Leswi Hi Nga Swi Vulaka Loko Hi Fambisa Timagazini
Xihondzo xo Rindza March 1
Hlaya Eksoda 20:15. Kutani u ku: “Loko vanhu vo tala va ringeta ku landzela xileriso lexi, van’wana va vona onge ku yiva ni ku nga tshembeki swa pfumeleleka hi ndlela yo karhi hi ku ya swiyimo. Xana u swi vonisa ku yini? [Yimela nhlamulo.] Xihloko lexi xi hlamusela vuyelo lebyi vaka kona loko hi tshembeka minkarhi hinkwayo.” N’wi kombe xihloko lexi nga eka tluka 12.
Xalamuka! March
“Vanhu vo tala va yi xixima Bibele kambe va anakanya leswaku rungula ra yona a ri nge va pfuni nchumu namuntlha. Wena u swi vonisa ku yini? [Yimela nhlamulo kutani u hlaya Varhoma 15:4.] Xihloko lexi xi hlamusela leswaku ha yini swiphemu swa khale swa Bibele swa ha ri swa nkoka.” N’wi kombe xihloko lexi sungulaka eka tluka 28.
Xihondzo xo Rindza April 1
“Loko vanhu va vutisiwa leswaku i mani wanuna loyi vutomi byakwe byi khumbeke vutomi bya vo tala, va vula leswaku i Yesu. Xana na wena a wu ta vula tano? [Yimela nhlamulo.] Xiya leswaku ha yini hi fanele hi tiva swilo swo hambana-hambana leswi vanhu va swi vulaka hi Yesu leswaku hi ta dyondza ntiyiso. [Hlaya Yohane 17:3.] Nkandziyiso lowu wo hlawuleka wa Xihondzo xo Rindza wu hlamusela leswi Bibele yi swi vulaka hi Yesu ni tidyondzo takwe.”
Xalamuka! April
“Swi tikomba onge a hi na nkarhi wo tala wo endla swilo hinkwaswo leswi hi lavaka ku swi endla. Xana wa pfumela? [Yimela nhlamulo.] Vanhu vo tala va xiye leswaku xitsundzuxo lexi xa pfuna. [Hlaya Vafilipiya 1:10.] Magazini lowu wu hi nyika swiringanyeto leswi nga hi pfunaka leswaku hi kota ku tirhisa nkarhi wa hina hi ndlela leyinene.”