a va tshovela swirhangana swa maxalana leswi a ku endliwa ha swona magandzelo? (Lev. 23:5, 11) [w07-TS 7/15 tl. 26 ndz. 3]
3. I yini leswi fanekiseriwaka hi lembe ra Yubili? (Lev. 25:10, 11) [w04-TS 7/15 matl. 26-27]
4. Xana “swikombiso” leswi ku vulavuriwaka ha swona eka Tinhlayo 2:2 a swi fambisana ni vukhongeri hi ndlela yo karhi eka Vaisrayele? [w02-TS 9/15 tl. 21 ndz. 4]
5. Hi rihi langutelo leri vahuweleri va Mfumo va nkarhi hinkwawo va ri kombisaka namuntlha leri fanaka ni leri kombisiweke hi Vanaziri va le Israyele wa khale? (Tinhl. 6:3, 5, 6) [w04-TS 8/1 matl. 24-25]
6. Hi xihi xileriso xa nawu malunghana ni ku va Mulevhi a tshika ntirho lexi nga tirhaka eka vanhu va Yehovha namuntlha? (Tinhl. 8:25, 26) [w04-TS 8/1 tl. 25 ndz. 1]
7. Xana swi te njhani leswaku Vaisrayele va va ni “ku navela ka vutianakanyi,” naswona Vakreste va namuntlha va dyondza yini emhakeni leyi? (Tinhl. 11:4) [w01-TS 6/15 matl. 14-15; w95-TS 3/1 tl. 15 ndz. 10]
8. Ha yini ku ri Meriyamu ntsena loyi a biweke hi nhlokonho naswona hi yihi dyondzo ya nkoka leyi hi nga yi dyondzaka emhakeni leyi? (Tinhl. 12:9-11) [w04-TS 8/1 tl. 26 ndz. 2; it-2 tl. 415 ndz. 1]
9. Xana Yoxuwa na Kalebe a va vula yini loko va vula leswaku vaaki va muti wa Kanana i “xinkwa” xa vona? (Tinhl. 14:9) [w06-TS 10/1 tl. 16 ndz. 5; it-1 matl. 363-364]
10. Xana hi xihi xikombiso lexi nga xitsundzuxo lexi nga eka Tinhlayo 21:5? [w99-TS 8/15 matl. 26-27]