Leswi Hi Nga Swi Vulaka Loko Hi Fambisa Timagazini
Xihondzo xo Rindza August 1
“Vo tala va ehleketa leswaku vanhu vo lulama va ta ya etilweni. Xana na wena wa yi pfumela mhaka leyi? [Yimela nhlamulo.] Xiya leswi tsalwa leri ri swi vulaka hi misava. [Hlaya Pisalema 37:11, 29.] Xihloko lexi xi hlamusela leswi Yesu a swi dyondziseke hi vumundzuku bya vanhu laha misaveni.” N’wi kombe xihloko lexi sungulaka eka tluka 22.
Xalamuka! August
“Evuton’wini swi kona swilo leswi hi twisaka ku vava, kambe a xi kona lexi vavaka ku fana ni ku feriwa hi mutswari. Xana u pfumelelana na yona mhaka leyi? [Yimela nhlamulo.] Vo tala va chaveleriwile hi tindzimana ta Bibele to fana ni leyi. [Hlaya Nhlavutelo 21:4.] Xihloko lexi xi hlamusela ndlela leyi hi nga langutanaka ni xiyimo lexi ha yona, ngopfu-ngopfu vantshwa.” N’wi kombe xihloko lexi sungulaka eka tluka 10.
Xihondzo xo Rindza September 1
“Van’wana va vula leswaku loko u tshembekile eka Xikwembu, xi ta ku katekisa hi rifuwo kambe vusiwana i xikombiso xa leswaku a xi ku amukeli. Xana u ehleketa yini hi mhaka leyi? [Yimela nhlamulo.] Lexi hlamarisaka hileswaku Yesu a nga fuwanga. [Hlaya Luka 9:58.] Magazini lowu wu vulavula hi mikateko leyi malandza ya Xikwembu ma nga yi kumaka.”
Xalamuka! September
“Xana u ehleketa leswaku vantshwa va langutana ni swiphiqo swo tala namuntlha ku tlula emalembeni lama hundzeke? [Yimela nhlamulo.] Vo tala va ri tsalwa leri ri wu hlamusela kahle nkarhi lowu hi hanyaka eka yona. [Hlaya 2 Timotiya 3:1.] Magazini lowu wu xaxameta milawu ya Bibele leyi kongomisaka leyi nga ta pfuna vatswari ni vantshwa leswaku va tiyisela swiphiqo leswi va langutanaka na swona.”