Leswi Hi Nga Swi Vulaka Loko Hi Fambisa Timagazini
Xihondzo xo Rindza March 1
“Swi nga hi tikela ku endla leswinene loko vanhu van’wana va hi tshikilela leswaku hi endla leswo biha. U ehleketa leswaku i yini lexi nga ta hi pfuna leswaku hi nga va landzeli? [Yimela nhlamulo. Kutani u hlaya Swivuriso 29:25.] Magazini lowu wu nyikela swivangelo swa ntlhanu leswi nga hi pfunaka leswaku hi chava ku hlundzukisa Xikwembu ku nga ri vanhu.” N’wi kombe xihloko lexi sungulaka eka tluka 12.
Xalamuka! March
“Hinkwerhu ha swi tlangela ku va ni vanghana lavanene. Hi tihi timfanelo leti u ti langutaka eka munhu loyi u lavaka a va munghana wa wena? [Yimela nhlamulo.] Xiya nhlamuselo leyi ya Bibele. [Hlaya Swivuriso 17:17.] Magazini lowu wu ni swiringanyeto leswi nga ku pfunaka leswaku u hlawula vanghana lavanene ni ku va munghana lonene eka van’wana.” N’wi kombe xihloko lexi sungulaka eka tluka 18.
Xihondzo xo Rindza April 1
“Ndzi tsakela ku twa vonelo ra wena hi mhaka leyi Yesu a nga tshama a yi vula. [Hlaya Yohane 3:3.] U ehleketa leswaku swi vula yini ku velekiwa ra vumbirhi? [Yimela nhlamulo.] Ku ti twisisa kahle tinhlamuselo ta Yesu swi nga cinca vutomi bya hina ni leswi hi swi languteleke enkarhini lowu taka. Magazini lowu wu nyikela swivangelo swa kona.”
Xalamuka! April
“Swi tikomba onge vana vo tala va xikolo va tshama va tshikilelekile. Xana leswi va langutanaka na swona a swi fani ni leswi vatswari va vona a va langutana na swona loko va ha nghena xikolo? [Yimela nhlamulo.] Ku tshikileleka ngopfu swi ni khombo. [Hlaya Eklesiasta 7:7a.] Magazini lowu wu hlamusela ndlela leyi vatswari va nga va pfunaka ha yona vana leswaku va langutana ni ntshikilelo.”