Leswi Hi Nga Swi Vulaka Loko Hi Fambisa Timagazini

Xihondzo xo Rindza May 1

“U ehleketa leswaku misava a yi ta va njhani loko munhu un’wana ni un’wana a a endla leswi Yesu a swi vuleke laha? [Hlaya Matewu 7:12 kutani u yimela nhlamulo.] Xihloko lexi xi hlamusela tidyondzo tin’wana ta Yesu leti kombisaka leswi ku va Mukreste swi vulaka swona.” N’wi kombe xihloko lexi sungulaka eka tluka 16.

Xalamuka! May

“Xana u ehleketa leswaku xiyimo xa ikhonomi xi ta antswa ku nga ri khale? [Yimela nhlamulo.] Vanhu vo tala a va yi xiyi ndlela leyi Bibele yi nga hi pfunaka ha yona eminkarhini leyi ya mangava. [Hlaya tsalwa leri nga exihlokweni lexi.] Xihloko lexi xi kombisa ndlela leyi xitsundzuxo xa Bibele xi nga hi pfunaka ha yona leswaku hi langutana ni xiyimo xa ikhonomi lexi tshamelaka ku tsekatseka.” N’wi kombe xihloko lexi sungulaka eka tlula 18.

Xihondzo xo Rindza June 1

“Khale tikereke a ti vulavula hi xidyoho kambe namuntlha a ta ha vulavuli ha xona. Xana u ehleketa leswaku xidyoho i mhaka ya khale naswona a ha ha fanelanga hi karhateka ha xona? [Yimela nhlamulo kutani u hlaya Varhoma 5:12.] Magazini lowu wu kombisa leswi Bibele yi swi vulaka hi xidyoho.”

Xalamuka! June

“Swi tikomba onge vutomi byi ya byi va tshikilela swinene vanhu. Xana u pfumelelana na yona mhaka leyi? [Yimela nhlamulo.] Vanhu vo tala va vona onge marito lawa hi wona ma endlaka leswaku va ya va tshikileleka swinene. [Hlaya 2 Timotiya 3:1.] Magazini lowu wu hlamusela ndlela leyi ntshikilelo wu hi khumbaka ha yona. Wu tlhela wu hi byela leswi hi nga swi endlaka leswaku hi wu lawula.”