Leswi Hi Nga Swi Vulaka Loko Hi Fambisa Timagazini

Xihondzo xo Rindza September 1

“Vanhu vo tala va ehleketa leswaku mhaka ya Adamu na Evha leyi nga eka Genesa i ntsheketo. Van’wana va pfumela leswaku Adamu na Evha a ku ri vanhu va xiviri. Wena u ri yini hi mhaka leyi? [Yimela nhlamulo.] Xiya leswi Yesu a nga swi vula hi vona. [Hlaya Marka 10:6-9.] Magazini lowu wu veka ntiyiso wa mhaka leyi erivaleni wu tlhela wu hlamusela leswaku ha yini swi ri swa nkoka leswi hi swi pfumelaka.” N’wi kombe xihloko lexi sungulaka eka tluka 12.

Xalamuka! September

Hlaya 1 Yohane 4:8 kutani u ku: “Vanhu van’wana va pfumela leswaku Xikwembu xi xanisa vanhu vo biha hilaha ku nga heriki etiheleni. Van’wana va ri mhaka leyi a yi pfumelelani na swona leswi ha ha ku swi hlayaka. Wena u ri yini hi mhaka leyi? [Yimela nhlamulo.] Xihloko lexi xi kombisa leswi Bibele yi swi dyondzisaka hi mhaka leyi.” N’wi kombe xihloko lexi sungulaka eka tluka 10.

Xihondzo xo Rindza October

“Hinkwerhu ka hina hi langutana ni swiphiqo evuton’wini. [Boxa swin’wana leswi tolovelekeke ensin’wini ya n’wina.] U ehleketa leswaku Xikwembu xi nga swi kota ku hi pfuna? [Yimela nhlamulo.] Eka ndzimana leyi hi nga ta yi hlaya, Yesu u boxe ndlela yin’we leyi Xikwembu xi nga hi pfunaka ha yona. [Hlaya Luka 11:13.] Magazini lowu wu hlamusela leswi moya lowo kwetsima wu nga swona ni ndlela leyi wu nga hi vuyerisaka ha yona.”

Xalamuka! October

“Swiphiqo swi va kona endyangwini wun’wana ni wun’wana. U ehleketa leswaku mindyangu yi nga yi kuma kwihi ndzayo leyinene leyi nga ta yi pfuna? [Yimela nhlamulo kutani u hlaya Pisalema 32:8.] Nkandziyiso lowu wo hlawuleka wa Xalamuka! wu hlamusela yin’wana ya milawu ya Bibele leyi kongomisaka leyi nga pfunaka mindyangu.”