Xiviko Xa Ntirho Wa Nsimu

Hi October 2010, Botswana ri vike nhlohlorhi leyintshwa ya tidyondzo ta Bibele leti ringanaka 3 562. ELesotho ku fikeleriwe nhlohlorhi leyintshwa ya maphayona ya nkarhi hinkwawo lama ringanaka 385! Swaziland rona ri vike nhlohlorhi leyintshwa ya vahuweleri va 2 804 lava fambiseke tidyondzo ta Bibele to tlula 4 000. Moya wa vuphayona wa vonakala ematikweni lama ungameriwaka hi rhavi ra Afrika-Dzonga; hi 2010 ku fambisiwe Swikolo swa Maphayona leswi endlaka 59. Marito yo tala yo tlangela ma amukeriwile ma huma eka maphayona lawa a ma ri exikolweni lexi xa mavhiki mambirhi.