Leswi Hi Nga Swi Vulaka Loko Hi Fambisa Timagazini

Xihondzo xo Rindza December 1

“Enkarhini lowu wa lembe vanhu vo tala va tala ku vekela Xifaniso xa Yesu na Mariya leswaku va tsundzuka xiendlakalo lexi xa le Bibeleni. [Hlaya Matewu 2:1, 11.] Xana u tshame u ku xiya ku hambana loku nga kona exikarhi ka leswi Bibele yi swi vulaka hi xiendlakalo lexi ni leswi vanhu va swi vulaka? [Yimela nhlamulo.] Xihloko lexi xi swi hlamusela kahle leswi nga endleka eka xiendlakalo xexo.” N’wi kombe xihloko lexi sungulaka eka tluka 31.

Xalamuka! December

“Ndzi tsakela ku twa vonelo ra wena malunghana ni mhaka yin’wana leyi Yesu a nga yi vula. [Hlaya Matewu 5:3.] Tanihi leswi ku nga ni vukhongeri byo tala, xana u ehleketa leswaku swi ni mhaka leswaku hi xi enerisa njhani xilaveko xa hina xa moya? [Yimela nhlamulo.] Xihloko lexi xi hlamusela leswi Bibele yi swi vulaka malunghana ni ndlela leyi hi nga xi enerisaka ha yona xilaveko xa hina xa moya.” N’wi kombe xihloko lexi nga eka tluka 12.

Xihondzo xo Rindza January 1

“Loko ku tiwa emhakeni ya byala, vanhu va vukhongeri byo hambana-hambana va tshama va ri karhi va kanetana. U ehleketa leswaku Xikwembu xi titwa njhani hi vanhu lava nwaka byala? [Yimela nhlamulo.] Hambileswi Bibele yi vulaka leswaku Yesu u tshame a hundzula mati ma va vhinyo, yi tlhela yi vula leswi. [Hlaya Swivuriso 23:20a.] Magazini lowu wu kombisa leswi Bibele yi swi vulaka hi mhaka leyi.”

Xalamuka! January

“Eminkarhini leyi ya mangava, vanhu vo tala va vona onge va tirha ngopfu naswona va tshama va tshikilelekile. Xana u tshame u titwa hi ndlela yoleyo? [Yimela nhlamulo.] Twana xitsundzuxo lexi. [Hlaya Eklesiasta 4:6.] Magazini lowu wu hlamusela ndlela leyi hi nga ringaniselaka ha yona exikarhi ka ntirho, ndyangu ni ku tihungasa. Wu tlhela wu nyikela switsundzuxo eka vanhu lava lavaka ntirho.”