Xiyimiso Xa Vhiki Ra June 28

VHIKI LERI SUNGULAKA HI JUNE 28

Risimu 62 (207)

□ Dyondzo Ya Bibele Ya Vandlha:

cf ndz. 6 ¶19-25, ni bokisi eka tl. 65

□ Xikolo Xa Vutirheli Bya Le Tilweni:

Ku hlaya ka Bibele: 1 Tihosi 3-6

Mpfuxeto Wa Xikolo Xa Vutirheli Bya Le Tilweni

□ Nhlangano Wa Ntirho:

Risimu 90 (129)

5 min: Switiviso.

15 min: Tilunghiselele Ku Fambisa Timagazini Ta July. Nkulumo leyi katsaka ku bula ni vayingiseri. Teka minete yin’we kumbe timbirhi leswaku u pfuxeta leswi timagazini teto ti vulavulaka ha swona. Hlawula swihloko swimbirhi kumbe swinharhu kutani u kombela vayingiseri va vula leswaku hi swihi swivutiso ni matsalwa lama nga tirhisiwaka ku fambisa timagazini leti. Endla nkombiso wa ndlela leyi magazini ha wun’we wu nga fambisiwaka ha yona. Gimeta hi ku endla nkombiso wun’wana lowu nga ta kombisa ndlela leyi dyondzo ya Bibele yi nga sunguriwaka ha yona eka riendzo ro vuyela.—Vona km 8/07 tl. 3.

15 min: Ku Leteriwa Ku Sukela eVutsongwaneni. Nkulumo leyi katsaka ku bula ni vayingiseri. Timotiya a a tiviwa tanihi muchumayeri la hisekaka ni la nga ni vuswikoti. (Filp. 2:20-22) Nchumu wun’wana lowu n’wi pfuneke i vuleteri lebyi a nga byi kuma eka mana wakwe ni kokwa wakwe wa xisati loko a ha ri ricece. (2 Tim. 1:5; 3:15) Swiringanyeto leswi landzelaka leswi sekeriweke eMatsalweni swi ta pfuna vatswari leswaku va pfuna vana vona leswaku va va vachumayeri lava nga ni vuswikoti. (1) Hatla u sungula ku famba ni n’wana wa wena ensin’wini; n’wi pfune leswaku a hoxa xandla hi ku ya hi malembe ni vuswikoti byakwe. (Swiv. 22:6) (2) N’wi vekele xikombiso lexinene hi ku rhangisa ntirho wo chumayela. (Filp. 1:9, 10) (3) Hi nkarhi wa Dyondzo ya Ndyangu ni hi minkarhi yin’wana, n’wi pfune leswaku a rhandza ntirho wo chumayela ni ku wu tlangela. (Det. 6:6, 7) (4) Vulavula kahle hi ntirho wo chumayela. (Filp. 3:8; 4:8; 1 Tim. 1:12) (5) Swi endleni mukhuva wa n’wina ku tshama mi ri ensin’wini tanihi ndyangu. (Mint. 5:41, 42) (6) Tihlanganiseni ni lava wu hisekelaka swinene ntirho wo chumayela. (Swiv. 13:20) Kombela vayingiseri leswaku va hlamusela ndlela leyi vatswari va vona va va pfuneke ha yona leswaku va rhandza ntirho wa nsimu.

Risimu 88 (164)