Switiviso

◼ Minkandziyiso leyi nga ta fambisiwa hi March: Xana Bibele Yi Dyondzisa Yini Hakunene? April na May: Timagazini ta Xihondzo xo Rindza ni Xalamuka! June: Xana Bibele Yi Dyondzisa Yini Hakunene?

◼ DVD leyi nge Jehovah’s Witnesses—Organized to Share the Good News ku ta buriwa ha yona eka Nhlangano wa Ntirho hi August. Loko mi nga ri na yona, mi fanele mi endla swikombelo swa yona evandlheni hi ku hatlisa.

◼ Xana u nga swi kota ku ya tirha laha ku nga ni xilaveko eNamibia? Hikwalaho ka leswi ku nga ni vanhu vo tala lava nga tirhiki, mfumo wa le Namibia a wa ha pfumeli leswaku vanhu lava humaka ematikweni mambe va ya tshama etikweni leri. Xana wena, vatswari va wena kumbe vakokwana va wena va velekeriwe eNamibia? Xana a wa ha tirhi naswona xiyimo xa wena xa timali xa ku pfumelela? Hi kombela u ehleketisisa hi ku ya tshama eNamibia leswaku u ta pfuneta! Hi kombela leswaku u tihlanganisa ni Ndzawulo ya Ntirho leswaku u ta kuma rungula leri engetelekeke.

◼ I ntsako ku mi tivisa leswaku mavandlha ya khume ma ha ku tsakela ku nyiketeriwa ka Tiholo ta wona ta Mfumo, Gauteng: Jameson Park (Heidelberg) na Olivedale (Johannesburg). KwaZulu-Natal: Dassenhoek West, Durban-Malvern, Empangeni Central, Ethaleni, Marianhill West, Shaka’s Kraal, Sundumbli East na Qakwini.