Leswi Hi Nga Swi Vulaka Loko Hi Fambisa Timagazini

Xihondzo xo Rindza November 1

“Swi tikomba onge swiphiqo swa mindyangu yo tala swi ya swi nyanya. U ehleketa leswaku swirho swa mindyangu swi nga vuyeriwa loko swo va ni langutelo ra Yesu? [Hlaya Matewu 20:28 kutani u yimela nhlamulo.] Magazini lowu wu nyikela swikombiso swa ntlhanu leswi mindyangu yi nga swi dyondzaka eka Yesu.” N’wi kombe xihloko lexi sungulaka eka tluka 16.

Xalamuka! November

“U ehleketa leswaku vukhongeri byi kondletela rirhandzu ni vun’we kumbe rivengo ni madzolonga? [Yimela nhlamulo.] Swi tikomba onge vanhu vo tala a va ma landzeli marito lawa ya Yesu. [Hlaya Matewu 5:44, 45.] Magazini lowu wu hlamula xivutiso lexi nge, xana munhu a nga swi kota ku rhandza valala vakwe?” N’wi kombe xihloko lexi sungulaka eka tluka 10.

Xihondzo xo Rindza December 1

“U ehleketa leswaku siku rin’wana Xikwembu xi ta ku herisa ku xaniseka laha misaveni? [Yimela nhlamulo.] Xiya xitshembiso lexi nga eBibeleni lexi hi nyikaka ntshembo. [Hlaya rin’wana ra matsalwa lama nga ebokisini leri nga eka tluka 7.] Magazini lowu wu kombisa leswi Bibele yi swi vulaka malunghana ni ndlela leyi Xikwembu xi nga ta ku herisa ha yona ku xaniseka.”

Xalamuka! December

“Vanhu van’wana va ri vuako byi lo vumbiwa, kasi van’wana va ri byi lo tiendlekela naswona a byi na xikongomelo. U ehleketa yini hi mhaka leyi? [Yimela nhlamulo.] Twana leswi Bibele yi swi vulaka. [Hlaya Vaheveru 3:4.] Magazini lowu wu nyikela xivangelo lexi twalaka malunghana ni masungulo ni xikongomelo xa vuako hinkwabyo.”