Leswi Hi Nga Swi Vulaka Loko Hi Fambisa Timagazini

Xihondzo xo Rindza April 1

“Matsalwa man’wana ma vula leswaku Yesu a nga fanga hilaha Bibele yi vulaka hakona, kambe a a tekile naswona a a ri ni vana. Xana u tshame u yi twa mhaka leyi? [Yimela nhlamulo.] I swa nkoka leswaku hi tiva ntiyiso. [Hlaya Yohane 17:3.] Xihloko lexi xi nyikela swivangelo swo va hi tshemba leswi Bibele yi swi vulaka hi Yesu.” N’wi kombe xihloko lexi sungulaka eka tluka 26.

Xalamuka! April

Hlaya Pisalema 37:9-11, kutani u ku: “U ehleketa leswaku misava yi ta va njhani loko leswi se swi endleka? [Yimela nhlamulo.] Xihloko lexi xi vulavula hi vuprofeta lebyi, lebyi khutazaka naswona xi hlamusela leswaku ha yini hi vona vubihi byo tala emisaveni namuntlha.” N’wi kombe xihloko lexi sungulaka eka tluka 20.

Xihondzo xo Rindza May 1

“Xana u tshame u tivutisa leswaku ha yini Xikwembu xi pfumelela ku xaniseka? [Yimela nhlamulo.] Xiya swivutiso swin’wana leswi vutisiweke hi mutsari un’wana wa Bibele leswi vanhu vo tala va swi vutiseke. [Hlaya Pisalema 10:1.] Magazini lowu wu hlamusela leswi Bibele yi swi vulaka malunghana ni ku va Xikwembu xi pfumelela ku xaniseka ni leswi xi nga eku swi endleni leswaku xi herisa ku xaniseka.”

Xalamuka! May

“Vanhu vo tala va swi lava ku tshika ku dzaha kambe swa va tikela. Xana u tiva un’wana loyi a lavaka ku tshika ku dzaha? [Yimela nhlamulo.] Van’wana va swi kume swi pfuna ku amukela mpfuno lowu humaka eka vanghana ni vandyangu. [Hlaya Eklesiasta 4:12a.] Magazini lowu wu tamele swiringanyeto swin’wana swa xiviri leswi nga pfunaka munhu leswaku a tshika ku dzaha.”