Leswi Hi Nga Swi Vulaka Loko Hi Fambisa Timagazini

Xihondzo xo Rindza April 1

“Vanhu van’wana va pfumela leswaku vumundzuku bya hina byi kunguhatiwe hi Xikwembu, kasi van’wana va vula leswaku ha tihlawulela leswi hi lavaka leswaku byi va xiswona. Wena u ehleketa yini? [Yimela nhlamulo.] Twana mhaka yo tsakisa leyi nga etsalweni leri. [Hlaya Eklesiasta 9:11.] Magazini lowu wu nyikela nhlamulo leyi humaka eBibeleni ya xivutiso lexi nge, ‘Xana Swilo Leswi Hi Humelelaka eVuton’wini Swi Kunguhatiwe Hi Xikwembu?’” N’wi kombe xihloko lexi sungulaka eka tluka 26.

Xalamuka! April

“Vukati byo tala bya fa hikwalaho ka ku nga tshembeki. Xana ku tirhisa ndzayo ya tsalwa leri swi nga byi sirhelela vukati? [Hlaya Matewu 5:28. Kutani u yimela nhlamulo.] Magazini lowu wu tirhisa Bibele ku pfuna mimpatswa leswaku yi nga phasiwi hi moya wa ku nga tshembeki.” N’wi kombe xihloko lexi sungulaka eka tluka 28.

Xihondzo xo Rindza May 1

“U ehleketa leswaku i yini lexi endlaka leswaku munhu swi n’wi tikela ku va ni ripfumelo eka Xikwembu? [Yimela nhlamulo.] Hi ku ya hi tsalwa leri, ripfumelo i ra nkoka. [Hlaya Vaheveru 11:6.] Magazini lowu wu nyikela swivangelo swa mune leswi hi nga swi tirhisaka leswaku hi tiyisa ripfumelo ra hina.”

Xalamuka! May

“Vanhu vo tala namuntlha a va swi landzeli swiletelo leswi va nyikiwaka swona malunghana ni ku tirhisa tiphilisi. U ehleketa leswaku ku nga va ku ri yini xivangelo xa kona? [Yimela nhlamulo.] Bibele yi boxa xin’wana xa swivangelo leswikulu, ngopfu-ngopfu eka vana. [Hlaya Swivuriso 13:20.] Magazini lowu wu hlamusela ndlela leyi u nga tisirhelelaka ha yona wena swin’we ni ndyangu wa wena eka ntungu lowu wo biha.”