Leswi Hi Nga Swi Vulaka Loko Hi Fambisa Timagazini

Xihondzo xo Rindza January 1

“Xana u anakanya leswaku Xikwembu xi ni mhaka hi leswi vanhu va onhaka mbango? [Yimela nhlamulo. Kutani u hlaya Nhlavutelo 11:18.] Xihloko lexi xi nyikela swivangelo leswi nga eMatsalweni swo tshemba leswaku swilo swi ta va kahle emisaveni enkarhini lowu taka.” N’wi kombe xihloko lexi nga eka tluka 18.

Xalamuka! January

“Loko vanhu vo tala va humeleriwa hi swiphiqo va ehleketa leswaku va xupuriwa hi Xikwembu. Xana na wena u tshame u titwa hi ndlela yoleyo? [Yimela nhlamulo. Kutani u hlaya Yakobo 1:13.] Xihloko lexi xi hlamusela leswaku i mani loyi kahle-kahle a hi vangelaka swiphiqo ni leswaku ha yini hi nga tiyisekaka leswaku maxangu ya hina ma ta hela ku nga ri khale.” N’wi kombe xihloko lexi sungulaka eka tluka 28.

Xihondzo xo Rindza February 1

“Xana u ehleketa leswaku vukhongeri hinkwabyo bya amukeleka eka Xikwembu? [Yimela nhlamulo.] Twana mhaka leyi Yesu a yi vuleke leyi a yi n’wi karhata. [Hlaya Matewu 15:8, 9.] Xihloko lexi xi kombisa loko Xikwembu xi amukela vukhongeri hinkwabyo.” N’wi kombe xihloko lexi nga eka tluka 9.

Xalamuka! February

“Xin’wana ni xin’wana lexi nga kona emisaveni xi kombisa leswaku a yi endleriwe ku va swilo leswi hanyaka swi kota ku hanya eka yona. Xana u ehleketa leswaku swilo leswi swi lo tiendlekela kumbe swi kombisa leswaku swi endliwe hi Muvumbi? [Yimela nhlamulo.] Vanhu vo tala va swi pfumela leswi vuriwaka hi ndzimana leyi ya Bibele. [Hlaya Pisalema 104:24.] Magazini lowu wu kambisisa vumbhoni bya swa sayense ni bya Matsalwa lebyi kombisaka leswaku ku ni Muvumbi.”