Leswi Hi Nga Swi Vulaka Loko Hi Fambisa Timagazini

Xihondzo xo Rindza March 1

“Ku ni mavonelo lama hambaneke malunghana na Yesu. Xana wena u n’wi teka tanihi n’wana wa Xikwembu kumbe tanihi munhu lonene ntsena?” Yimela nhlamulo. Endzhaku n’wi hlayele rungula leri nga le hansi ka xivutiso xin’we xa leswi byiharisiweke eka matluka 16-17 swin’we ni tsalwa rin’we eka lama kombisiweke. N’wi fambisele timagazini u tlhela u hlela ku vuya leswaku mi ta kambisisa nhlamulo ya xivutiso lexi landzelaka.

Xalamuka! March

Loko u hlangana ni muntshwa, n’wi kombe nhloko-mhaka leyi sungulaka eka tluka 26. N’wi kombe xihlokwana xo sungula kutani u n’wi vutisa, “Hi ku ya hi wena, xana swivulwa leswi i ntiyiso kumbe i mavunwa? [Yimela nhlamulo. Endzhaku u hlaya 2 Vakorinto 7:1.] Magazini lowu wu hlamusela leswi hi faneleke hi swi tiva malunghana ni ku dzaha, ku katsa ni ndlela leyi hi nga ku tshikaka ha yona.”

Xihondzo xo Rindza April 1

“Vanhu vo tala va pfumela swilo leswi nga faniki malunghana na Yesu. Xana u anakanya leswaku i swa nkoka ku tiva ntiyiso malunghana na yena? [Yimela nhlamulo. Endzhaku u hlaya Yohane 17:3.] Magazini lowu wu hlamusela leswi Bibele yi swi vulaka malunghana na Yesu—laha a a huma kona, ndlela leyi a a hanya ha yona ni xivangelo xo va a file.”

Xalamuka! April

“Xana wa tshemba leswaku ku feriwa hi loyi u n’wi rhandzaka i yin’wana ya mintokoto leyi hlomulaka mbilu leyi vanhu va langutanaka na yona? [Yimela nhlamulo.] Vo tala va chaveleriwile hi marito lawa. [Hlaya Pisalema 55:22.] Magazini lowu wu hlamusela tindlela leti nga hi pfunaka leswaku hi langutana ni gome, ku katsa ni ndlela leyi hi nga lahlelaka mindzhwalo ya hina eka Xikwembu ha yona.”