Leswi Hi Nga Swi Vulaka Loko Hi Fambisa Timagazini

Xihondzo xo Rindza January 1

“Xana u ehleketa leswaku misava a yi ta va ndhawu yo antswa loko vanhu hinkwavo a va hanya hi milawu ya Bibele? [Hlaya Varhoma 12:18 kutani u yimela nhlamulo.] Xana u tshame u tivutisa leswaku ha yini Xikwembu xi byele vanhu va xona va le minkarhini ya khale leswaku va lwa nyimpi? Xihloko lexi xi nyikela nhlamulo leyi twisisekaka leyi humaka eBibeleni.” N’wi kombe xihloko lexi sungulaka eka tluka 13.

Xalamuka! January

Hlaya Mintirho 17:31a, kutani u ku: “Vanhu vo tala loko va ehleketa hi Siku ra Vuavanyisi va khomiwa hi rhumbyana. Xana wena u titwisa ku yini ha rona? [Yimela nhlamulo.] Bibele yi dyondzisa leswaku Siku ra Vuavanyisi ri ta tisa mikateko yo tala emisaveni. Xihloko lexi xi hlamusela sweswo.” N’wi kombe xihloko lexi sungulaka eka tluka 10.

Xihondzo xo Rindza February 1

“Vanhu vo tala va ni ntshembo wa leswaku va ta ya etilweni loko va fa. Xana na wena u ni ntshembo wolowo? [Yimela nhlamulo.] Xiya leswi Bibele yi swi vulaka malunghana ni hakelo leyi vanhu vo tala lavanene va nga ta yi kuma. [Hlaya Pisalema 37:29.] Magazini lowu wu hlamusela leswi Bibele yi swi vulaka malunghana ni lava nga ta ya etilweni ni leswi va yaka va ya swi endla.”

Xalamuka! February

“Ku dlaya vukati swi tolovelekile namuntlha. Xana u ehleketa leswaku mimpatswa yo tala yi rhanga yi kambisisa swilo leswi katsekaka loko yi nga si endla xiboho xo dlaya vukati? [Yimela nhlamulo kutani u hlaya Swivuriso 14:15.] Magazini lowu wu hlamusela tinhla ta mune leti mimpatswa leyi tekaneke yi faneleke yi ti kambisisa loko yi ehleketa hi ku dlaya vukati.”