Leswi Hi Nga Swi Vulaka Loko Hi Fambisa Timagazini

Xihondzo xo Rindza February 1

“Vo tala va hina hi ni vukhongeri bya hina. Xana u anakanya leswaku Xikwembu xi ni mhaka ni ndlela leyi hi xi gandzelaka ha yona? [Yimela nhlamulo kutani u hlaya Matewu 15:9.] Xihloko lexi xi hlamusela tinhla ta mune malunghana ni vugandzeri bya ntiyiso hilaha Yesu a byi paluxeke hakona.” N’wi kombe xihloko lexi sungulaka eka tluka 16.

Xalamuka! February

“Van’wana va tshembela eka Muvumbi, loko hi hala tlhelo van’wana va vona onge ntshembo wolowo a wu fambelani ni sayense naswona a wu twali. Xana u swi vonisa ku yini? [Yimela nhlamulo.] Hi ku ya hi Bibele, ripfumelo ra ntiyiso ri fanele ri va ri sekeriwe eka vumbhoni bya xiviri. [Hlaya Vaheveru 11:1.] Xihloko lexi xi nyikela vumbhoni byin’wana lebyi vulavulaka hi Muvumbi.” N’wi kombe xihloko lexi sungulaka eka tluka 22.

Xihondzo xo Rindza March 1

“Xana Bibele u yi teka yi ri Rito ra Xikwembu kumbe u ehleketa leswaku ko va buku leyinene ntsena? [Yimela nhlamulo.] Xiya leswi Bibele yi swi vulaka. [Hlaya 2 Timotiya 3:16, 17.] Magazini lowu wu hlamusela ndlela yo endla swiboho leswinene emhakeni leyi nileswaku ha yini swi ri swa nkoka ku endla tano.”

Xalamuka! March

“Ku fana ni vanhu vo tala, a swi kanakanisi leswaku wa ku xiya ku saseka ka ntumbuluko. Xana wa pfumela leswaku ntumbuluko wu tumbuluxiwe hi vutlhari? [Yimela nhlamulo kutani u hlaya Pisalema 104:24.] Magazini lowu wu nyikela swikombiso swo tsakisa leswi kumekaka eka ntumbuluko wu tlhela wu hlamusela leswi ntumbuluko wu hi dyondzisaka swona.”